אייגנארטיגע נייעס ווינקל

ניקישי · דאנערשטאג מאי 30, 2024 10:49 am

איך באמפ אסאך מאל אריין אין מאדנע נייעסער, ס'נישט דא וואו עס צו שרייבן, און קיינער באריכטעט עס נישט.
איך וויל עס בעז"ה דעליווערן פארן עולם טעגליך, איך האף אז מ'וועט הנאה האבן.

(איך מיין אז ס'איז אמאל שוין געווען אזא אשכול וואו @הכל הבל איז געווען אקטיוו, אבער פאר מיר שרייבט זיך בעסער אין א פריוואטע ווינקל)

ניקישי · דאנערשטאג מאי 30, 2024 10:50 am

א מענטש אין מישיגען האט שאקירט די אנוועזנדע ווען ער איז ערשינען אויף א געריכט סעסיע דורך א זום איבער זיין קעיס וואס האט אריינגענומען קלאגעס פון דרייוון מיט סוספענדירטע לייסענס.
ער האט נישט געטראפן קיין בעסערע וועג וויאזוי פארצושטעלן זיין קעיס, נאר דורכן ערשיינען אויף זום טאקע בשעת'ן זיצן ביים רעדל און דרייוון צו א דאקטאר'ס אפוינטמענט!
די אטוירוני פון Corey Harris איז געבליבן אן ווערטער ביים זעהן פון וואו איר קליענט באטייליגט זיך, אויך די דזשאדזש איז געווען שפראכלאז. נאך א פארצויגענע pause וואס איז געקומען פון שאק, האט די שופט סוספענדירט די בעיל אויף וואס Corey איז געווען, און פארלאנגט אז ער מוז זיך איינגעבן אין פאליס דעפ. ביז 6 אזייגער נאכמיטאג.
ס'איז נישט קלאר אויב Corey איז טאקע אנגעקומען פאר זעקסע צום פאליציי סטאנציע, אבער אויב יא איז גאנץ מעגליך אז ער האט אליינס געדרייווט אהין...

: court.jpg (39.79 KiB) געזען 1621 מאל

הכל הבל · מאנטאג מאי 14, 2018 10:02 pm

א דאנק פארן דערמאנען!

יענע אשכול איז אקטיוו און די נייעס וואס דו ברענגט איז געווארן דארט באריכטעט נעכטן

viewtopic.php?p=5128792#p5128792

ניקישי · דאנערשטאג מאי 30, 2024 11:02 am

קאליפארניע פאליציי האבן ארעסטירט א מענטש וואס טעראריזירט דעם עולם א לאנגע צייט מיט די קינדערישע "סלינגשאט" שפילעריי.
ווען איינוואוינער פון א געגנט האבן זיך באקלאגט אויף קרעקס אין פענסטערס פון הייזער און קארס אין די שכונה, האט די ארטיגע פאליציי געעפנט א אויספארשונג, אבער זיי האבן נישט גע'חלומ'ט צו וואס ס'וועט פירן!
אן 81 יעריגע שייסער\שיסער איז דער שולדיגער וואס שטייט אונטער די קייט פון מיסטעריעזע אטאקעס, ער איז ווארשיינליך קיינמאל נישט אויסגעוואקסן די "באוינג" תאוה פון שיסן א קליינע אייזערנע באלי מיט א סלינגשאט.
פארשטייט זיך אז די פאליציי איז אנגעקומען צום ארעסט מיט א טרעקל וואס איז "סלינגשאט פרוף"...

: sling.jpg (92.81 KiB) געזען 1569 מאל

ניקישי · דאנערשטאג מאי 30, 2024 11:03 am

הכל הבל האט געשריבן: ↑ דאנערשטאג מאי 30, 2024 10:58 am

א דאנק פארן דערמאנען!

יענע אשכול איז אקטיוו און די נייעס וואס דו ברענגט איז געווארן דארט באריכטעט נעכטן

viewtopic.php?p=5128792#p5128792

שכח, נישט געקענט טרעפן!

