מסע המרומם "אהבת איתן" דורך כ"ק אדמו"ר מבאבוב 45 צו פולין גאליציע אלול פ"ג

אני לא יודע · מאנטאג יאנואר 30, 2023 8:41 pm

די העכער הונדערט משתתפים אין די געהויבענע נסיעה 'אהבת איתן' האבן מיטגעלעבט לעכטיגע טעג באגלייטנדיג כ"ק מרן אדמו"ר שליט"א אויף די וועגן און שטעגן פון פולין גאליציע.

יעדע מינוט פון די היסטארישע נסיעה איז געווען דורכגענומען מיט אזויפיל התעוררות און התרוממות און יעדע סטאנציע וואו מען האט געוויילט איז געווען איינגעטינקען אין גלענצענדע פרעכטיקייט.

מיט איינפאכע ווערטער איז שווער אויסצודריקן טיפע געפילן פון הארץ. די ווייטערידעג בילדער קענען טיילווייז אפמאלן די דרויסענדיגע התעוררות און שיינקייט וואס האט באגלייט די מיטפארער דורכאויס די גאנצע רייזע. אין די ווייטערדיגע שורות וועלן מיר פרובירן איבערצוגעבן אין קורצן 'דברים כהווייתן'.

כ"ק מרן רבינו שליט"א איז אפגעפארן מיט א קבוצה פון העכער הונדערט נדיבים וחסידים וואס זייער מסירות נפש'דיגן בייטראג פאר בנין ביהמ"ד האט זיי געגעבן די זכות צו זיין פונ'ם רבי'נס נאנטע סוויטע און מיטלעבן צוויי מעת לעת פון פולשטענדיגע תענוג רוחני במחיצת הקודש.

ג' אלול, זונטאג אווענט, האט זיך אין א מזל'דיגע שעה געהויבן די פליגער פון רבינו שליט"א אויף וועלכע ס'זענען מיטגעפארן א שיינעם טייל פון די משתתפי הנסיעה. מאנטאג פארמיטאג, אום עלף אזייגער, איז מען אנגעקומען קיין רישא, וואו רבינו שליט"א האט זיך געשטעלט דאווענען אינאיינעם מיט'ן ציבור, אין א ספעציעל אפגעזונדערטן זאַל אין לופטפעלד.

ליזענסק

די משתתפי הנסיעה וועלכע זענען אנגעקומען גרופענווייז אין עטליכע פוילישע לופטפעלדער, זענען אלע אנטפאנגען געווארן אין לופטפעלד מיט פאסיגע כבוד און צוגעפירט געווארן מיט באקוועמע טראנספארטאציע קיין ליזענסק וואו זיי האבן געהאט א געלעגנהייט זיך איבערצופרישן פון די לאנגע רייזע, גיין אין מקוה און זיך אראפלייגן אין פריוואטע צימערן וואס זענען געווען שיין צוגעשטעלט. א ברייטע מיטאג איז געווען אנגעגרייט להשביע נפש כל חי מכל מיני מעדנים ומטעמים.

איידער'ן ארויפגיין צום ציון הק' פון הייליגן רבי ר' אלימלך זי"ע האט רבינו שליט"א משמיע געווען דברי הכנה דרבה און דערנאך האבן אלע אינאיינעם געזאגט, מיט שטורעמישע התעוררות, דעם תפלה קודם התפלה פון הרה"ק ר' אלימלך זי"ע.

דאן האט מען משלים געווען קריאת התורה פון שחרית און רבינו שליט"א האט גומל געבענטשט. אונטערוועגנס צום ציון האט רבינו שליט"א זיך אפגעשטעלט ביים כהנים שטיבל און אפגענומען קוויטלעך פון די כהנים העומדים בעזרה און פון דארט איז דער רבי שליט"א אריין אין אהל הקדוש.

דאס התעוררות ביים זאגן די ח"י פרקי תהלים איז געווען אין לשער און די תפלות האבן זיך געריסן עד לב השמים. נאכ'ן תהלים זאגן האט רבינו שליט"א מרעיש עולמות געווען להיפקד בישועה ורחמים למען הכלל והפרט.

