Re: היסטארישע מסע הצלה דורך גדולי הדור קיין אמעריקע
דאס אלעס איז אפילו אויב די וואס זענען שולט אויף די קאסע זענען יעצט גרייט צו מאכן פשרות אויפן גיוס געזעץ צו קענען ווייטער זיין בארעכטיגט פאר ציוניסטישע געלטער ?קושטא האט געשריבן: ↑ דאנערשטאג יוני 27, 2024 4:43 amדי אלע חסידי סאטמאר דא וואס רעדן מיט ביטול וועגן דעם נסיעה און דעם מגבית לשם שמים מאכן א שרעקליך גרויסן טעות.
ס'איז קיין שום ספק שבעולם אז רבינו הק' מסאטמאר זי''ע וואלט געקוואלן פאר שמחה דערלעבענדיג אזא טאג. ער פלעגט דאך אלץ ווייטאגן אויף דעם, אז מיט דעם וואס ערליכע אידן לומדי תורה נעמען פון זיי געלד, מיט דעם גיט מען זיי חיות און יניקה אנצוגיין מיט זייער מדינה וואס איז דאך די גרעסטע מעכב הגאולה. ער האט זיך אמאל אויסגעדרוקט אז ווען נישט דאס וואס שלומי אמוני ישראל זענען נהנה פון זייערע געלטער וואלט די מדינה שוין לאנג נישט געהאט קיין קיום. און אז דער אויבערשטער האט געהאלפן אז ס'איז געווען דער רצון העליון אז ס'איז אראפגעקומען א רוח טהרה ממרום, אז די ערליכע אידן בני תורה ולומדי הישיבות הייבן זיך אן מתנזר צו זיין פון זייערע געלטער, און ווערן אליינס איבערצייגט אז אויב וויל מען קען מען אנהאלטן מוסדות און ישיבות על טהרת הקודש, - זאל עס זיי מלובש און סיי וועלכע סיבה ס'זאל נאר נישט זיין- איז דאס א שמחה רבה מאוד פאר אלע ערליכע אידן וואס קלאמערן זיך און פירן זיך לאור תורתו פונעם מאור הגולה רבינו מסאטמאר זצ''ל וכל קדושיו עמו
און ס'איז זיכער, אז דאס איז א גרויסע נפילה פאר די צד הטומאה פון די סט''א, וואס זיי זענען דאך די אמת'דיגע פירערס פון די מדינה. און זיי ווילן דאס נישט בשום אופן, ווייל דאס שוואכט זיי זייער שטארק אפ, דאס האקט אונטער זייערע מקורות היניקה און זייער זכות קיום. נאר מן השמים האט מען רחמנות געהאט, ווער וויסט צוליב וועמענ'ס זכות, אדער גאר למעני למעני אעשה. עכ''פ ווער ס'גייט באמת לאור תורתם פון די צדיקים דער דארף זיין באמת מלא שמחה פון אזא ערשיינונג. רעדן מיט די מינדעסטע ביטול קעגן אזא נסיעה און מגבית גרעניצט זיך מיט חילול שם שמים, און שמעקט פון קנאות מזיופות. ווען אידן ווילן זיך אנהייבן פירן אויפן ריכטיגען וועג איז יעצט די צייט צו גיין בודק זיין די ציצית,? די מיינסט נאר אזויפיל לשם שמים, און נאר אהער, און נאר אהין, רח''ל מהאי דעתא.
סאטמארע חסידים אייכם ? ווי זענט עטץ ?
תלמידי וחסידי סאטמאר וואלטן ווען געדארפט זיין די ערשטע זיי אקעגן קומען מיט ריזיגע סכומים פון צענדליגער מיליאנען דאלארן, די גרעסטער קבלת פנים וואלט געדארפט זיין אין קרית יואל בתוככי העיר, און טאקע אינעם יום ההתייסדות פונעם קרן הצלה כ' סיון. לקדש שם שמים קבל עולם ומלואו אז יא, מ'קען ברייט אויסהאלטן אלע מוסדות אין ארץ ישראל על טהרות הקודש און מ'ברויך נישט צוקומען צו די ציוניסטישע געלטער. און דער אויבערשטער זאל העלפן אז דאס זאל ברענגען אן התקרבות הגאולה און א ביטול המדינה ע''י משיח צדקנו, ובהתרוממות קרן התורה וישראל ובהתגלות כבוד שמים עלינו בב''א.