ניקישי · דאנערשטאג מאי 30, 2024 11:06 am

א מענטש אין קענטאקי האט געוואונען א 50 טויזנט דאללערדיגע פאוערבאלל געווינס דריי חדשים נאך וואס זיין טאכטער האט געווינען איבער 150 טויזנט אין א אנליין לאטערי.
יפה כח הבת מכח האב...

: lottery.jpg (79.18 KiB) געזען 1551 מאל

ניקישי · דאנערשטאג מאי 30, 2024 11:14 am

נאך א נייעס פון איינעם וואס איז געבליבן אבסעסירט מיט קינדישע שפילצייג, איז א פרוי וואס האט זיך נאכנישט אפגעריסן פון די לעגא שפיל, אבער הפנים נוצט זי עס נישט אויף נעגאטיווע צוועקן.
זי האט געבויט א גרויסע וועלטס-רעקארד הייזקע פאר איר הונטל מיט טויזנטע לעגאס. די בנין איז הויעך זעקס פיס!
ווען די קינדער פארשפילן זיך מיט לעגאס טרייבט די מאמע אריין אין בעט, אבער וויאזוי ארבעט עס ווען די מאמע אליין איז פארשפילט מיט די לעגאס??

: lego.jpg (142.65 KiB) געזען 1512 מאל

ניקישי · דאנערשטאג מאי 30, 2024 11:22 am

א בער האט זיך אריינגעבראכן אין א הויז אין די לאס אנדזשעלעס אומגעגנט און אפגעטראגן מיט א פעקל קוכן.
די היים-אייגנטימער זענען געווען אנוועזנד, אבער זיך נישט געקענט קעגנשטעלן.
פונקט ווי "עשו" האט זיך פארדינט דעם טיטל "אדום", האט מען אנגעהויבן רופן דעם בערל "Oreo" על שם די סארט קוקי וואס ער האט גע'גנב'ט.

: oreo.jpg (90.53 KiB) געזען 1476 מאל

ניקישי · דאנערשטאג מאי 30, 2024 11:37 am

צפון קארעא האט אריינגעשיקט 260 פעקלעך קיין סאוט צוגעבינדן צו באלאנען.
די אינהאלט פון די זעקלעך זענען געווען גללי בהמה וואס מ'נוצט צו באמיסטיגן פעלדער!
קיינער ווייסט נישט פשט פון די מאדנע שיפמענט, אבער נאר קארעא זאגט אז "ס'איז א מתנה פאר סאוט פון אונזערע מענטשן"
ס'האט קודם אנגעזייט א שרעק אז אפשר איז עס אנשטעקיגע מאטריאל, אבער די מיליטער זאגט אז זיי האבן עס געטעסט און ס'זעהט נישט אויס צו זיין שעדליך, אבער דאך זאל עס קיינער נישט צורירן נאר רופן די מיליטער אויב טרעפט מען אזא זעקל.

: korea.jpg (139.2 KiB) געזען 1422 מאל

ניקישי · דאנערשטאג מאי 30, 2024 11:59 am

יאפאנעזע שטעטל אויטאריטעטן באוויינען די 1.3 מיליאן יען געשפענדעט אויפצושטעלן א שווארצע צוים וואס האט געדארפט צו פארשטעלן טוריסטן.
די שטעטל Fujikawaguchiko (פארשטאנען?) האט זיך געפלאגט מיט טוריסטן וואס זענען געקומען באזוכן די בארימטע Mount Fuji, ווייל אויף איין ספעציפישע spot פלעגן טוריסטן זיך אפשטעלן אינמיטן די ראוד און בלאקן טרעפיק.
פאריגע וואך האט מען אויפגעשטעלט דארט א ריזיגע שווארצע גדר, וואס האט געזאלט פארשטעלן די view פון די בארג. די ארטיגע קאסע האט געצאלט די ווערט פון איבער 8 טויזנט דאלער פאר די פראיעקט.
למעשה פארן טוריסטן ווייטער אהין און קומען אהיים מיט שיינע בילדער, ווייל ס'איז דא גענוג און נאך "לעכער אין די סיסטעם" וואו א קאמערע לענז גייט באקוועם אריין.
BUILD THE WALLL

דער טוריסט...

