עירלי וואוטינג פאר די פריימערי'ס האט זיך שוין אנגעפאנגען, די פריימערי'ס קומען פאר אום June 25.
די לאקאלע ניו יארק פארמעסטן וועט זיין זייער אינטערסאנט צו אבזערווירען, אויב עס וועט זיך מיטכאפן אין די רויטע שוואונג ווי די סטעיט פארט לעצטנ'ס אין די נאציאנאלע פארמעסטן.
אינטערסאנטע פארמעסטן אין די סטעיט סענאט (העכערע טשעמבער)
דיסטריקט 4 - לאנג איילענד.
די ערשטע טערמין אינקאמבענט מאניקע מארטינעז (ד) גייט זיך דארפן פארמעסטן אין א היבש נאענטע פארמעסט קעגן טערעסע ברייענט (ר). מארטינעז האט אין 2022 גע'פליפט די זיץ פון די רעפובליקאנער.
דיסטריקט 6 - די דיסטריקט איז אין לאנג איילענד און נעמט אריין העמפסטעד.
צוליב וואס די אינקאמבענט קעווין טאמעס רעזיגנירט קומט יעצט פאר א אפענע פריימערי צווישן די דעמאקראטן. גלייך נאך וואס טאמעס האט געמאלדן זיין רעזיגנאציע האט די אסעמבליפרוי טעילער דארלינג געמאלדן אז זי לויפט פאר די זיץ אין די העכערע טשעמבער, זי איז אינדארסירט געווארן דורך טאמעס. סייל ביינאו א נעסאו קאונטי לעגיסלאטור לויפט אויך פאר די זיץ. די דיסטריקט פלעגט זיין א סווינג דיסטריקט אבער זינט טאמעס האט געוואונען אין 2018 איז ער אין די פארגאנגענע צוויי פארמעסטן נאכאמאל ערוויילט געווארן מיט היבש באקוועמע מארדשען'ס, יעצט אז די זיץ ווערט ליידיג לייגן די רעפובליקאנער א אויג צו פליפן די זיץ, אבער עס וועט זיין גאר שווער, זינט די דיסטריקט האט געשיפט מער בלוי אין די לעצטערע יארן.
דיסטריקט 7 - די דיסטריקט איז אין לאנג איילענד און רעפרעזענטירט גרעיט נעק און די ארומיגע געגענטער.
די אינקאמבענט סטעיט סענאטער דזשעק מארטינס (ר) האט אין 2022 געפליפט און צוריקגעווינען זיין אלטע זיץ וואס ער האט רעפרעזענטירט ביז 2016, די זיץ סווינגט שוין פאר יארן לאנג צווישן דעמאקראטן און רעפובליקאנער, די דעמאקראטן האפן אז אין א פרעזידענטליכע אלעקשאן יאר וועט זיי זיין גרינגער דאס צו צוריקנעמען, אינעם דעמאקראטישן פריימערי פארמעסטן זיך קים קייזערמאן פרעזידענט פון די פארט וואשינגטאן דעמאקראטן און ברעד שווארץ. נאך וואס דזשאו לאפאזאן האט אויפגעגעבן זיין קאמפיין פאר די דריטע קאנגרעסיאנאלע פארמעסט אין ניו יארק, האט ער אויך געמאלדן אז ער לויפט פאר די זיץ, אבער ער האט זיך עווענטועל ארויסגעצויגן און אינדארסירט קייזערמאן.
דיסטריקט 17 - פלעגט זיין די היימישע בארא פארקער דיסטריקט פון ר' שמחה פעלדער, אבער זינט 2020 רעפרעזענטירט עס נאר די 3 עקן פון בארא פארק, ארומנעמענדיג בארא פארק פון 3 זייטן.
די ערשטע טערמין סענעטארשע איווען טשו (פון די כינעזע געמיינדע אין בענזענהערסט) האט אין 2022 גאר שמאל געווינען איבערן רעפובליקאנער מיט בלויז 500 שטומען. איר יעצטיגע רעפובליקאנער קעגנער איז סטעפען טשען (אויך א כינעזער). מיט די ערווארטעטע מאביליזאציע פונעם בארא פארק'ן ציבור מיט טראמפ אויפן בעלאט, קען מען ערווארטן א זיג פארן רעפובליקאנער.
דיסטריקט 18 - נעמט אריין רוב פון די היימישע וויליאמסבורג ביז פלאשינג עוועניו.
די לאנג יעריגע אינקאמבענט דזשוליע סאלאזאר (דעמאקראט סאוציאליסט) לויפט ווי אלע יארן אן קיין רעפובליקאנער קעגנער.
