Re: זכרונות פון מחנה דברי יואל - ישיבה גדולה סאטמאר סוואן לעיק יצ"ו
מצב: איך אלס קליינע פּימפּענאָטער (בעפארן לערנען אין ישיבה גדולה)
צייט: זומער מיט אסאך יאר צוריק...
פלאץ: באנגעלוי פון רבינו שליט״א
סיבה: זיך אריבערגעכאפט קיין דברי יואל פארן פדיון הבן פונעם בכור בן הרב אלחנן פילאף חתן רבינו שליט״א.
דער עולם איז שוין געווען אין ביהמ״ד (בעפארן איבערבויען) אבער דער רבי איז נאך געווען אין שטוב זיך גרייטן, און ר׳ יודל וויינשטאק איז אריבערגעפארן פון באנגעלוי צום ביהמ״ד מיטן רבינ׳ס קעדילעק... (כ׳געדענק נישט צוליב וואס, ווארשיינליך אויפצופיקן עפעס) האב איך זיך מיטגעכאפט מיט אים...
זעט זיך אויס דער עולם האט באמערקט דעם רבי׳נס קאר פאָרן צום ביהמ״ד און זיך בכלל נישט פארגעשטעלט אז א צווייטער זיצט דארט אינעווייניג...
מיר שפאצירן אריין אין ביהמ״ד פון הונטערן אויבן אן, און שׁשׁשׁשׁשׁשׁשׁשׁשׁשׁשׁ.... דער גאנצער עולם ווערט שטיל און שטעלט זיך אויף לכבודינו, און אזא קרוב צו טויזנט בחורים קוקן אונז אריין אין פנים נישט פארשטייענדיג וואו דער רבי באהאלט זיך......
איך האב בכלל נישט געכאפט וואס דא האט אקארשט פאסירט ביז ר׳ יודל האט זיך אנגערופן: ס׳נישט דעם רבי׳ן, דער רבי קומט שפעטער...