Re: האט איר געוואוסט? מיט צמא לדעת
אין מלכים א' (קאפיטל ט"ו) ווערט געשילדערט ווי בעשא בן אחיה פון שבט יששכר האט געמאכט אן אטענטאט איבער נדב בן ירבעם בן נבט, אזוי ווערנדיג דער דריטער קעניג פון מלכות ישראל. בעשא האט דערביי פארטיליגט גאנץ בית ירבעם, ווי דער נביא אחיה השילוני האט שוין פאראויס געזאגט.
בעשא איז אבער אליין נישט געווען קיין צדיק, ווערט פארציילט אין קומענדיגן קאפיטל, און דער נביא יהוא בן חנני איז אים געקומען ווארענען אז בית בעשא וועט האבן דעם זעלבן סוף ווי בית ירבעם. די נבואה איז אויסגעפירט געווארן אין די צייטן פון אלה בן בעשא, ווען זמרי האט אים אומגעברענגט און פארטיליגט גאנץ בית בעשא.
דער סוף פון בית ירבעם און בית בעשא איז געווען וואונדערליך ענליך אין עטליכע הינזיכטן: ביידע זענען אונטערגעגאנגען ביים צווייטן דור, ביידע אטענטאטן האבן פאסירט אין דער צווייטער יאר פונעם קעניג, און ביידע אינמיטן א מלחמה קעגן די פלשתים אין גבתון.
איין חילוק זעט מען אבער: אין קאנטראסט צו נדב בן ירבעם וועלכער איז אומגעברענגט געווארן זייענדיג אויפ'ן פראנט, האט אלה גע'שיכור'ט אין די צייט וואס זיין פאלק האט געקעמפט. אלה איז פאקטיש דער איינציגער פון אלע מלכי יהודה וישראל ביי וועמען שיכרות ווערט בכלל דערמאנט.
בעשא איז אבער אליין נישט געווען קיין צדיק, ווערט פארציילט אין קומענדיגן קאפיטל, און דער נביא יהוא בן חנני איז אים געקומען ווארענען אז בית בעשא וועט האבן דעם זעלבן סוף ווי בית ירבעם. די נבואה איז אויסגעפירט געווארן אין די צייטן פון אלה בן בעשא, ווען זמרי האט אים אומגעברענגט און פארטיליגט גאנץ בית בעשא.
דער סוף פון בית ירבעם און בית בעשא איז געווען וואונדערליך ענליך אין עטליכע הינזיכטן: ביידע זענען אונטערגעגאנגען ביים צווייטן דור, ביידע אטענטאטן האבן פאסירט אין דער צווייטער יאר פונעם קעניג, און ביידע אינמיטן א מלחמה קעגן די פלשתים אין גבתון.
איין חילוק זעט מען אבער: אין קאנטראסט צו נדב בן ירבעם וועלכער איז אומגעברענגט געווארן זייענדיג אויפ'ן פראנט, האט אלה גע'שיכור'ט אין די צייט וואס זיין פאלק האט געקעמפט. אלה איז פאקטיש דער איינציגער פון אלע מלכי יהודה וישראל ביי וועמען שיכרות ווערט בכלל דערמאנט.