זייענדיג אין אזא הייליגע השראה פון התעוררות רחמים האט רבינו שליט"א מכבד געווען צו זינגען 'מרן די בשמיא' און זיך דערנאך משתטח געווען אויפ'ן קבר אין משך פון א לענגערע צייט.

דאן זענען די משתתפים אריבער איינציגווייז לפני הקודש איבערצוגעבן קוויטלעך. אין לויף פון עטליכע שעה איז רבינו שליט"א געזעסן ביים ציון הק' און בדביקות עילאה געליינט קוויטלעך בפרטיות.

פארלאזנדיג דעם אהל הק' איז רבינו שליט"א פארבעטן געווארן דורך הרה"ג ר' דניאל רוקח שליט"א האדמו"ר מליזענסק צו קומען אנקלאפן א מזוזה אין דעם נייעם בנין הכנסת אורחים אין ליזענסק, וועלכע איז לעצטענס אויפגעשטעלט געווארן אויפ'ן ארט ווי ס'איז אמאל געשטאנען דאס הויף פון צדיקי בית ליזענסק לדורותיהם.

אני לא יודע · מאנטאג יאנואר 30, 2023 8:41 pm

אין ליזענסק ביי די דברות קודש איידער תפילת מנחה

: unnamed (1).jpg (264.49 KiB) געזען 1898 מאל

: unnamed (2).jpg (261.63 KiB) געזען 1898 מאל

ביים זאגן די תפילה קודם התפילה פון הייליגן רבי'ן רבי אלימלך זי"ע

: unnamed (3).jpg (223.8 KiB) געזען 1898 מאל

אני לא יודע · מאנטאג יאנואר 30, 2023 8:41 pm

: unnamed (4).jpg (256.36 KiB) געזען 1881 מאל

: unnamed (5).jpg (203.88 KiB) געזען 1881 מאל

הרב בן ציון יוסף ריינהאלד יו"ר האפנדרעיזינג אפיס ביים אויסרופן די פרטי הנסיעה

: unnamed (6).jpg (256.73 KiB) געזען 1881 מאל

אני לא יודע · מאנטאג יאנואר 30, 2023 8:41 pm

הנה"ח ר' מענדל לאנדא הי"ו ביים געבן פאר כ"ק רבינו שליט"א א ירושה תהילים

: unnamed (7).jpg (208.37 KiB) געזען 1869 מאל

משתתפי הנסיעה ביים שלום נעמען

: unnamed (8).jpg (213.19 KiB) געזען 1869 מאל

: unnamed (9).jpg (237.22 KiB) געזען 1869 מאל

אני לא יודע · מאנטאג יאנואר 30, 2023 8:41 pm

ארויפגייענדיג צום ציון הקדוש אין ליזענסק

: unnamed (10).jpg (269.33 KiB) געזען 1854 מאל

אנ"ש ביים שרייבן קוויטלעך

: unnamed (11).jpg (206.34 KiB) געזען 1854 מאל

ביים נעמען די קוויטלעך פון די כהנים ביים כהנים שטיבל

: unnamed (12).jpg (268.11 KiB) געזען 1854 מאל

אני לא יודע · מאנטאג יאנואר 30, 2023 8:41 pm

: unnamed (13).jpg (328.44 KiB) געזען 1836 מאל

ביים צינדן ליכט ביים ציון הקדוש

: unnamed (14).jpg (216.51 KiB) געזען 1836 מאל

: unnamed (15).jpg (397.1 KiB) געזען 1836 מאל

אני לא יודע · מאנטאג יאנואר 30, 2023 8:41 pm

: unnamed (16).jpg (271.15 KiB) געזען 1824 מאל

: unnamed (17).jpg (251.77 KiB) געזען 1824 מאל

: unnamed (18).jpg (295.74 KiB) געזען 1824 מאל

אני לא יודע · מאנטאג יאנואר 30, 2023 8:41 pm

: unnamed (19).jpg (289.86 KiB) געזען 1812 מאל

ביי די דברות קודש

: unnamed (20).jpg (283.21 KiB) געזען 1812 מאל

: unnamed (21).jpg (309.87 KiB) געזען 1812 מאל

מאמענטאל · זונטאג אוגוסט 15, 2021 8:25 pm

שטארק
שכוח פאר דיינע רייכע אפדעיט'ס
וויפל געלט האט מען געדארפט געבן פארן נייעם בית מדרש צו קענען מיטפארן?

