מיילעך זיידל מיט די שטאפען הוט
דער דוד משה ווערט גערעכענט ווי א פּערפאל אינגערמאן לויט רבי שמעון גרין'ס מהלך. לויט ר' שרגא איז ער אן @איינסער לויט די לעצטיגע קאמפיוטער מאדעלס פון מאיר בריגס ( link ) איז ער גאר א פערצענער.
דער דוד משה איז אייביג Ahead of the game. ער איז שוין נערוועז 2 וואכען פאר פסח ווי מען קען זיך אפשערען פאר יום טוב.
דער דוד משה איז שוין שמחת תורה האלב ניין אפגעדאווענט נאך די הקפות און האלט שוין אפילו נאך מוסף ווייל דער באבע האט אנגעווארענט אז 1 אזייגער מאכט מען די סעודה.
דער דוד משה דאווענט מעריב יעדן טאג מיט דער ערשטע מנין ביים 60. ער הערט נישט אויף קרעכצען פארוואס מעריב איז אזוי שפעט און פארוואס סאיז נישט דא אינגאנץ וויליאמסבורג א מנין מעריב פאר די 60. ער ווייסט אפילו צוזאגען אז און בארא פארק איז שוין דא און שומר שבת אנגעהויבען פון די שקיעה יעדע 10 מינוט א מעריב.
טאג איין טאג אויס. נישטא קיין מעשות. 10 אזייגער איז דוד משה און בעט יעדע נאכט. וואס ווילסטו, ער דארף דאך שוין אויפשטיין 5:30.
אז ער שלאפט נישט אזא 7 שעה א נאכט וועט ער דאך זיין מיד.
א טאג וואס ער דארף צוגיין זאגען מזל טוב וועט ער געווענדליך שוין גיין זאגען מזל טוב ביים קבלות פנים אדער ביים סעודה.
ביים זיידענס יארצייט וואס פעטער @אליהו האט געבעטן דער עולם זאל זעהן צו דארט זיין נישט שפעטער ווי 7 אזייגער; זיצט שוין דוד משה און די קאר געפארקט און פארנט פון פאפא קידש זאל ווי די סעודה גייט פארקומען שוין 6:30 און קוקט יעדע מינוט אויף די זייגער ווען מען קען שוין אריינגיין. מנחה האט ער דאך שוין געדאווענט 2 אזייגער.
אט איז געווארן 7 אזייגער. דוד משה טראכט נישט קיין צוויי טוט זיך אן די הוט און רעקל. שפאצירט אריין און זאל אבער קיין נפש חי' איז דארט נישט געווען צוגעפינען.
ערב שבת 1 אזייגער לויפט שוין דוד משה און מקווה אנגעצויגען אז סאיז שוין באלד דער זמן. אנגקומענדיג און ס'מדרש דרייען נאך די חצות אידן צאם זייער תפילין. דער דוד משה קען זיי ממש נישט פארשטיין.
45 מינוט פארן זמן גייט דער דוד משה ארויס דאווענען מיט די ערשטער מנין. 10 מינוט נאכען זמן קלאפט די גבאי אויס נישט פארגעסען צו ציילען ספירה און איבערליינען קרי"ש. אהיים שפאצירינדיג פון בית מדרש ווען סאיז נאך היפש לעכטיג זעט ער דעים שכן מיילעך זיידעל (ער איז א שוועסטער קינד מיט דער פאריעריגע אידישע וועלט 2024 פורים רב קאנדידאט. - זיי הייסען ביידע נאך דער זעלבע באבע.) אהיים קומען פון מקוה מיט די ווייסע זאקן און @שטאפענע הוט ווי פון זיין בעג שטעקט זיך ארויס א דבר יום ביומו. שפאצירט אזוי רואהיג כאילו לא היה.
11 אזייגער דוד משה גרייט זיך צו גיין לייגען אבער דאן קומט דער שכן מיילך זיידל אהיים מיט א ברייטע גוט שבת אבער נישט דא פארוועמען ווייל די קינדער שלאפן שוין פון לאנג.
6:30 שבת אינדערפרי זעט מען שוין דוד משה גיין אויף די גאס מיט די טיש בעקיטשע אויף די וועג צו די מקוה ווייל 7 אזייגער זאגט מען שוין תהילים. די טעם מעין עולם הבא פון אויסזאגען תהילים שבת אינדערפרי קען איינער וואס האט עס נישט פראבירט נישט באגרייפען.
און דער זעלבער צייט קומט פאר און די דערנעבענדער חדר כץ א שיעור אור החיים הקדוש ווי די זקנים @זקן אחד ו @זקן שני זיצען מיט די לקט בהיר חמושים מיט די גלעזער אויף די נאז. ווי און די זייט ליגען די אויפגעקאכטע מילך קאווע און א גלאזערנעם גלעזעל וואס נאר רבי יקל קען טיילען.
8:33 ווען די בעל תפילה גרייט זיך שוין אט אט צו ענדיגען תהילים שארט זיך מיילעך זיידל ארויס פון בעט מיט איין בהלה. טוט שנעל אן די וואלענע ציצית אויף די פעדזשאמעס געט א כאפּ ס'שטאפען היט און ליינט שנעל קריאת שמע. דער האט מזל אז די בילדינג אלערם האט זיך פונקט נישט יעצט צופופען ווייל ער וואלט זיך געטראפען אזוי אויף דער גאס און סוואלט געווען. ווי אזוי זאגט מיכאל #גרויסע בושות.
מוצאי שבת 3:00 אזייגער ווען דוד משה איז שוין 3 שעה EN route פון זיין שלאף געט זיך מיילעך זיידעל א טיע אויס ס'שטריימעל און כאפט ווידער דאס שטאפען הוט. ער ווייסט אפילו צוזאגען אז די ברך משה האט געליינט קרית שמע מוצ"ש מיט די הוט.
