קעמפ - איך בין אמת'דיג געווארן שאקירט - און זוך אן עצה
ער לעבט קיינמאל נישט ברייט, אבער אצינד איז די קעמפ סיזען, און ער האט 6 קינדער וועלכע דארפן גיין אין קעמפ [יארגענג 11 ביז 19], יעדע קעמפ בעט בערך 3200 חוץ שאר ירקות, און זייענדיג א מגיד שיעור וועלכער מוז גיין אין קעמפ מיט זיין משפחה [אנכי מעיד אז איידער באקומען זיין פאסטן איז ער יארן געווען צופרידן אין שטאט זומער], מוז ער שיקן זיינע אינגערע 4 קינדער אין אפסטעיט דעי קעמפס וועלכע קאסטן בערך 700 פער קינד.
קיינער פון די גיבן נישט קיין דיסקאונטס פאר בני תורה [אפילו וואו מ'גיבט יא, איז עס מיט א נישטיגע 200 דאלער]
סך הכל דארף ער צושטעלן אזא 22,000 דאלער, [חוץ וואס אויסשטאפירן קינדער צו קעמפ קאסט א שטיקל אפותיקי, און טראנספארטעישאן הין און צוריק, מיט נאך הוצאות וואס קומען צו צוליב קעמפ] איז ער היבש אובד עצות.
זייענדיג אן אמת'ער אויסגעארבעטער עובד ה', לייגט ער מיר צו אז בעצם איז עס נישט קיין פראבלעם ווייל הוצאת בניו לתלמוד תורה איז דאך נישט נכלל אינעם חשבון וואס איז באשערט מר"ה, אבער למעשה איז אים שווער.
וואס וויל איך? כ'ווייס נישט.
כ'בין זיכער אז די קעמפס און דעי קעמפס בעטן נישט מער ווי ס'קאסט זיי, און אפשר גאר ווייניגער [וואס זיי זענען משלים מיט פאנדרעיזינג],
כ'ווייס אויך, אז דער מגיד שיעור האט א היבשער גרויסער משפחה לפי ערך, און נישט גאנץ כלל ישראל איז אין אזא פאזיציע,
וואס יא, אפשר איז צייט פאר 3 נקודות:
1- די "קעמפ נושא" זאל ווערן אן אפשינעל זאך [יא אויך פאר בחורים- אויב איז געווען גדולי ישראל וואס האבן פארלאנגט אז מ'מוז גיין אין קעמפ, האבן זיי אבער נישט געמיינט אז אזעלכע עלטערן זאלן אזוי בלוטיגן]
2- אפשר איז צייט אראפצוברענגען די הוצאות אין די קעמפס גופא [כ'בן נישט באקאנט צו ס'איז מעגליך בכלל, איך שלאג נאר פאר. אגב די קעמפ וואו מיין בחור גייט, בעט 4500, כ'מיין אבער אז זיי זענען אביסל מער ליניענט מיט שוואכע בעלי יכולת]
3- אפשר זאלן זיך יאווען עטליכע ווארעמע הערצער מיט טיפע טאשן, און [אנשטאט ספאנסערן אנדערע געלט אויסברענגעריי וואס מ'זעט אין פילע קהלות אויף וועלכע ס'גיסט זיך געלט], זאלן זיי אנטראגן פאר די קעמפס עטליכע הונדערט טויזנט דאלער אז אזעלכע מגידי שיעור [און אנדערע שווערע בעלי פרנסה] זאלן קענען אנגיין.
4- אדער זאל מען ארלעדיגן ביליגע מארדגעדזשעס פאר אזעלכע אידן צו קענען צאלן.
אדרבה, אפשר מיט א דעת הקהל קען מען עפעס אויפטון.