בן בוזי האט געשריבן: עטליכע שטריכן איבער ר' שמרי' נח מבאברויסק גענומען פונעם באברויסקער יזכור בוך, (אגב: דער אויבן דערמאנטער רידב"ז = ר' יעקב דוד ב"ר זאב וילובסקי וועלכע מען דערמאנט אין אן אנדער אשכול איבער לעצטע נעמען האט צייטווייליג געדינט אין באברויסק אויף די רבנות).
געבוירן בשנת תר"ז אין ליובאוויטש אלס בן זקונים צו זיין טאטע ר' יהודא ליב וועלכע איז שפעטער באוואוסט געווארן אלס דער קאפוסטער, ביי די 16 יאהר האט ער חתונה געהאט מיט הרבנית ליבא בת דודו זיין טאטנס ברודער ר' ישראל נח מניעז'ין.
נאך זיין שווערס פטירה בשנת תרמ"ג האבן איהם זיין שווערס חסידים גערופן קיין ניעזשין ממלא צו זיין מקום חותנו אבער 'לא אסתייעא מילתא' און ער איז צוריק קיין באברויסק, נאך די פטירה פון זיין עלטערער ברודער ר' שלמה זלמן פון קאפוסט וועלכע איז נסתלק געווארן אייר תר"ס האט ר' שמרי' נח אנגעפאנגן צו פירן ראביסטיווע, און פיל פון זיין ברודערס חסידם זענען צו איהם געפארן, בשנת תרס"א האט ער מייסד געווען א חסידישע ישיבה אונטער די אויפזיכט פון זיין זוהן ר' מנחם מענדל, אין דעם ישיבה האבן זיך משלים געווען פילע חבד'סקער בחורים, דער ישיבה איז געבליבן שטיין אויך נאך דער ערשטער רעוואלוציע אין 1905 ווען רוב אנדערע ישיבות זענען געשלאסן געווארן.
ר' שמרי' נח האט זיך באטייליגט אין די ציבורישע אנגעלעגנהייטן וועלכע האבן געפלאגט דעם רוסישען אידנטום און ער האט זיך באטייליגט אין כינוס הרבנים וואס איז פארגעקומען אין פעטערבורג מטעם הממשלה, און אזוי אויך אין דעם פרומען אידישע פארבאנד ביים צווייטן רעוועלוציע אין 1917, ר' שמרי' נח איז געשטאנען בראש פון די מערכה פון די חסידים קעגן די סאציאליסטן און ציונים וועלכע האבן פראבירט משפיע צו זיין אויף די יוגנט.
זיין איינציגער זוהן ר' מנחם מענדל איז געהרג'ט געווארן דורך די דינקין באנדע, און ער איז נסתלק געווארן בשנת תרפ"ג און ווי עס ווערט באריכטעט האבן זיך משתתף געווען אן עולם גדול ביי זיין לוי'.
אין שנת תשכ"ד איז ארויס געקומען פון איהם א ספר 'שמן למאור' על התורה ומועדים.
ר' שמרי' נח פון באברויסק האט געהאט אן איידעם ר' דוד ברבש, ר' דוד האט געהאט א זון ר' ישראל משה און אן איידעם ר' שמואל בעזפאלוב, אינעם באברויסקער יזכור בוך:
http://yizkor.nypl.org/index.php?id=2903
דף 284 (288 מדפי ניפ"ל) איז דא א קאנסוס פון די ק"ק החסידים אין באברויסק פאר ר' ישראל משה ברבש נכד רש"נ מבאברויסק, למעשה האט ער נישט אנגענומען דאס רבנות, נאר זיין שווואגער הנ"ל האט איבערגענומען דאס רבנות, דארט א בלאט פריער איז דא א בילד פון דעם ר' שמואל בעזפאלוב הי"ד
אינטערעסאנט אז דער שרייבער דארט וואס שרייבט די תולדות (דף 277 [281] בספר הנ"ל) איז אן אייניקל פון רש"נ בשם 'משה דוד שניאורסאן' דאס איז שוין פון נאכן קריג, ווייסט איינער מער איבער דעם אייניקל? איז ער געווען א זון פון דעם בן יחיד ר' מנחם מענדל הי"ד?