: Tourist.jpg (377.8 KiB) געזען 1385 מאל

און זיין בילד...

: picture.jpg (119.75 KiB) געזען 1385 מאל

ניקישי · פרייטאג מאי 31, 2024 7:27 am

די אינטערנעט האט זיך פארסמאקעוועט מיט א באטעלע "פענקעיק" סירופ ווען איינער האט געפאוסט אז ער האט באמערקט א שטרענגע ווארענונג צו האלטן די סירופ ווייט פון "טרעקטארס"!
"Do not freeze and keep away from tractorand sun" האט זיך געליינט די "ווארענונג" אויפן לעיבל.
אינטערנעט באנוצער האבן וויצלדיג געשאסן מיינונגען וואו סירופ+טראקטאר קען גיין ראנג, אבער צום ס'איז אויסגעקלארט געווארן ווען אן אראביש-רעדנדער האט געכאפט אז די UAE קאמפאני וואס פראדוצירט די סירופ האט געמאכט א פארפירערישע איבערטייטש פון אראביש, וויבאלד אין די אראבישע ווערטער פון די ווארענונג פעלט איין פינטל אין א ווארט וואס טוישט די באדייט פון "היץ" צו "טראקטאר"

: Syrup.jpg (377.45 KiB) געזען 1228 מאל

ניקישי · פרייטאג מאי 31, 2024 7:48 am

א ליבהאבער פון די "ספרייט" סאדע געטראנק האט אלס געוואלט האבן א באטל צו די האנט, האט ער זיך געלאזט איינקריצן א כתובת קעקע מיט א בילד פון א סאדע קען.
דער קריצער האט אבער אויסגעלאזט איין אות שאפנדיג א נייע געדאנק פאר א נאמען פון א געטראנק...
דער מענטש זאגט אז ער איז צופרידן פון די רעזולטאט סייווי...

: Spite.jpg (30.63 KiB) געזען 1214 מאל

צוויי גילדען · פרייטאג מאי 31, 2024 8:44 am

טאקע אייגענארטיג!

שכח.

ניקישי · פרייטאג מאי 31, 2024 9:56 am

א מענטש אין אינדיע האט געבראכן זיין אייגענע וועלטס-רעקארד פארן אפטייפן די ענגלישע אלפאבעט אויף א QWERTY קיבאורד מיט זיין נאז!
דער 44 יעריגער Vinod Kumar Chaudhary האט געהאלטן דעם רעקארד אויף זיין רעקארד צום ערשטן מאל אין 2023 ווען ער האט עס באוויזן אין 27.8 סעקונדעס, שפעטער אין יאר האט ער עס איבערגעמאכט אין 26.73 סעקונדערס, און יעצט האט זיך אים פארשמעקט עס איבערצוטוהן און ער האט עס באוויזן אין 25.66 סעקונדען!
ער האלט נאך וועלט-רעקארדס פאר טייפינג, אריינגערעכנט די רעקארד פון טייפן די אלפאבעט מיט די הענט פארבינדן אויף הינטערוויילעכץ.
אין די ווידיאו זעהט מען ווי ער איז גאר proud מיט זיין רעקארד, זעהט אויס אז ער ברענגט אסאך אינדיאניש נחת פאר די משפחה...

ניקישי · פרייטאג מאי 31, 2024 10:03 am

אינדערצייט וואס טעסלא קארס זענען א דעבאטירטע טעמע, איז א מענטש אין מערילענד איז זייער צופרידן מיט זיין טעסלא, אבער נישט צוליב די קאר אליינס, נאר צוליב די לייסענס פלעיטס!
א מענטש וואס האט געוואונען א 50,000 דאללערדיגן לאטערי, זאגט, אז ער שפילט כסדר די לאטערי מיט די ציפערן פון די לייסענס פלעיטס אויף זיין טעסלא, און ס'האט זיך אים אויסגעצאלט!
ער האט געווינען א Pick 5 געים נוצנדיג די נאמבערס 5-6-8-4-3 וואס זענען די נאמבערס פון זיינע פלעיטס, מאכנדיג זיין לייסענס פלעיטס נאמבערס אלס איינע פון די טייערסטע אויף די מארקעט...
די שאלה איז נאר אויב ער האט נאכנישט אריינגעפלאשט קיין 50 אלפים אין די לאטערי געים דורכאויס די יארן...

