וואו שטייט מ'דארף זיין א ווארימע איד?!
כלפי מה הדברים אמורים, אונז היימישע אידן גייען דאך אלץ... מ'גייט אין בית מדרש, אהיים פון כולל, מ'סטאפט אין גראסערי (טון א "חסד" מיטן ב"ב... כאילו אונז זענען נישט נהנה פון די פראדוקטן...) און פיל האבן נישט קיין אויטא. דרייוון א בייק?! כ'וויל דאך נאך טרעפן שידוכים פאר מיינע קינדער... א עלעקטעראנישער סקוטער?! כ'וויל נאך טרעפון א חדר פאר מיין זון... שבת איז דאך אפגערעדט... קידושים און אויפרופ'ן... (איינער ווייסט פארוואס פונקט שבת דארף זיין אזויפיל שמחות?!).
בלייבן מיר איבער קלעטערן גאנצעטע בלאק'ס טעגליך, און די זון טוט זיך אירס און גליעט פיין אויס אונזערע רוקנס און איז משפיע זאפטיגע טראפענס שווייס אויף אונזערע גלידער... ביי דע טיים מען ערהוילט זיך פונעם וועג אין ביהמ"ד דארף מען זיך שוין ארויסלאזן צוריק אויפן וועג אהיים... וחוזר חלילה...
וואס קען זיין די עצה?!? יא, די עירקאנדישאן ארבעט פעסט, אבער דאך נעמט עס צייט, (כרעד שוין נישט אויב דיין וועש איז נאס... קענסט פארגעסן... פאר זיין אידרויסן 5 מינוט וועסטיך מוטשען פאר 2 שעה מיט די קאנסעקווענצן...)
.
טייערע אידן אין אמעריקא, איך האב אן עצה בדוק ומנוסה: פאר איר גייט ארויס שפאצירט צו צום אייזקאסטן (פרידזשדער בלע"ז) און גיסט אייך אן א קאלטן גלאז וואסער און נאך איינס... אהה... יעצט קענט איר רואיג גיין אין גאס און ווערן צו שנעל אווערהיטע"ד... איר קומט אן אין ביהמ"ד אודך א צוויי גלאז קאטע וואסער... איר וועט האבן א אנדערן זוממער.
די הגיון איז פשוט, די עיקר שוויצעריי נעמט פון דעם וואס אייערע אינערליכע גלידער זענען אווערהיטע"ד פון זיך ראנגלען מיט די שמערצליכע היצן, און די אפעקט דערפון איז שווייס... אויב וועסטו ווארטן ביז די עיר קאנדישאן ברעכט דורך די נאסע ווארימע קליידונג אריין אינעם גוף, וועסטו טאקע ווארטן...
אבער אויב באגיסטו זיי מיט קילע וואסער סיי פארן ארויסגיין-זיי צו האלטן קיל, און סיי נאכדעם-צוריק צו אפקילן, דאן ארבעט עס פיל מער אפעקטיוו ווי די בעסטע עיר קאנדישאן יוניט... און אויך ביליגער...
נו לייג שוין אריין א וואסער אין פרידזש...
אאאההה... א קילער איד... א פרישער איד.... יעצט קענסטו טשילן....
{און צו אייך געטרייע שמשים אין ביהמ"ד: ביטע לייגט אריין מער קאלטע וואסער מאשינען, אויך אויף די אויבערשטע שטאק אין ביהמ"ד, (נאר אין היכל התורה איז מען הייס?!?!). און אויב שייך, א מאשין וואס מען מעג נוצן שבת קודש, (אדער שרייבט קלאר אז עס איז נישט ערלויבט צו נוצן אויף שבת)}
להשקות צמאי חסדיך.