זע איך אין מאנסי עירוב אשכול, אז דו ביסט זיך מונע פון נוצן דעם עירוב.
אויב דו לאזט זיך אויספרעגן, בין איך נייגעריג: 1. ווילאנג? 2. דו אליין, אדער די גאנצע משפחה? 3. פאר דעיע נישט-געלט קענסטו צוריקקומען קיין וומסב"ג... 4. וואס איז געווען די שווערסטע געוואוינהייט צוריקצודרייען צוליב דעם? 5. איז דען נישט דא געוויסע סערוויסעס אום שבת/3 טעג יו"ט, וואס שולן שטעלן נישט צו?
1. זינט איך האב זיך דא באזעצט (פארדעם פלעג איך זיך יא באנוצן דערמיט, ווען איך פלעג זיין א גאסט אויף א שמחה) 2. איך אליין 3. דאס איז איינע פון די פלענער... מה' מצעדי גבר 4. גארנישט געדארפט טוישן, ווי געשריבן אז איך האב זיך קיינמאל צוגעוואוינט צום עירוב 5. די איינציגע פראבלעם קען זיך שאפן שבת חול המועד סוכות ווען מען דארף טראגן דעם בילקע אין סוכה אריין, און איך גיי אין אזא שול וואו די סוכה איז באהאפטן צום שול און מען ברויך ניטאמאל אן עירוב, אדער עס איך טאקע אינדערהיים [אזוי ווי שבת חול המועד פסח].
יישר כח@differentפאר'ן אריינווארפן א צוואנציגער אין מיין קאנטע!
בן עשרים לרדוף, לויט איין פשט אין ברטנורא מיינט אז מען רודפ'ט אים נאך (עיין שם), קען מען דאס נוצן לענינינו אלס א ברכה אז אין זכות פון די עשרים דאלער, זאל מקויים ווערן אך טוב וחסד ירדפוך כל ימי חייך, ושבת בבית ה' לאורך ימים
יהי רצון מיר זאלן ווייטער קענען בלייבן גוטע שכנים... זאלסט האבן די נויטיגע געלטער צו קויפן וואס דו ווילסט און איך אויך... און זאלסט זען אסאך אידיש נחת ביי דיינע קינדערלעך און הצלחה אין די געשעפטן!
(איך גלייב נישט אז דו ליינסט דא... טאמער יא, שיק מיר א גרוס)
-נאכן זיין אויף הייד-פארק א לענגערע וויילע און מאיז געקומען צום החלטה אז מגייט עפענען אן אייגענע וועלטל האט מען דאך געדארפט האבן א געוואלד מיט געלט צו אויפשטעלן אן אייגענע וועב זייטל. פון וואו איז געקומען די הון תועפות און וואס איז געווען די מטרה פון דער וואס האט עס אינוועסטירט? איז עס געקומען פון א ביזנעס פערספעקטיוו אז דא גייט מען עווענטשעלי קענען מאכן געלט, אדער מער פון אן אידעלאגישע אידעלאגיע אז זאל קאסטן וואס קאסט, דא גייט מען זיכער מאכן אז סזאל זיין א כשרע פלאץ ווי מקען זיך אויסליפטערן?
- דיין@לכאורהניק האט זיך איינגעשריבן אום 2009, וואס איז געווען די ניק מיט וואס דו האסט געשריבן פון ווען מאיז אריבער פון היידפארק ביז 2009?
-אלץ איינער וואס איז שוין אריבער די בן ארבעים לבינה האסטו זיכער אסאך לעבנס ערפארונג אויף דיין רעזומעי. איז וואלט געווען א גוטע געדאנק אויב דו וואלסט געווען גרייט אביסל מיט טיילן מיט די עולם פון דיין ניסיון החיים לתועלת די יונגערע מיטגלידער אויפן וועלטל. וועלכע זאך האסטו חרטה אז דו האסט עס נישט געטון ווען דו ביסט געווען יונגער; וועלכע זאך האסטו חרטה אז דו האסט עס יא געטון ווען דו ביסט געווען יונגער און יעצט קוקענדיג צוריק זעסטו אז סאיז נישט געווען אזא גוטע החלטה?
-און נאך א שאלה פון דיין ערפארונג, אלץ איינער וואס האט שוין חתונה געמאכט קינדער, וואס ביסטו מציע פאר א פרישע יונגערמאן נאכן חתונה צוטון כדאי צו קענען אנקומען ביי די סטעידש פון לעבן מיט א פינאנציעלע רואיגקייט?
-נאכן זיין אויף הייד-פארק א לענגערע וויילע און מאיז געקומען צום החלטה אז מגייט עפענען אן אייגענע וועלטל האט מען דאך געדארפט האבן א געוואלד מיט געלט צו אויפשטעלן אן אייגענע וועב זייטל. פון וואו איז געקומען די הון תועפות און וואס איז געווען די מטרה פון דער וואס האט עס אינוועסטירט? איז עס געקומען פון א ביזנעס פערספעקטיוו אז דא גייט מען עווענטשעלי קענען מאכן געלט, אדער מער פון אן אידעלאגישע אידעלאגיע אז זאל קאסטן וואס קאסט, דא גייט מען זיכער מאכן אז סזאל זיין א כשרע פלאץ ווי מקען זיך אויסליפטערן? דאס געלט האט @ארענדער אינוועסטירט, די שאלה דארף זיין געוואנדן צו אים.