דער מיילעך זיידעל איז זיך נוהג צוצינדען די חנוכה ליכט מיט א שטריימל אויסער ערב שבת חנוכה וואס דעמאלטס צינד ער דייקא 14 מינוט נאך די זמן מיט די שטאפען הוט.
6:00 אזייגער דוד משה זיצט שוין ביים געיט האבענדיג נאך 2 שעה ביז די פליגער פארט.
7:15 מען הייבט אן בארדען. פלוצליג קומט מיילעך זיידל אן מיט א ריזיגען קערי אן און איין האנד און א שטריימעל באקס און די צווייטע האנד.
מיילעך זיידל פארזוימעט זיך נישט און הייבט אן אויסרופען בקול רם מנחה מנחה. דערווייל איז שוין רוב עולם ארויף אויפן פליגער.
אויף די הויעך הילער הערט זיך "לעסט קאלל. געטס אר קלאסינג" מיילעך זיידל ווערט נישט דערשראקען און הייבט אן אשרי יושבי..
דוד משה זיצט שוין אויפן פליגער און עסט זיך די געזונט פון די גרויסע חילול השם וואס דא קומט פאר.
מיט איין בהלה קומט מיילעך זיידל ארויף אויף די פליגער. אלע באטשיס קוקען אויף אים מיט ארויסגעצוגענע אויגען.
ער זעהט אז העכער זיין זיץ איז שוין נישט דא קיין פלאץ פאר די רענצלך. לייגט ער די רענצעל 3 זיצען ארויפציער די שטריימל באקס שטיפט ער אריין 3 זיצען אראפציער. די רעקל געט ער איבער העכער די קעפ פון אפאר לא לנו'ס פאר א חבר פון די אנדערע זייט פליגער. און די שטאפען הוט שטיפט ער אריין צווישען די צוויי מצות.
פיין יעדער זיצט מען קען זיך הייבען.
גייט נישט אריבער קיין פּאר מינוט, די סיטבעלטס לייטס איז נאך אנגעצונדען אבער מיילעך זיידל איז שוין אויף די וועג צו די בית הכבוד. פלוצינג הערט ער ווי די סטאערט שרייט אז מען זאל זיך זאפארט אראפזעצען. דוד משה בייסט זיך די ליפן. פארוואס קען ער נישט זיצען אפאר מינוט.
די מינוט די סיט בעלטס לייט האט זיך אויסגעלאשען האט דוד משה נישט געטראכט קיין 2 גענומען די סידור און געדאווענט מעריב. זיצענדיג אויף די פלאץ אזוי ווי די שבט הלוי האט געפאסקענט אז מען קען (און מזאל) דאווענען זיצענדיג אפילו שמו"ע.
מען הייבט אן טיילען די עסן. מיילעך זיידל האט זיך דערמאנט אז ער האט נאכנישט געדאווענט קיין מעריב. א פלינקער שטעלט ער זיך אויף טוט זיך אן דיר שטאפענע הוט אבער דא איז געקומען צולויפען די סטאערט אז מען קען זיך נישט אויפשטעלען ווען מען טיילט עסן. בלית ברירה איז ער געבליבען זיצען מיט די שטאפען הוט אן די רעקל פאר א האלבע שעה.
נאך א האלבע שעה ווען די מצב האט זיך אביסעל ברואהיגט האט מיילעך זיידל זיך ווידער אויף געשטעלט אן געלאזט צאם רופען א ריזיגען עולם צו מעריב און דער בעק פון די פליגער. אבער איינמאל דער עולם האט זיך צאמגענומען און די בעק, האט די פליגער זיך אנגעהויבן שאקלן אזאש די חברה האבען געהייסען יעדעים זיך זאפארט טרעפען אויף די פלעצער.
בלית ברירה הייבט ער אן הויעך פון זאן פלאץ ותשעת צדיקים.. אז דער גוי וואס האט נאר וואס איינגעשלאפען זאל זיך אויפוועקען. דוד משה וויל זיך באגראבען פאר בישות טראכטענדיג צו זיך דאס וויל דער אייבעשטער?! ער מיינט דאך כלומפערשט דער אייבישטער.
דוד משה האט שוין נישט געקענט שלאפן זייענדיג נערוועז אז ס'ווערט שוין אלאיעדע מינוט לעכטיג רוקענדיג די ווינדאו שעט יעדע 5 מינוט ארויף און אראפ צו זעהן אויב מען זעט שוין די כוכבי בוקר.
דער מינוט וואס די זון האט זיך באוויזען געט זיך דוד משה א שטעל אויף איידעלירהייט. נעמט ארויס זיין טלית בייטל און זיצעדיגער הייט הייבט ער אן שחרית. ווען מען גייט לאנדען וועט דאך שוין זיין נאך סוף זמן תפילה נא איז מוטב צו דאווענען דא ביחידיות בתוך זמנו.
מיילעך זיידל הייבט ערשט יעצט אן צו טראכטען פון כאפען א דרימעל. הע שחרית וועט מען שוין דאווענען 11 אזייגער ווען מען קומט אן. סאיז דאך מוטב צו דאווענען מיט מנין נאך זמן תפילה.
.......
און דא האט די ראש ישיבה געגעבען א קלאפ אויפען עמוד. די בחורים ציטערען נאך יעצט.
ביי מתן תורה איז דוד משה אויך @farshlufen
רבותי מען שטייט דא ערב שבועות. ויחן שם ישראל נגד ההר. כאיש אחד בלב אחד. דער עיקר איז מען זאל זיך ליב האבען איינער דעם צווייטען און מיט דעים וועט מען זוכה זיין צו ובא לציון גואל.