דיסטריקט 21 - רעפרעזענטירט א חלק פון פלעטבוש.
די אינקאמבענט קעווין פארקער (ד) לויפט ווי געווענדליך אן קיין רעפובליקאנער קעגנער.
דיסטריקט 22 - רעפרעזענטירט רוב פון די היימישע בארא פארק און פלעטבוש.
די לאנג-יעריגע אינקאמבענט ר' שמחה פעלדער לויפט אן קיין קעגנער סיי אלס דעמאקראט, און סיי אלס רעפובליקאנער, טראץ וואס פעלדער איז א דעמאקראט פלעגט ער קאוקעסן מיט די רעפובליקאנער אין זיינע ערשטע יארן ווען די רעפובליקאנער האבן קאנטראלירט די סענאט, נאך וואס די רעפובליקאנער האבן פארלוירן קאנטראל האט ער געוואלט צוריק ווערן אריינגענימען אין די דעמאקראטישע קאוקעס, אבער זיי האבן זיך אויס נקמה קעגנגעשטעלט, אין 2019 איז ער געווארן אריינגענומען אין די דעמאקראטישע קאוקעס. אינטערסאנט איז אז טראץ וואס פעלדער איז אפיציעל א דעמאקראט, האט ער אין 2022 באקומען בערך %75 פון זיינע שטומען אויף די רעפובליקאנער רייע אויפן בעלאט.
די דיסריקט איז פאררעכענט צו זיין די מערסט דעמאקראטיש גענויגטע דיסטריקט אין די סטעיט, די אינקאמבענט דזשאבארי בריספארט (ד) לויפט אן קיין קעגנער.
דיסטריקט 38 - די דיסטריקט נעמט אריין די היימישע מאנסי והגלילות.
די פארמעסט גייט זיין א איבערשפיל פון די 2022 פארמעסט ווען די געוועזענע סטעיט סענאטער פון די דיסטריקט עלידזשע רייכלין-מעלניק (ד) לויפט קעגן די ערשט-טערמיניגע אינקאמבענט ביל וועבער (ר) מיט די האפענונג צוריקצוגעווינען זיין אלטע זיץ. מעלניק איז געווארן ערווייל פאר די זיץ אין 2020 אבער נאך איין טערמין האט ער פארלוירן די זיץ צו א רעפובליקאנער פליפ דורך וועבער, די דעמאקראטן האפן צו צוריקגעווינען די זיץ, אבער זיי ווייסן נישט אז די היימישע רויטע פאפולאציע אין מאנסי וואקסט ווי אויך הייוון, און זיי פארמאגן שוין לכאורה %20 מער וויילער ווי אין 2022.
דיסטריקט 39 - די דיסטריקט נעמט אריין א גרויס חלק פון ארענדזש קאונטי ארום קרית יואל.
רידיסטריקטינג אין 2022 האט צוגעלייגט די נייע דיסטריקט אין האדסען וועלי וואס אויף פאפיר וואלט עס געדארפט בעפארצוגן די דעמאקראטן, אבער אין מציאות האט די רעפובליקאנער ראב ראליסאן געווינען די זיץ. די דעמאקראטן האפן דאסמאל צו פליפן די זיץ, די מינארעטי לידער פון די דאטשעס קאונטי לעגיסלאטור יוועט וואלדעס סמיט לויפט פאר די זיץ אויפן דעמאקראטישן זייט.
דיסטריקט 40 - האדסען וועלי.
די אינקאמבענט פיטער הערקשעם לויפט פאר נאך א טערמין, הערקשעם דינט אויף די זיץ זינט 2019 ווען ער האט געפליפט די זיץ פון די רעפובליקאנער. די דיסטריקט איז קאנסידערט א דעמאקראטיש גענויגטע טאסאפ מיט א טשאנס פארן רעפובליקאנער גינע ערענע צו געווינען.
דיסטריקט 41 - האדסען וועלי.
אין 2022 האט מישעל הינטשי (ד) באזיגט די אינקאמבענט סוא סערינע (ר), דאס יאר פארמעסט זיך מישעל מיט פעטריק שיהאן (ר) אין א טאסאפ פארמעסט.
דיסטריקט 42 - די דיסטריקט רעפרעזענטירט א חלק פון די קעטסקילס, אריינגערעכענט די היימישע קרית יואל והגלילות.
די פארמעסט דאס יאר איז א איבערשפיל פון 2022 ווען די אינקאמבענט דזעימס סקאפיס (ד) לויפט קעגן דארי האול (ר). סקופיס האט אין 2022 באזיגט האול מיט בלויז 1400 שטומען, מאכענדיג די דיסטריקט פאר איינע פון די נאענסטע פארמעסטן, וואס איז שטארק אנגעוואונדן אינעם היימישן ציבור.