ניקישי · פרייטאג מאי 31, 2024 10:57 am

ניקישי האט געשריבן: ↑ דאנערשטאג מאי 30, 2024 11:02 am

קאליפארניע פאליציי האבן ארעסטירט א מענטש וואס טעראריזירט דעם עולם א לאנגע צייט מיט די קינדערישע "סלינגשאט" שפילעריי.
ווען איינוואוינער פון א געגנט האבן זיך באקלאגט אויף קרעקס אין פענסטערס פון הייזער און קארס אין די שכונה, האט די ארטיגע פאליציי געעפנט א אויספארשונג, אבער זיי האבן נישט גע'חלומ'ט צו וואס ס'וועט פירן!
אן 81 יעריגע שייסער\שיסער איז דער שולדיגער וואס שטייט אונטער די קייט פון מיסטעריעזע אטאקעס, ער איז ווארשיינליך קיינמאל נישט אויסגעוואקסן די "באוינג" תאוה פון שיסן א קליינע אייזערנע באלי מיט א סלינגשאט.
פארשטייט זיך אז די פאליציי איז אנגעקומען צום ארעסט מיט א טרעקל וואס איז "סלינגשאט פרוף"...

sling.jpg

דער 81 יעריגער Prince Raymond King איז געשטארבן נעכטן ביי זיך אינדערהיים אין קאליפארניע, פינף טעג נאכן ארעסטירט ווערן!
די מעדיקאל עקזעמינאר זאגט אז ער איז געגענגן כדרך כל הארץ, פון הארץ פראבלעמען. און מ'האט נישט געטראפן קיין self-inflicted סלינגשאט וואונדן אין זיין קערפער...
יהא זכרו סרוך...

: 85466351-13480459-Prince_King_81_was_taken_from_LA_Central_Jail_to_Citrus_Municipa-a-1_1717160549489.jpg (44.65 KiB) געזען 969 מאל

פרייטאג מאי 31, 2024 11:01 am

גוט צו וויסן אז קאליפארניע האט שוין א מהלך וויאזוי צו פטור ווערן פון שוידערליכע פארברעכער, אנע אויפרעגן די ליבעראלע קאנסטיטשוענסן!

נאטורליך איט איז... פארט בעסער ווי א פענסטער...

אלד לייוו מעטטער!

FDR · פרייטאג מאי 31, 2024 11:02 am

זייער אינטערעסאנט שכח @ניקישי ווי לאקינג פאערד!!!

ניקישי · זונטאג יוני 02, 2024 5:05 pm

א GoFundMe פאר א 90 יעריגע וועטעראן האט אויפגעטריבן $250,000 דאללער, נאך וואס איינער האט רעקאדירט דעם אלטיטשקן ארומשלעפן וועגעלעך אין די היצן כדי צו דעקן זיין לעבנסקאסטן.
דער זקן האט געזאגט אין די ווידיאו אז ער דארף $2,500 א חודש צו קענען לעבן, און ער מוז נעמען די סייד-דזשאב אלס צוגאבע צו די סאושעל סעקיורעטי און אנדערע בענעפיטן.
די "גאו פאנד מי" האט שוין ביז יעצט ערהאלטן ביישטייערונגען פון מער ווי 5-אהאלב-טויזנט, און אויפגעטריבן נאנט צו 250 טויזנט דאללער!! דאס איז גענוג אים צו שיקן רעטייערן און האבן שפייז פאר אזא 8 יאר+, אפילו אויב האט ער נישט קיין סאושעל סעקיוררטי געלטער, מיט SSI צו די זייט קען ער לעבן ביז די 120 ליטערעלי...