אני לא יודע · מאנטאג יאנואר 30, 2023 8:41 pm

: unnamed (22).jpg (390.84 KiB) געזען 1783 מאל

ביים זינגען מרן דבשמיא

: unnamed (23).jpg (362.74 KiB) געזען 1783 מאל

ביים השתטחות אויפן ציון הקדוש

: unnamed (25).jpg (362.05 KiB) געזען 1783 מאל

אני לא יודע · מאנטאג יאנואר 30, 2023 8:41 pm

ביים ליינען קוויטלעך פון די משתתפי הנסיעה

: unnamed (26).jpg (339.57 KiB) געזען 1754 מאל

: unnamed (27).jpg (311.47 KiB) געזען 1754 מאל

: unnamed (28).jpg (327.34 KiB) געזען 1754 מאל

אני לא יודע · מאנטאג יאנואר 30, 2023 8:41 pm

כ"ק רבינו שליט"א באזוכט אין הכנסת אורחים רבי אלימלך'ס הויז בנשיאות האדמו"ר מליזענסק

: unnamed (29).jpg (138.46 KiB) געזען 1732 מאל

: unnamed (30).jpg (191.95 KiB) געזען 1732 מאל

: unnamed (31).jpg (158 KiB) געזען 1732 מאל

אני לא יודע · מאנטאג יאנואר 30, 2023 8:41 pm

מאמענטאל האט געשריבן: ↑ מאנטאג אוגוסט 28, 2023 2:44 pm

שטארק
שכוח פאר דיינע רייכע אפדעיט'ס
וויפל געלט האט מען געדארפט געבן פארן נייעם בית מדרש צו קענען מיטפארן?

100,000 דולר

שטריקלעוויטש · מאנטאג אוגוסט 28, 2023 2:49 pm

מאמענטאל האט געשריבן: ↑ מאנטאג אוגוסט 28, 2023 2:44 pm

שטארק
שכוח פאר דיינע רייכע אפדעיט'ס
וויפל געלט האט מען געדארפט געבן פארן נייעם בית מדרש צו קענען מיטפארן?

שמעתי אז די נומער איז געוועהן 100 אלפים.
-האקט

אונגארישע הייזער · מאנטאג אוגוסט 28, 2023 4:34 pm

אני לא יודע האט געשריבן: ↑ מאנטאג אוגוסט 28, 2023 2:44 pm

unnamed (19).jpgביי די דברות קודשunnamed (20).jpgunnamed (21).jpg

וואס איז דער שופר בלאזן?

מנשה · זונטאג אוגוסט 08, 2021 4:14 pm

אונגארישע הייזער האט געשריבן: ↑ מאנטאג אוגוסט 28, 2023 4:34 pm

אני לא יודע האט געשריבן: ↑ מאנטאג אוגוסט 28, 2023 2:44 pm

unnamed (19).jpgביי די דברות קודשunnamed (20).jpgunnamed (21).jpg

וואס איז דער שופר בלאזן?

אין באבוב בלאזט מען שופר אום חודש אלול צוויי מאל יעדן טאג, צום ערשט נאך עלינו, דערנאך זאגט מען 18 קאפיטלעך און מען בלאזט נאכאמאל.

ביים ציון האט מען געזאגט די 18 קאפיטלעך תהלים פון יענעם טאג און דערנאך געבלאזן שופר.

