יא יא. שוין. האמיר א מחלוקת צווישן מהרי"ל און מהרש"ל? אדער איז דער V טראנספארמירט געווארן טאקע דעמאלט?
אגב, די תימנים זאגן א ווא"ו ווי א W און זיי האבן ראיות לדבר אויך. זיי טענה'ן אז דער דאזיגער מהרי"ל (אבל המדקדקים אומרים וכו') איז אויף זייער זייט. יתכן.
המברך יתברךהאט געשריבן:↑מיטוואך אוגוסט 02, 2023 10:16 pm
יא יא. שוין. האמיר א מחלוקת צווישן מהרי"ל און מהרש"ל? אדער איז דער V טראנספארמירט געווארן טאקע דעמאלט?
אגב, די תימנים זאגן א ווא"ו ווי א W און זיי האבן ראיות לדבר אויך. זיי טענה'ן אז דער דאזיגער מהרי"ל (אבל המדקדקים אומרים וכו') איז אויף זייער זייט. יתכן.
איך וועל אריינווארפן מיינע צוויי צענט, איבער וואס איז פריער געברענגט געווארן אז מען זעט אין די שפעטערע יארן ווי בזמן הבעל שם טוב האט דער יודיש אנגעהויבן ווערן מער היימיש, בעיקר אין פולין רוסיה וליטא, ווידעראום אין אונגארין איז עס געבליבן מער דייטש. היינו וואס דער פותח האשכול האט אויסגעשמועסט אינעם ערשטן תגובה, אז אונזער יודיש איז שוין דורך כמה גלגולים. ווען דער עולם האט געוואוינט אין דייטשלאנד איז דער יודיש געווען גאר ענליך צו דייטש, ער האט נישט געהאט צופיל שאנסען צו געטוישט ווערן, וויטער אין רוסלאנד און פולין ווי מען איז שוין געווען ווייט פון דייטשלאנד א פאר הונדערט יאר האט זיך שוין דערקענט א גרויסע שינוי.
דאס וואס מען האט גערעדט אין אויבערלאנד איז נישט געווען צוליב די מאדערענע, ווייל דער חתם סופר אליין האט גערעדט אזא דייטשע יודיש, ווי דערמאנט איז נישט געווען קיין סיבה פאר א דראסטישן טויש אינעם שפראך וואוינענדיג אין דייטשלאנד.
סאיז אינטערסאנט צו נאכברענגען פון בני יששכר אין הוספות מהרצ״א, אז די יסוד פון א יודישע שפראך איז די ״לשון הקודש ווערטער״ וואס זענען אריינגעמישט אין איר. אויף דעם דארף מען זיכער מאכן נישט צו טוישן.
מיר זעט אויס אז אין דייטשלאנד נאך פאר'ן חתם סופר איז עס געווען מער "אידיש" ווי אין אויבערלאנד פאר דער מלחמה (זע מקורות). און זיי וויסן, אז דייטשלאנד האט שוין בערך הונדערט יאר פאר'ן חתם סופר געהאט כמעט נאר רבנים פון פוילן, ווייל דייטשלאנד אליין האט שוין כמעט נישט פראדוצירט קיין רבנים. (יבואו ההיסטאריקער ויגידו).
א יישר כח פאר דיינע דברי חיזוק בכל אופן, און בפרט אז דו שטימסט צו מיט מיינע "לשון קודש" ווערטער. איך גלייך עס זייער, און איך קען ממש נישט פארנעמען וויאזוי אנדערע זענען געפערליך מקפיד נישט צו ניצן קיין געשמאקן לשון קודש ווארט, ווייל ס'איז נישט פון דער ריינער ראסע.