דיסטריקט 43 - אלבעני
די פארמעסט איז א רעפובליקאנער גענויגטע טאסאפ ווי עלווין געמבל (ד) לויפט קעגן די אינקאמבענט דזשעיק עשבי (ר).
אינטערסאנטע פארמעסטן אין די סטעיט אסעמבלי - די אסעמלי מאפע איז פריש געפארבט געווארן פאר די יעצטיגע וואלן, אבער ס'איז כמעט אידענטיש צו די אלטע מאפע.
דיסטריקט 4 - לאנג איילענד
די ערשטע טערמין אינקאמבענט עסעמבלימאן עד פלאד (ר) האט אין 2022 באזיגט די לאנגיעריגע אינקאמבענט סטיווען ענגלברייט (ד), די דעמאקראטן האפן צו צוריקנעמען די זיץ. צוויי דעמאקראטן לויפן אין די פריימערי סקיילער דזשאנסאן און רעסעקע קעיסי.
דיסטריקט 10 - לאנג איילענד
די פארמעסט דאס יאר איז א איבערשפיל פון 2022 ווען די אינקאמבענט סטיוו סטערן (ד) שטייט אויס א נאנטע פארמעסט דורך עמיר סולטאן (ר), די דיסטריקט איז אביסל בלוי גענויגט.
די היימישע ראקלענד קאונטי לעגיסלאטור ר' אהרן בנציון ווידער פארמעסט זיך אין די דעמאקראטישע פריימערי קעגן אודסאן פרענקאויס. אויב ר' אהרן בנציון געווינט די פריימערי וועט ער זיך דארפן פארמעסטן אין נאוועמבער קעגן די אינקאמבענט רעפובליקאנער דזשאן מעקגאווען. די זיץ איז מייק לאולער'ס געוועזענע זיץ, שוין היינט א שטארק רויטע זיץ, אבער דאס מאל איז די היימישע עולם ערווארטעט צו שטומען פאר הרב ווידער
לאמיר זעהן אויב די רעפובליקאנער האבן בכלל א טשאנס צו פליפן די אסעמבלי אין נאוועמבער, אויב אלעס גייט אין זייער דירעקציע.
די רעפובליקאנער דארפן געינען 28 זיצן צו באקומען די מאיאריטעט, ווי אויבענדערמאנט איז דא בערך 20 טאסאפ זיצן וואס די רעפובליקאנער האבן א ערענסטע טשאנס צו געווינען, ר' שמחה אייכענשטיין און ר' קלמן יעגער קען מען לכאורה רעכענען אז זיי וועלן קאוקעסען מיט די רעפובליקאנער אויב עס קומט דערצו האלט מען ביי 22, זענען די רעפובליקאנער שארט 6 זיצן. יעצט אין לאקאלע פארמעסטן איז זייער מעגליך אז פארטי ליינס זאל דראמאטיש שיפטן פון איין אלעקשאן צו די צווייטע (א שטייגער ווי די סיטי קאנסעל זיץ וואס די רעפובליקאנער האבן פאריאר געוואונען אין די טינקל בלויע די בראנקס) דאס קען ברענגן נאך סורפרייזעס.
ס'איז דא אבער געוויסע נאנטע פארמעסטן וואס כ'האב נישט געברענגט אויבן צוליב וואס איך קען נישט כאפן די דעמאגראפיקס פון די וויילער, לדוגמא אין אסעמבלי דיסטריקט 119 איז אין 2022 די דעמאקראט געלאפן אויף די קאנסערוואטיווע פארטיי טיקעט, דאס יאר לויפט די רעפובליקאנער אויף די קאנסערוואטיווע פארטיי טיקעט, אין 2022 האבן די קאנסערוואטיוון געשאנקן פארן דעמאקראט די געווינס, אויב וועלן זיי דאס מאל שטומען פארן רעפובליקאנער וואלט די רעפובליקאנער געווינען, אבער מ'דארף באמת וויסן וואס ס'גייט פאר דארטן. אפשר@שמואל וואכטנהייםוועט בעסער כאפן וואס ס'גייט פאר דארט.
למעשה! אלץ רעגיסטרירטער רעפובליקאנער האב איך פארוואס צו גיין שטימען אין די פריימעריס? @פאסט טרעגער @שמואל וואכטנהיים
וועלעכע דיסטריקט וואוינט איר ?
וויליאמסבורג 50-18
האסט נישט אויף וואס צו שטומען!
