Re: LinkedIn - די תערובות ביזנעס פלאטפארמע. איז עס אויסגעהאלטן פאר א חסידישע אינגערמאן?
איך האב גענומען א ליניע פון גיין צווישן די טראפענס.
ווער עס קען מיך ווייסט אז איך טאנץ אביסעלע אויף צוויי חתונות. איך בין למעשה עמפלויט ביי א קאמפאני, און א מענעדשמענט פאזיציע, ווי מען האנדעלט כסדר מיט לויערס, קאנסאלטענס און אנדערע פראפעשענעלס. אידישע מיט נישט אידישע. פרומע, מיט נישט פרומע. היימישע מיט מאדערענע. קיינער קען מיך נישט חושד זיין אז איך בין א כאניאק אדער א פרומאק. אחוץ די קטני המוחות וואס מיינען אז אויפגעקלערט מיינט אז מען מעג געבן די האנט פאר א פרוי און ר' משה האט עס מתיר געווען (וואס איז א שקר גמור, ואין כאן המקום להאריך). ביז קאוויד בין איך געזעצן אין מיטינגס אפאר מאל א וואך, מימיני מיכאל משמאלי גבריאל. פארשטייט זיך אז האלב פון די צייט האט די קאמפאני אריינגעברענגט טועם צו זיין. ב"ה זייט קאוויד האט מען שוין כמעט נישט די מיטינגס אחוץ אויף זום און טיעמס. וואס פראביר איך צו זאגן? וואס האט עס מיט לינקטאין? ביי די מיטינגס זענען דא אייביג נארמאלע מענטשען וואס מאכן א קידוש השם אין די ווערקפלעיס איעדן טאג! מען רעדט פראפעשנעל, איידעל און מען ערלעדיגט ביזנעס. עס איז דא אייביג א מיעוט וואס מיינען אז ווערן א באם מיינט טרינקן נעגל וואסער אדער ארויסזאגן די טאטעס נאמען אין ביה"כ. אינגערמאנטשיקעל, טשיל. קיינער קוקט דיר נישט ארויף.
די זעלבע מיט לינקטאין. האלט עס פראפעשענעל. הער אויף מיט די אלע לייקס און סמייליס און עמוידזיס. אבער די עיקר וואס איך וויל ציקומען, אפילו איך האב עס שוין געשריבן: פאר רוב רובו היימישע אינגעלייט און היימישע פרויען איז לינקטאין נישט קיין צורך פרנסה. זיי ברויכן עס נישט האבן. נאכאמאל, איז זאג נישט אז עס איז אסור. פשוט ווייל איך האב נישט קיין דעת תורה. אבער מען ברויך עס נישט! איך דערהער וואס מאנכע שרייבן דא אז "רוב" אדער גאר זייער "גאנצע" ביזנעס איז געקומען פון די פלאטפארם. איך הער, איך הער. אויב גלייב איך עס נאר 80% און נישט 100% בין איך נאך נישט קיין אפיקורס. אבער קען זיין. איך בין אינוואוולד אין א ביזנעס ווי איעדער איז אויף לינקטאין און איעדער רעדט זיך איין אז דא טרעפן זיי זייער נעקסטע גיטע זשאב, אבער קלייענט. פאר רוב איז עס איינגערעדט. קען זיין עס איז דא אינדוסטריס ווי עס איז אנדערשט. אפשר ריקרוטינג, דיזיין פירמעס, וכו'. אבער זאג מיר פארוואס די shipping מענעדזער פון א לאמבער יארד, ווי ער ארבייט שוין פאר 20 יאר דארף זיין אויף לינקטאין? גייסט ווערן א פראפעשענעל? גייסט גיין פאר דעגרי און ווערן א לויער?
http://www.KosherTravelInfo.com
~~~~~~~~~~~~~
העלפט מיין חבר פון זיך אונטערברעכן!