איך ווייס נישט צו דאס געהערט ביי עקאנאמישע אדער פאליטישע נייעס, ובכל אופן בין איך נישט די גרעסטע עקספערט, אבער אז איך זע אז עס איז נאכנישט דא קיין אשכול פאר דעם האב איך גענומען די פתיחה כיבוד.
עס איז יעצט געווען אין די נייעס א (אפיציעל) אומוויכטיגער אנקאדאט, אז די עמעראטן און סאודיע אראביע האבן צווישן אנדערע זיבן לענדער זיך יעצט אנגעשלאסן אין די בריקס פאראיין.
לאמיר אנפאנגן מיט פריע היסטאריע, צו פארשטטיין געבן וואס דאס מיינט, און איך לאדן יעדעם זיך צו דינגן אדער קאמענטירן, ווייל איך בין זיכער אז אנדערע דא קענען זיך בעסער אויס (און טאקע דערפאר וואונדער איך זיך פארוואס עס איז נאך נישט דא אזא אשכול)
נאך די גרעיט דעפרעשן - צוזאמען מיט די אנטוויקלונג פון האנדל, די וועלטס קריג,און די אומפראקטישקייט פון רויע מאטריאלן אלס וואלוטע - האבן זיך 1944 די פעלקער צוזאמגענומען, און באשלאסן צו מאכן א מאנטערי פאנד. די געדאנק דעפון איז געווען, אז וויבאלד אמעריקע איז געווען צוליב איר פאליטישע און געאגראפישע מצב די מערסטע סטאביל, איז די אמעריקאנע דאללאר געווארן פאררעכנט אויפן פלאץ פון גאלד, און אלע וואלוטעס האבן אנגעפאנגן צו לויפן לויט דעם.
נאך די וועלטס קריג, האט דאס געגעבן אומבאגרעניצט מאכט פאר אמעריקע, צוליב דעם וואס יעדער האט געמוזט צוקומען צו זיי. דאס האט זיי געגעבן די כח פון גרונדן די יו ען און אלע אנדערע אזוי גערופפענע "וועלטס ארגענעזאציעס" וואס עס איז א סוד פאר גאנץ בראד אז זיי אלע זענען דירעקטע פליגלען פון אמעריקע און זייערע אפיליאירטע.
מיט די גרינדונג פון וועלפעיר און די וויעטנאם קריג - וואס לויט טייל איז דאס די אומאפיציעלע אנפאנג פון די עפאכע פון דיעפ סטעיט, וואוק, און אלע אנדערע ליבערעאלע טיפשות - האט אמעריקעס גלאנץ אלס סטאבילע עקאנאמיע אנגעפאנגן צו אונטערהינקן, צוליב דעם וואס די אימפארט-עקספארט רעשיאו האבן שוין נישט געשטימט, און עס האט זיך אנפאנגן די נייע עפאכע פון אמעריקאנע חובות - און פארם פון טרעזשארי באנדס/ אמעריקאנע דאללארן וואס יעדער מוז בלית ברירה געטרויען, אן גארנישט צו באקומען פאר דעם. צו ראטעווען די מצב, האט אמעריקע געטון פארשידענע פעולות, ווי די לעכערדיגע דעבט סילינג ועוד.
די הויפט זאך וואס האט דאן געראטעוועט די מצב, איז געווען די הסכם מיט סאודיע אראביע און די עמעראטן, אז זיי גייען נאר אקצעפטירן פאר זייערע גאזן די אמעריקאנעם דאללאר - וואס דאס האט געצווינגן לענדער צו ווייטער זיך רעכענן מיט די אמעריקאנעם דאלאר.
לאמיר אביסל אריבערשפרינגען. נאכן צוזאמפאל פון קאמונזים, האט רוסלאנד זיך געזעצט צום ווארשעווען פאקט, און אפיציעל אנגעפאנן צו זיין אוועילעבל פאר נארמאלע פארהאנדלונגען מיט די מערב וועלט. גאנץ שנעל, האבן זיך זיי זיך אבער איבערצייגט אז מיט די דזשי 7,8,,20 אדער סיי וויפיל, און די אנדערע אזוי גערופענע "פעלקער ארגעניזאציעס" איז אלעס א איינזייטיגע שלום און א אינטערנאציאנלע בלינדע לאיאליטעיט צו אמעריקע.