נישט דא אפילו איין רפובליקאנער וואס לויפט אין וויליאמסבורג?
נישט אין די פריימערי! אין ניו יארק מאכט מען שוין היינט נישט קיין פריימערי'ס ווען בלויז איין קאנדידאט פון די פארטיי לויפט. מ'האט אין אנדערע ווערטער אוועקגענומען די רייט אין אפציע!
אין די דזשענעראל אלעקשאן וועסטו קענען שטומען פאר עטליכע רעפובליקאנער ווי פאלגענד:
דערנאך וועט זיין א בעלאט מעזשער צוצולייגן צו די ניו יארק קאנסטיטוציע רעכטן פאר יקנה''ז עבארציע וכד'ו, וואס אבוויעסלי די רעפובליקאנער זענען דערקעגן און די דעמאקראטן זענען אין שטיצע.
ניו יארק האט טאקע נישט קיין סקאט פרעסלער, אבער אין לאקאלע געגענטער איז אייביג דא גרעסרוט אקטיוועטעטן אויף א קליינע פארנעם וואס איז אינטערסאנט צו כאפן א בליק דערויף.
לאמיר ברענגן די וויילער רעגיסטראציע נומבערס אין ניו יארק סטעיט, וויאזוי עס האט זיך געטוישט זינט 2022 און 2020, און זעהן אויב דאס קען אנדייטן אויף געוויסע שיפט'ס לטובת א געוויסע זייט אין די בעפארשטייענדע אלעקשענ'ס.
מ'וועט גיין קאונטי ביי קאונטי, קודם ניו יארק סיטי, דערנאך די אנדערע קאונטי'ס לפי סדר הא''ב.
לאמיר אנהייבן מיט קינגס קאונטי - די היימישע ברוקלין
2020
דעמאקראטן: 1,172,316
רעפובליקאנער: 137,316
2022
דעמאקראטן: 1,142,754
רעפובליקאנער: 137,779
2024
דעמאקראטן: 1,125,891
רעפובליקאנער: 141,942
די דעמאקראטן האבן פארלוירן זינט 2020: 46,836 רעגיסטרירטע וויילער בעת וואס די רעפובליקאנער האבן צובאקומען: 4,626 רעגיסטרירטע וויילער, דאס איז א נעט געין פון 51,489 לטובת די רעפובליקאנער
רוב רעפובליקאנער אין ברוקלין זענען רעגיסטרירט אלץ דעמאקראטן, אבער מיט דעם אלעם איז דא א קליינע קאנסיסטענט שיפט לטובת די רעפובליקאנער.
פאסט טרעגערהאט געשריבן:↑זונטאג יוני 23, 2024 6:10 pm
ניו יארק האט טאקע נישט קיין סקאט פרעסלער, אבער אין לאקאלע געגענטער איז אייביג דא גרעסרוט אקטיוועטעטן אויף א קליינע פארנעם וואס איז אינטערסאנט צו כאפן א בליק דערויף.
לאמיר ברענגן די וויילער רעגיסטראציע נומבערס אין ניו יארק סטעיט, וויאזוי עס האט זיך געטוישט זינט 2022 און 2020, און זעהן אויב דאס קען אנדייטן אויף געוויסע שיפט'ס לטובת א געוויסע זייט אין די בעפארשטייענדע אלעקשענ'ס.
מ'וועט גיין קאונטי ביי קאונטי, קודם ניו יארק סיטי, דערנאך די אנדערע קאונטי'ס לפי סדר הא''ב.
לאמיר אנהייבן מיט קינגס קאונטי - די היימישע ברוקלין
2020
דעמאקראטן: 1,172,316
רעפובליקאנער: 137,316
2022
דעמאקראטן: 1,142,754
רעפובליקאנער: 137,779
2024
דעמאקראטן: 1,125,891
רעפובליקאנער: 141,942
די דעמאקראטן האבן פארלוירן זינט 2020: 46,836 רעגיסטרירטע וויילער בעת וואס די רעפובליקאנער האבן צובאקומען: 4,626 רעגיסטרירטע וויילער, דאס איז א נעט געין פון 51,489 לטובת די רעפובליקאנער
רוב רעפובליקאנער אין ברוקלין זענען רעגיסטרירט אלץ דעמאקראטן, אבער מיט דעם אלעם איז דא א קליינע קאנסיסטענט שיפט לטובת די רעפובליקאנער.
בכדי צו לאזן די אשכול פאר די סענאט און אסעמבלי פארמעסט, האמיר גע'עפענט א באזינדער אשכול פאר די רעגיסטראציע נומבער'סviewtopic.php?p=5184935#p5184935