בילד

ניקישי · זונטאג יוני 02, 2024 5:12 pm

א נייע עירליין איז ארויפגעפלויגן אין די הימלען. אבער נישט פאר קיין מענטשן, נאר פאר כלבים!!
די עירליין מיטן נאמען BARK (ווי פאסיג...) שטעלט צו סערוויס צווישן גרויסע שטעט יעדע שטיק צייט, זיי האבן אנגעהויבן פאריגע וואך פליען צווישן ניו יארק און לאס אנדזשעלעס.
פאר די טיקעט באקומט מען ספעציעלע פלעגונג דורכאויס די טשעק-אין פראסעס און זיי נעמען קעיר פונעם הינטל אז די אויערן זאלן אים נישט קראכן ווען די פליגער הייבט זיך.
ס'איז אויך אריינגערעכנט א צווייט-קלאסיגע מענטשליכע באגלייטער פארן בעל חי אלעס פאר די נישטיגע פרייז פון 6 טויזנט דאללער!
זיי גייען אויך האבן רוטס צווישן ניו יארק און לאנדאן פאר 8 אלפים, און נאכדעם קיין פאריז פאר $8,500.
זיי פליען מיט קליינע לוקסעריעזע ביזנעס jets אויסגעשטעלט ספעשל פאר דעי צוועק.
וחיות רעות בדרך....

: bark-air84-04112024-a402dede93cf4fe7905e2678e0db4979.jpg (286.8 KiB) געזען 739 מאל

ניקישי · מאנטאג יוני 03, 2024 11:49 pm

ניקישי האט געשריבן: ↑ דאנערשטאג מאי 30, 2024 10:50 am

א מענטש אין מישיגען האט שאקירט די אנוועזנדע ווען ער איז ערשינען אויף א געריכט סעסיע דורך א זום איבער זיין קעיס וואס האט אריינגענומען קלאגעס פון דרייוון מיט סוספענדירטע לייסענס.
ער האט נישט געטראפן קיין בעסערע וועג וויאזוי פארצושטעלן זיין קעיס, נאר דורכן ערשיינען אויף זום טאקע בשעת'ן זיצן ביים רעדל און דרייוון צו א דאקטאר'ס אפוינטמענט!
די אטוירוני פון Corey Harris איז געבליבן אן ווערטער ביים זעהן פון וואו איר קליענט באטייליגט זיך, אויך די דזשאדזש איז געווען שפראכלאז. נאך א פארצויגענע pause וואס איז געקומען פון שאק, האט די שופט סוספענדירט די בעיל אויף וואס Corey איז געווען, און פארלאנגט אז ער מוז זיך איינגעבן אין פאליס דעפ. ביז 6 אזייגער נאכמיטאג.
ס'איז נישט קלאר אויב Corey איז טאקע אנגעקומען פאר זעקסע צום פאליציי סטאנציע, אבער אויב יא איז גאנץ מעגליך אז ער האט אליינס געדרייווט אהין...

court.jpg

שטעלט זיך ארויס אז דער איז בכלל נישט אזוי שולדיג ווי מ'מאכט אים...
ווי ס'ווייזט זיך אויס, איז זיין דרייווער'ס לייסענס טאקע געווען סוספענדירט יארן צוריק, אבער זיינע רעכטן זענען שוין לאנג צוריקגעשטעלט געווארן! ס'איז פשוט געווען א טעות פון די קאורט קלערק וואס האט אומריכטיג אנגעצייכנט דעטאלן פון די קעיס און פון זיין לייסענס סטאטוס וואס האט געברענגט צו די "וויירעל" געשעעניש.
למעשה האבן אונז געלאכט א גוטס, וואס א חילוק אויב ס'אמת אדער נישט? מלאך'ס דזשאוק געשיכטעס זענען אויך אויסגעזויגן פון פינגער...

ניקישי · מאנטאג יוני 03, 2024 11:56 pm

א מאדנע "טשעלענדזש" איז געווארן פאפולער צווישן כינעזע middle school סטודענטן (די יארגאנג פון 11-14). די קינדער טוען קאנקורירן צווישן זיך ווער ס'קען מאכן די פליסיגקייט מיט די ערגסטע סריחה!
די יונגע חברה שלעפן צאם אלע סארטן שטינקעדיגע פליסיגקייטן און כעמיקאלן צאמצוגיסן אין איין געמויזשעכץ, און די געווינער איז דער וואס האט די באטל מיט די ערגסטע גערוך!
דער עולם ווערט געבעטן אריינצוקומען מיט הצעות פון אינגרידיענטס... מקוה וואסער איז אויף די טאפ פון די ליסטע...