- דיין @לכאורה ניק האט זיך איינגעשריבן אום 2009, וואס איז געווען די ניק מיט וואס דו האסט געשריבן פון ווען מאיז אריבער פון היידפארק ביז 2009? עס הייבט זיך אן מיט א ק'.
-אלץ איינער וואס איז שוין אריבער די בן ארבעים לבינה האסטו זיכער אסאך לעבנס ערפארונג אויף דיין רעזומעי. איז וואלט געווען א גוטע געדאנק אויב דו וואלסט געווען גרייט אביסל מיט טיילן מיט די עולם פון דיין ניסיון החיים לתועלת די יונגערע מיטגלידער אויפן וועלטל. וועלכע זאך האסטו חרטה אז דו האסט עס נישט געטון ווען דו ביסט געווען יונגער; וועלכע זאך האסטו חרטה אז דו האסט עס יא געטון ווען דו ביסט געווען יונגער און יעצט קוקענדיג צוריק זעסטו אז סאיז נישט געווען אזא גוטע החלטה? מיט די היינטיגע ריעל עסטעיט פרייזן, וואלט אפשר יא געווען א גוטע געדאנק צו קויפן עפעס מיט יארן צוריק, א זאך וואס איך האב קיינמאל געטון צוליב די הויכע פרייזן דערפון. אויף די צווייטע חלק שאלה: אפשר וואלט מיין לעבן געווען רואיגער ווען איך בין נישט פארמישט אין די אידישע וועלט פארומס...
-און נאך א שאלה פון דיין ערפארונג, אלץ איינער וואס האט שוין חתונה געמאכט קינדער, וואס ביסטו מציע פאר א פרישע יונגערמאן נאכן חתונה צוטון כדאי צו קענען אנקומען ביי די סטעידש פון לעבן מיט א פינאנציעלע רואיגקייט? איך האב ב"ה חתונה געמאכט דריי קינדער, השי"ת זאל ווייטער העלפן. אלס פרישער יונגערמאן פלעג איך האבן 'נייטמעירס' וויאזוי איך גיי דאס קענען באווייזן אן בעטן הילף אדער זיך אנבארגן, און אפילו נאכ'ן שידוך-שליסן פונעם ערשטן קינד האב איך געשפירט אז די וועלט עקט זיך מיר ח"ו, דאס זעלבע האב איך געשפירט תיכף נאך די שבע ברכות פונעם ערשטן קינד. אבער וויסן זאלט איר, אז השי"ת פארלאזט קיינעם, און אז מען טוט די ריכטיגע השתדלות און מען פארשווענדט נישט איבריג געלט, קען מען חתונה מאכן אן דארפן בארגן א פיאסטער. עכ"פ ביי מיר איז אזוי געווען אלע דריי מאל = חזקה.
-און צום לעצט; וויאזוי קען איך ווערן אן אחראי? נעמט זיך שרייבן מער, און מאכט זיכער צו שרייבן גוט. צייגט ארויס אייער שכל הישר און גרייטקייט צו העלפן אנדערע, און ווען עס וועט זיך מאכן א נויטוועדיגקייט צו אריינברענגען פרישע כוחות, וועט מען אייך באטראכטן דערפאר.
איך שעץ שטארק דיין אויפריכטיגקייט וואס אנערקענט זיך אין דיינע תשובות. כגלייך עס.
כל הכבוד אז דו האסט חתונה געמאכט דיינע קינדער אויף א נידעריגע סטאנדארט און זיך נישט אן געבארגט פון די האלבע שטאט. הערסט@אליעזר קרויססאיז דא אזעלעכע מענטשן אויך!
פארוואס פילסטו אז די אידישע וועלט פארומס האט צוגענומען פון דיין רואיגקייט? סאיז דאך געמאכט פאר די פארקערטע סיבה אז מזאל זיך קומען אויסליפטערן דא. ניין?
אויב איז עס ריכטיג, קומט אויס אז די מנהל ירום הודו האסט אן היסטאריש רעקארד ברעכנדע נאמבער פון 55899 תגובות געשריבן דא אויפן וועלטל!! (נישט אריין גערעכנט די אנדערע ניקס וואס זייערע אידענטיטעט איז נאך אדערווייל אינטער א צו איסור פרסום)
איך שעץ שטארק דיין אויפריכטיגקייט וואס אנערקענט זיך אין דיינע תשובות. כגלייך עס.
כל הכבוד אז דו האסט חתונה געמאכט דיינע קינדער אויף א נידעריגע סטאנדארט און זיך נישט אן געבארגט פון די האלבע שטאט. הערסט @אליעזר קרויס סאיז דא אזעלעכע מענטשן אויך!
פארוואס פילסטו אז די אידישע וועלט פארומס האט צוגענומען פון דיין רואיגקייט? סאיז דאך געמאכט פאר די פארקערטע סיבה אז מזאל זיך קומען אויסליפטערן דא. ניין?
זאלסט זוכה זיין צו גרויסקייט, ווי חז"ל זאגן אז זיך אפשערן איז א מלך ביפיו תחזינה עיניך (תענית יז.), ויגלח ויחלף שמלותיו שטייט ביי יוסף ווען ער איז עלה לגדולה.
די גמרא זאגט אויך "המגלח ראשו בחלום סימן יפה לו", און רש"י זאגט אז דאס איז א סימן פון גדולה ותפארת.
זאלסט מצליח זיין אין אלע דיינע וועגן, און שטייגן און וואקסן מעלות רמות בתורה ועבודת השי"ת.