ווילנדיג ראטעווען דעם מצב, האבן זיי געגרינדעט בריקס.
בריקס איז בראזיל, רוסלאנס, אינדיע, טשיינע, און שפעטער אויך סאוט אפריקע - אלע פון זיי אנדערסערווט לענדער סיי לויט זייער פאפאלאציע, סיי לויט זייער טעריטאריע, און סיי לויט זייער אוועראל זיך אליינס דעקן - אן קיין שום אונטערנאציאנלע מאכט אדער אפי' רעכט מצד אמעריקע. זיי אלע האבן זיך געפרייט צום געדאנק פון אנפאנגן מאכן שבת פאר זיך. די געדאנק פון בריקס איז געווען צו מאכן א מאנטערי פאנד געבויט לויט די נאטורליכע אוצרות וואס די אלע לענדער האבן, וואס ווען וועלט איז וועלט וואלט יעדער זיך אפגעלאז פון אמעירקאנעם צולעכערטן פאנד און אריבער צו זיי.
למעשה, האבן פעלקער נאך מורא געהאט פונעם אמעריקאנעם פעטער, דעפאר האט אין די פערצן יאר פון גרינדונג נאר סאוט אפריקע זיך אנגעלאסן. חוץ מזה, האבן זיי במילא געמוזט צוקומען צו אמעריקע צוליב די געז הסכם מיט די אראבישע לענדער.
איינער פון די יסודות פו ןדי ווארשעווע פאקט איז געווען אז אוקריינע בלייבט אומ-פארבינדן מיט די מערב וועלט, אזוי אז רוסלאנד זאל זיך נישט דארפן פילן באדראט. למעשה, האבן די צוויי חכמים אבאמא און ביידן, זיכער געמאכט אז דאס זאל נישט ווערן אויסגעפאלגט, און אוקריינא זאל צוביסליך אריבערקומען צו די מערב וועלט - רעכענענדיג, אז רוסלאנד וועט זיך נישט דערוואגן זיך צו אנפאנגן מיט די מערב וועלט, אויס מורא פון סאנקציעס.
די רעשט איז קארענט עווענטס... רוסלאנד האט זיך זענדיג מט א פארקאלכטן פרעזידענט און צודרייטע ספענדינגס אין אמעריקע, אינוואנדירט אוקריינע, דער רובל האט קוים געפאלן - אפי' וויפיל יא, האט זיך עס שפעטער צוריקגעכאפט פאר א תקופה -דער מעסעדזש איז קלאר: בריקס איז שוין גענוג פעסט, מען קען אויסדרייען דעם רוקן צו אמעריקע! ובנוסף לזה, ווען מען נעמט אין באטראכט די שוואכע סופארט וואס די מערב וועלט גיבט פאר אוקריינע, וואס קוים וואס עס ראטעוועט דער מצב, ווייזט עס אז מיליטעריש זענען זיי אויך גארנישט ווערד.
מער האבן די פעלקער - וואס האבן קיינמאל נישט געגליכן אמעריקע - נישט געדארפט, זיבן לענדער אויף אמאל האבן זיך אנגעשלאסן אין בריקס, נאך פילע האבן שוין איינגעגעבן אפליקאציעס. פארוואס זאל מען זיך פארלאזן אויף די אמעריקאנעם דאלער וואס יעדע 4 יאר רוקט א צווייטע שיכור ארויף די דעבט סילינג, אויב עס איז מעגליך עס צו מאכן ארבייטן אויף אמת'ע נאטורליכע ריסארסעס?
אצינד, ווי לאנג נאך גייען די לענדער נאך "אויך" אננעמען דעם דאלער?...
(טשיינע פטר'ט שוין אפאר יאר זייערע אמעריקאנע באנדס און נאוטס - ודי)