מנשה · זונטאג אוגוסט 08, 2021 4:14 pm

אני לא יודע האט געשריבן: ↑ מאנטאג אוגוסט 28, 2023 2:40 pm

הנה"ח ר' מענדל לאנדא הי"ו ביים געבן פאר כ"ק רבינו שליט"א א ירושה תהילים

דאס איז א תהלים פון הרה"ק רבי איציקל נישכיזער זי"ע

אני לא יודע · מאנטאג יאנואר 30, 2023 8:41 pm

צאנז

מאנטאג שפעט נאכמיטאג האט זיך די שיירא ארויסגעלאזט פון ליזענסק קיין צאנז, צום שטאט וואו עס האבן פארצייטנס געשטראמט טויזנטער חסידים וואס זענען פון אומעטום געקומען צו פארן קיין צאנז בדחילו ורחימו.

צום ערשט איז רבינו שליט"א צוגעפארן צום נייעם בנין 'לינת הצדק', מיסודם פון האדמורי"ם שליט"א בני כ"ק האדמו"ר מצאנז זצ"ל, וואו עס האט מקבל פנים געווען האדמו"ר מצאנז גריבוב שליט"א, און רבינו שליט"א האט דארט אנגעקלאפט א מזוזה און דערמיט מחנך געווען דעם נייעם פראכטפולן בנין וואס וועט אי"ה שטיין צום דינסט פון מאסן אידן וואס קומען קיין צאנז פוקד זיין דעם ציון הק'.

אויפ'ן ארט איז פארגעקומען א מסיבת לחיים, ביי וועלכע רבינו שליט"א האט געשמועסט טייערע ענינים איבער די שטאט צאנז און איבער די גרויסע השפעה פון הרה"ק מצאנז זי"ע אין די גאנצע סביבה. אין א זעלטן ווארעמע און היימישע אטמאספער האט מען געזינגען דעם ניגון 'אב הרחמים' פון פריערדיגן רב זי"ע און דערנאך געדאווענט מעריב ברוב עם הדרת מלך.

שפעט ביינאכט איז מען צוגעפארן צום פראכטפולן האטעל אין צאנז, וואו די חשוב'ע געסט זענען אויפגענומען געווארן ביותרת הכבוד, און נאך א נארהאפטיגע נאכטמאל האט דער ציבור איבערגענעכטיגט אין שטאט צאנז.

דינטסאג אינדערפרי, איז דער עולם צוגעפירט געווארן פון האטעל צום מקוה און בנין פון בוני צאנז און פון דארט צום אלטן היסטארישן שול וואו הרה"ק מצאנז זי"ע האט געפראוועט זיין עבודת הקודש בימי חודש אלול.

אין א זעלטענע ערשיינונג האט דער ציבור נדיבים געהאט די זכי' צו הערן פאר'ן דאווענען מפ"ק פון רבינו שליט"א א געוואלדיגע שיעור אין יסודות הדת במשנתו פון הרה"ק מצאנז זי"ע, געבויעט אויף א תשובה אין ספה"ק דברי חיים, חלק או"ח סי' י"ח. דאס דאווענען גופא אין דעם מקום קדוש ומקודש איז געווען לעילא ולעילא.

נאכ'ן דאווענען איז רבינו שליט"א ארויף צום ציון הק' וואו מען האט געזאגט די באשטימטע ח"י פרקי תהלים פונ'ם טאג, געבלאזן שופר און געזינגען ניגוני התעוררות. שטייענדיג פאר'ן הייליגן ציון האט רבינו שליט"א, מיט התעוררות רייד מעומק לבו הטהור, מעורר רחמים געווען און ערוועקט זכותו של אותו צדיק הדורות, מגין צו זיין אויף אלע וואס קלאמערן זיך אין זיינע הייליגע דרכים. רבינו שליט"א האט זיך משתטח געווען אויפ'ן ציון און דערנאך געליינט קוויטלעך במשך א לענגערע צייט.

ס'איז גאר קענטיג געווען די גרויסע עבודה הק' פון רבינו שליט"א אויפ'ן ציון הק' אין צאנז, זייענדיג כל כולו פארכאפט אין א הייליגן פלאם פון קדושה און דביקות, רייסנדיג וועלטן, מיט אויסערגעווענליכע השתפכות הנפש, למען הכלל והפרט.

פאר די נדיבי עם איז געווען צוגעשטעלט בהרחבה גדולה א הערליכע פרישטאג אין בנין פון 'לינת הצדק'.