: stinky.jpg (89.18 KiB) געזען 547 מאל

ניקישי · דינסטאג יוני 04, 2024 12:04 am

א יאפאנעזע קאמפאני האט ארויסגעשטעלט א עלעקטראנישע לעפל וואס געט צו שפירן ווי דער מאכל וואס מ'עסט איז בעסער געזאלצן ווי ס'איז ווירקליך!
די ערפינדער טעסטן שוין דעם פראדוקט עטליכע יאר, און זאגן אז ס'ארבעט דורכדעם וואס די לעפל געט ארויס א עלעקטראנישע שטראל ארום די לעפל, וואס די טעם אויפכאפערס אין די צונג פארטייטשן דאס אלס זאלץ!
די פראדוקט דארף צו זיין א לעזונג פאר מענטשן וואס הויכע סאדיום שטאפלען קען זיין מסוכן פאר זיי, אבער זיי ווילן קענען הנאה האבן פון א געזאלצענעם פישל ביים פיקניק.
פארבלייבט נאר פאר די דיינים צו דן זיין אויב מ'מעג דאס נוצן ביים זופ פונעם פרייטאג-צונאכטס סעודה, אנשטאטסן צוגיסן הויפענעס זאלץ בין דרימל לדרימל...

: spoon.jpg (77.69 KiB) געזען 513 מאל

ניקישי · דינסטאג יוני 04, 2024 12:21 am

"מיר זיפן די מעהל, מיר באלעקן די אייער" האבן רוסישע בירגער געזאגט...
נאך וואס קלאנגען זענען ארויס אז א געוויסע סופערמארקעט נעץ אין רוסלאנד האט פארקויפט פראדוקטן וואס האבן אנגעשעטעקט 18 מענטשן מיט ערנסטע food poisoning, האט די קאמפאני - אין א פרואוו צו אפשלאגן די קלאנגען - געמאלדן, אז סיי ווער ס'וועט ברענגען באווייז אז ער ליידט אויף פראבלעמען אין רעזולטאט פון זייערע פראדוקטן, וועט באלוינט ווערן מיט א מיליאן רובל (ווערד בערך 11 טויזנט דאללער).
די אפפער האט אפשר געדארפט צו ריינוואשן דעם נאמען פון די געשעפט, אבער ס'האט זיכער אפגעוואשן די אייער וואס זענען געלעגן אויף די שעלווס... דער עולם האט געטוהן מדה כנגד מדה, און אנשטאט גלייבן די "לשון" הרע, האבן זיי ארויסגעשטעקט זייער אייגענע לשון לימודים און אפגעלעקט אייער פון די געשעפטן, אין א פרואוו צו אנגעשטעקט ווערן דורך דעם לעקעריי און ערהאלטן דעם שיינעם טשעק!
איך האב שוין געהערט אזא זאך זיך לעקן צו א עושר, אבער לעקן כדי צו ווערן א עושר האב איך נאכנישט געהערט...

: lick.jpg (104.44 KiB) געזען 463 מאל

מרנן ורבנן · דינסטאג יולי 28, 2020 7:50 pm

ניקישי האט געשריבן: ↑ דאנערשטאג מאי 30, 2024 10:49 am

איך באמפ אסאך מאל אריין אין מאדנע נייעסער, ס'נישט דא וואו עס צו שרייבן, און קיינער באריכטעט עס נישט.
איך וויל עס בעז"ה דעליווערן פארן עולם טעגליך, איך האף אז מ'וועט הנאה האבן.

(איך מיין אז ס'איז אמאל שוין געווען אזא אשכול וואו @הכל הבל איז געווען אקטיוו, אבער פאר מיר שרייבט זיך בעסער אין א פריוואטע ווינקל)

יישר כח ברענג נאך.

אידישע וועלט פארומס

אייגנארטיגע נייעס ווינקל

אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל

Re: אייגנארטיגע נייעס ווינקל