Re: דארף/זאל א מאן מיטטיילן אלעס מיט זיין ב"ב?
א מאן דארף נישט אלעס דערציילן, אבער א מאן דארף "קענען" אלעס דערציילן. ס'דארף אזוי זיין נאטורליך.
נישט אין שבע ברכות און נישט אין די ערשטע יאר. ס'איז נישט קיין פראגע פון "ווען" אדער "פון ווען" יא אדער נישט דערציילן, ס'איז די סוד פון א נאנטע רילעישאנשיפ צווישן צוויי מענטשן, ווילאנג ס'דויערט דויערט עס, ביי איינעם שנעלער און ביי איינעם לענגער, אבער סוף דבר דארף עס צוקומען צו א לעוועל אז ס'זאל זיין א רילעישאנשיפ פון "ועל כל פשעים תכסה אהבה", און נישט נאר פון איר צו אים נאר פונקט אזוי פון אים צו איר - זי זאל אויך קומען צו א מצב אין די קשר אז זי זאל פונקט אזוי "קענען" מיטטיילן מיט אים אירע ענינים. אנדערשוואו איז עס קיין שקר.
די וועג איז אוודאי נישט דורכן זיך פשוט נעמען אוט רייט דערציילן זיינע מעשיות, ס'איז די מהלך פון א לענגערע תהליך פון איר אריינברענגען אין זיין וועלט אז זי זאל אננעמען זיין פערספעקטיוו און לעבנ'ס וועג דורכן אים ליבן און שעצן זיין מיינונג און עס אננעמען.
ווען די מפורש אין אבות געברענגט דא אויבן זאגט אז מ'זאל נישט דערציילן פאר איר עפעס וואס איז א גנאי פאר אים רעדט מען אוודאי ווען די קשר פון די פארפאלק איז אין אזא סארט מצב וואס אויב זאל ער דערציילן וועט זי אים טאקע פיינט באקומען, אבער אויב איז די מצב פון די פארפאלק אזא סארט וואס וואלט נישט גורם געווען קיין שנאה נאר גאר אפשר אפילו פארקערט אז זיי וועלן זיך נאר מתקשר זיין דורך דעם וואס זיי וועלן זיך נאטורליך צונויפרעדן אינאיינעם און זיך מתחזק זיין ער מיט זיינס און זי מיט איר'ס און בויען אינאיינעם א מהלך און פערספעקטיוו ווי אזוי צו אנקוקן און זיך באגיין צו די סיטואציע מיט א קשר נפשי פון צוויי מענטשן וואס ליבן זיך און וועלן אינאיינעם צוזאמלעבן אין יעדע סארט מצב - אין ליידן פונקט ווי אין פריידן, איז ברור איז נישט פון דעם רעדט דער אויבנדערמאנטער מפורש.