אויפוואכונג! מיר גייען הייבן אונזער עוורידזש נדבה פאר'ן ארץ ישראל'דיגן איד צו $2
געזען אזא בריוו אין יעזורו די וואך און איך קלער אז עס וואלט געווען כדאי צו מאכן אן אויפוואכונג דערוועגן:
איך האב געוואלט מעורר זיין אויף א געוויסע נקודה וועגן די ענין פון געבן געלט פאר משולחים.
ווי יעדער האלט מיט זעט מען אז די לעצטע פאר יאר איז אלעס ארויף. אלעס מיינט אלעס. איך מיין אז מען קען ציילן מיט די פינגער וויפיל זאכן זענען געבליבן די זעלבע פרייז פון 3-4 יאר צוריק.
אבער איין זאך זעט מען אז די פרייז איז געבליבן די זעלבע... דאס איז געבן בלויז איין דאלאר פארן ארץ ישראל'דיגן איד. דא רעדט מען שוין פונעם איד וואס געבט א גאנצע דאלער דאס מיינט אז ער פארשטייט אז עס פאסט נישט צו געבן ווייניגער פון א דאלאר ווייל עס איז נישט בכבוד'יג און ער פרובירט זיך אריינצולייגן אין די שיך פונעם צובראכענעם איד וואס מוז נעבעך אהערקומען קלעטערן פאר נדבות צו קענען שפייזן זיך מיט זיין געזונדל.
צו אט די אידן וויל איך אפעלירן: אז איר שפירט שוין יא מיט יענעם'ס צער טוט עס שוין בשלימות.
יעדער פארשטייט אז וואס מען האט אמאל געקענט טון מיט א דאלאר קען מען היינט קוים טון מיט צוויי דאלער. און לאמיר זאגן מיט א משל אז דער ארץ ישראל'דיגער איד וועט שוין יא זיין מזל'דיג און צוזאמשטעלן גאנצע 20 טויזנט דאלאר קען ער נאכאלץ נישט חתונה מאכן מיט דעם ווייל היינט ברויך ער שוין האבן 40 טויזנט דאלאר! דערפאר טייערע אידן, מיין איך אז עס איז געקומען די צייט ארויפצוגיין מיט די "אפעיציעלע מכובד'יגע נתינה" און פון היינט און ווייטער זאל ווערן די נארמע צו געבן פארן ארץ ישראל'דיגן איד לכה"פ צוויי דאלאר.
וכל המוסיף יוסיפין לו מן השמים.
ביזט צומישט? זוכסט קלארקיייט? לייג פאר א מינוט אוועק אלע חשבונות און טראכט כאילו דו ביזט יעצט אליין אויף דער וועלט און יעצט טראכט נאכאמאל איבער דיינע צדדים.
