אידעלע שעם זיך נישט ס'מאכט זיך ביי יעדעם
א קלינגעדיגע פסוקי דזמרה, א קאכעדיגע ברכת קרי''ש, פלאם פייערדיגע קרי''ש,
די בעל תפילה לאזט אויס ה' אלוקיכם אמת און בעריש גיבט מיט התלהבות א געשריי:
ואמונה כל זאת .....
אוטש........
ס'גאר נישט געשען בעריש ס'קען זיך מאכן ביי יעדעם......
נחום'ס מעריב יענעם ל''ג בעומר איז געווען ליידער גאנץ פארשלאפן,
זיין קאפ איז צען מאל אוועקגעפלויגן, דורך זיין גרויס ערווארטונג צום רבי'נס הדלקה,
קומט אבער צו ספירת העומר נו... ס'דאך הוד שבהוד,
נחום כאפט זיך אויף מיט התלהבות
לשםייחוד קודשא ברוך הוא ושכינתי' הרינו מתעטף גופי בציצית אוי יוי יוי יוי
אוטש...........
ס'גאר נישט געשען נחומ'על ס'קען זיך מאכן ביי יעדעם........
זעליג איז אויפגעשטאנען אביסעלע שפעט יענעם ווינטערדיגע שבת צופרי, נאכ'ן פראווען די באטע נעכטן ביז גאנץ שפעט,
ב''ה פונקט געכאפט נעגל וואסער און קרי''ש ביים סוף זמן,
און לויפט אין ביהמ''ד אריין, ווי ער טרעפט שוין די מנין תהילים האלט שוין ביים יהי רצון,
ווילנדיג מאכן זיכער אז ער פארלירט נישט זיין פלאץ ביים דאווענען, גייט ער אדורך דעם גאנצן ביהמ''ד ביז זיין פלאץ, און לייגט דארט אראפ זיין שטריימל און זיין טלית,
און גייט צוריק אדורך דעם גאנצן ביהמ''ד צו גיין אין מקוה,
ער טוט אויס די בגדים, לייגט ארויף זיין הענט אויפ'ן קאפ אוטש ס'קומט אראפ א שלאף קאפל.........
אוטש......
ס'גאר נישט געשען זעליג טייערע ס'קען זיך מאכן ביי יעדעם........
זונדל'ס שווער מאכט חתונה זיין אינגעסטע טאכטער די קומענדיגע וואך,
לכבוד די אונטערשטע חתונה ביים שווער וויל זונדל זיך שיין צושטעלן און מיטהאלטן די שמחה מתחילתו ועד סופו,
ערב שבת באווארפן האט די שווער געמאלדן אז מען וועט ארויסבאגלייטן דעם חתן פון זיין טאטענס שטוב א האלבע שעה נאכ'ן זמן, פרענקלין קאר. סאוט 8, זונדל וואקט אראפ די גאס, און טרעפט א טיר מיטן נאמען ווייס,
מיט גרויס שמחה עפענט זונדל דעם טיר און רופט אויס הויעך א גוט שבת מזל טוב!!!
פלוצלינג זעהט ער אן אומבאקאנטן אינגערמאן ארויסקומען פון איינע פון די בעדרומס, און יענער זאגט אנטשולדיג די זיכסט מן הסתם ווייס וואס מאכט חתונה די וואך? ער וואוינט צוויי הייזער אראפ די גאס........
אוטש.....
ס'גאר נישט געשען זונדעלע ס'קען זיך מאכן ביי יעדעם........
מענדל האט זייער הנאה צו לערנען מיט זיין חברותא ישעי',מענדל האט שוין פונלאנג געוואלט געבן א נחת גרוס פאר ישעי'עס טאטע,
עס האט זיך אבער קיינמאל נישט געמאכט די געלעגנהייט, איינמאל גייט ער אויפן גאס און ער באמפט אריין און ישעי'ס טאטע,
מענדל נעמט די קוראזש און רופט זיך אן: א גוט יאר הרב פרוכטלעפל איך האב זייער הנאה פון דיין זוהן איך לערן מיט אים שוין א לאנגע צייט, ב''ה מהארעוועט אריין ,
אנטשולדיגט זאגט דער איד איר רעדט נישט צום ריכטיגן מענטש איך האב נאר טעכטער
אוטש.........
ס'גאר נישט געשען מענדי ס'קען זיך מאכן ביי יעדעם איינעם הצלחה