וואו איז די עין יעקב נעלם געווארן
איז דא אין דיין בית מדרש א שיעור אין עין יעקב?
איז בכלל דא אויף די פאליצע א סעט עין יעקב?
דער תירץ איז אז די שיעור איז שוין נישטדא פאר יארן, עס איז שוין דא א אגאנצע דור וואס געדענקט בכלל נישט אז אזא זאך האט עקזעסטירט אמאל
און אויף די פאליצע איז עס אויך שוין כמעט נישטא אין די שולען.
אינ'אמת'ן אז מען קוקט אביסל צוריק, ווייסט מען אז אין אלע דורות זענען געווען 'עמך אידן' וואס האבן זיך צוגעזעצט ביינאכט צו א שיעור אין עין יעקב, שבת האט מען געלערנט מדרש א.א.וו. און נישט יעדער האט געמוזט זיין דער קענער, דער תלמיד חכם, וכו' וכו'.
דער קשיא איז, וואו זענען דאזיגע סארט אידן היינט? און וואו איז דער שיעור פון עין יעקב נעלם געווארן? איז טאקע יעדער היינט מסוגל צו לערנען ביינאכט גמרא בלאט נאך בלאט? צי איז טאקע נישט פארהאן קיין אידן וואס וואלטן ענדערש געשעפּט זייערע חיות פון אגדה המושכות את הלב?
נאר דער תירוץ איז ווייל קיינער וויל זיך נישט ערקלערן אז איך בין אנדערש (פעיר פרעשער בלע"ז), איך בין א קלענערע בעל השגה, און לו יצויר ס׳וועט זיין א שיעור עין יעקב ביינאכט, וואלט זיך יעדער געשעמט זיך צוזעצן צו אזא שיעור, הגם ער באלאנגט זיכער יא צו אזא סארט שיעור.
אין אמתן הייבט זיך אן דער פראבלעם שוין אלס קינד
מען מיינט אז א אינגל אדער בחור וואס איז שוואך אין לערנען, מוז מען משלים זיין מיט אים פריוואט ״אלעס״ וואס זיינע חברים אין כתה לערנען, ער מוז מיט לערנען די סדרי הישיבה פונקט ווי יעדעם.
דא הייבט זיך אן דער גרייז, ווער זאגט ער מוז לערנען דעם שיעור פון דער וואך? ווער זאגט ער טאר נישט זיין קיין אויסנאם? וואס וואלט אים געפעלט ווען ער לערנט צו אפאר משניות פון א לייכטע מסכת א וואך, און אפאר מדרשים פון דער פרשה, אדער טאקע עין יעקב על הסדר.
אדרבה ואדרבה ווען ער לערנט ווען דאס, וואלט דאס קינד/בחור דאך אויפגעשיינט, און אויפגעלאכטן זעהנדיג דאס שיינקייט פון דברי אגדה, ער דערזעהט זיך אין א קורצע צייט מיט עטליכע פרקים משניות אין דער האנט. און דאס וואלט אים געגעבן מוט און חיות זעהנדיג ער איז יא מסוגל אויפצוכאפן א לייכטע סארט לערנען, וואלט דאס אים ארויסגענומען פון זיין צובראכנקייט מיט זיינע יאוש׳דיגע מחשבות מיט וועלכע ער טראגט זיך כסדר ארום, אז פון אים וועט שוין גארנישט זיין.
איינמאל מען וועט דאס אנערקענען, וועט בעז״ה אויפוואקסן פון די ישיבות אינגעלייט וואס זענען מחשיב צו לערנען משניות, אגדה, עין יעקב, חק לישראל, איינמאל ס׳וועט ווערן א פארלאנג וועט זיך בעז״ה אנהייבן צוריק איינפעדעמען אין די בתי מדרשים שיעורים אין עין יעקב, מדרשים וכו׳, עס וועלן שוין ווערן מקשיבים אויף אזא סארט שיעור. און ועל כולם, די דאזיגע סארט אידן וועלן אנהייבן אויפצובליען, און שפירן א טעם אין קראנטע אידישקייט.
איז בכלל דא אויף די פאליצע א סעט עין יעקב?
דער תירץ איז אז די שיעור איז שוין נישטדא פאר יארן, עס איז שוין דא א אגאנצע דור וואס געדענקט בכלל נישט אז אזא זאך האט עקזעסטירט אמאל
און אויף די פאליצע איז עס אויך שוין כמעט נישטא אין די שולען.
אינ'אמת'ן אז מען קוקט אביסל צוריק, ווייסט מען אז אין אלע דורות זענען געווען 'עמך אידן' וואס האבן זיך צוגעזעצט ביינאכט צו א שיעור אין עין יעקב, שבת האט מען געלערנט מדרש א.א.וו. און נישט יעדער האט געמוזט זיין דער קענער, דער תלמיד חכם, וכו' וכו'.
דער קשיא איז, וואו זענען דאזיגע סארט אידן היינט? און וואו איז דער שיעור פון עין יעקב נעלם געווארן? איז טאקע יעדער היינט מסוגל צו לערנען ביינאכט גמרא בלאט נאך בלאט? צי איז טאקע נישט פארהאן קיין אידן וואס וואלטן ענדערש געשעפּט זייערע חיות פון אגדה המושכות את הלב?
נאר דער תירוץ איז ווייל קיינער וויל זיך נישט ערקלערן אז איך בין אנדערש (פעיר פרעשער בלע"ז), איך בין א קלענערע בעל השגה, און לו יצויר ס׳וועט זיין א שיעור עין יעקב ביינאכט, וואלט זיך יעדער געשעמט זיך צוזעצן צו אזא שיעור, הגם ער באלאנגט זיכער יא צו אזא סארט שיעור.
אין אמתן הייבט זיך אן דער פראבלעם שוין אלס קינד
מען מיינט אז א אינגל אדער בחור וואס איז שוואך אין לערנען, מוז מען משלים זיין מיט אים פריוואט ״אלעס״ וואס זיינע חברים אין כתה לערנען, ער מוז מיט לערנען די סדרי הישיבה פונקט ווי יעדעם.
דא הייבט זיך אן דער גרייז, ווער זאגט ער מוז לערנען דעם שיעור פון דער וואך? ווער זאגט ער טאר נישט זיין קיין אויסנאם? וואס וואלט אים געפעלט ווען ער לערנט צו אפאר משניות פון א לייכטע מסכת א וואך, און אפאר מדרשים פון דער פרשה, אדער טאקע עין יעקב על הסדר.
אדרבה ואדרבה ווען ער לערנט ווען דאס, וואלט דאס קינד/בחור דאך אויפגעשיינט, און אויפגעלאכטן זעהנדיג דאס שיינקייט פון דברי אגדה, ער דערזעהט זיך אין א קורצע צייט מיט עטליכע פרקים משניות אין דער האנט. און דאס וואלט אים געגעבן מוט און חיות זעהנדיג ער איז יא מסוגל אויפצוכאפן א לייכטע סארט לערנען, וואלט דאס אים ארויסגענומען פון זיין צובראכנקייט מיט זיינע יאוש׳דיגע מחשבות מיט וועלכע ער טראגט זיך כסדר ארום, אז פון אים וועט שוין גארנישט זיין.
איינמאל מען וועט דאס אנערקענען, וועט בעז״ה אויפוואקסן פון די ישיבות אינגעלייט וואס זענען מחשיב צו לערנען משניות, אגדה, עין יעקב, חק לישראל, איינמאל ס׳וועט ווערן א פארלאנג וועט זיך בעז״ה אנהייבן צוריק איינפעדעמען אין די בתי מדרשים שיעורים אין עין יעקב, מדרשים וכו׳, עס וועלן שוין ווערן מקשיבים אויף אזא סארט שיעור. און ועל כולם, די דאזיגע סארט אידן וועלן אנהייבן אויפצובליען, און שפירן א טעם אין קראנטע אידישקייט.
