א נסיעה קיין ירושלים מיט יחזקאל סגל לנדא ** חלק ה** אמעריקאנער בחור ירושלימ'ע סעודה
ארט: ירושלים. צייט: פרייטאג צונאכט'ס.
לבקשת הציבור וועלן מיר ממשיך זיין מיט די טו"ר אין ירושלים.
כידוע די מנהג ביי חוץ לארצ'דיגע בחורים אז מען גייט ארום עסן סעודות שבת אין פארשידענע שטובער, עס איז אבער דא עטליכע זאכן וואס ציען בחורים צו א סעודה לאמיר עס אביסל צוטיילען.
א)א "גוטע" סעודה, דהיינו באלעבאטיש צוגעשטעלט ווי למשל: טייערע וויין, סאלאמאן, בשר בהמה וכו'
ב)א "ברייטע" סעודה, דאס הייסט א שפע פון עסן, (אסאך חלה מיט סלטים...) מוז נישט זיין די בעסטע, אבער וואס ס'איז דא, איז דא גענוג...
ג) א "שנעלע" סעודה, בקיצור יענער גייט נישט רייטן אויף דיר און זינגען אשת חיל פאר 10 מינוט ווייל דו ביסט סטאק ביי עם אין סלון...
ד) א "טשיקאווע" סעודה (למשל מען גיבט די קוגל אין די זופ... אדער א טשולנט פון מייערן און בעבלאך... אדער אז מ'זינגט צוזאמען דאס בענטשן בקול רעש גדול ובניגון הידוע... וכו' וכו')
ה)א "הייליגע" סעודה, פון א רבי/רב/משפיע אדער סתם א דערהויבענע ירושלימ'ער איד, און מיטהאלטן די עבודת הקודש פון דער נאנט...
ו) א "ארימע" סעודה, ווי מען קען מיטהאלטן די ירושלימ'ער דחקות פון דער נאנט, ווי מען שניידט פיצלע שטיקער חלה, באלי פיש, און די גאנצע עולם צוטיילט זיך מיט איין האלבע טשיקן באטעם וכו'
ז) א "אפענע" סעודה, דהיינו אן אפע"ן האו"ז, מען דארף נישט רופן באשטעלן פון דינסטאג, נאר ווער עס וויל שפאצירט אריין און מאכט זיך באקוועם... געווענדליך ווען אזאנע סעודות זיין מער צו די שפעטע זייט... און אויך מער צו די איזיגאואינ"ג זייט... ודו"ק.
פא"ר סא"ם ריזע"ן איז רחוב יואל 3 א צוציאונגס קראפט מדי שבת בשבתו פאר צענדליגע און צומאל הונדערטע (בלי גוזמא-אמת'דיג...) בחורים.
אין די גאנץ גרויסע דיינונג רום ביי די גאר לאנגע טיש, זיצן אויסגע'שורה'ט צענדליגע בחורים פון יעדער לאנד און יעדער בעקגראונ"ד, אויפן טיש ליגן אויסגעשפרייט פלעשער (ש)מיץ ענבים מיט די באקאנטע "עונג שבת ויום טוב" לעיבעל אויף זיי, און צענדליגע חלה'לעך פון די טרעידמאר"ק ירושלימ'ע מאפיית בריזל… (וואס מאכט כמעט אזעלכע גוטע חלות ווי מאפיית לונדנר תנצב"ה... און איז גאנץ ענדליך צו מאפיית ויזניצ'ע חלות...)
שוין לאנג פאר די בעל הבית ערשיינט, זיצן שוין בחורים אויף זייערע געכאפטע פלעצער און ווארטן אויפן בעה"ב… מיט א אומאנגענעמען שטילקייט... עטליכע ציען ארויס גליונות פון טאש... עטליכע באטראכטן די ספרים שאפע מיט אינטערעס...
גוט שבת!! גוט שבת!! רעב פרויעם שפאצירט אריין מיט זיין סבר פנים יפות'דיגן שמייכל, געזינגען שלום עליכם, אפגע'קידוש'ט, עס הייבן אן אריינשטראמען גאנצעטע טאצן פיש\סלטים… שישיות פון שוויצעדיגע טעמפא סעלטצער… דער עולם וואשט זיך ביים פיצעלע סינק און זעצט זיך עסן מיט אפעטיט… ר' אפרים זעצט זיך בראש השולחן און מאכט זיכער אז דער עולם האט פון אלץ און אלעמען מיט א שפע…
"שלמה" האסט שוין קידוש געמאכט? נעם מיין בעכער און וויין פלאש...
דו!! "ווערצבערגער"!! האסט שוין געהאט פיש? און אזוי ווייטער…
ווען עולם זיצט שוין באקוועם, נעמט ער זיך די מי און גייט זיך וואשן... און יעצט הייבטצעך אן די קרייץ פארהערן … ער סקענט דורך דעם צימער און זיכט א פרישן פנים… והנה און אופס… די רעכטע זייט אין די בעק זיצן צוויי ליטפישע בחורים…. יו! בחורים! ווי הייסטעץ?! שטיינמעץ… שטאמלט דער בראווער פון צווישן זיי ארויס בלאסערהייט… אהה… דיין עלטער זיידע איז געווען ברוך שלמה?! האבעך עם גוט געקענט… ער האט דאך געוואוינט העכער די קלינערס ביי דיוויזשאן און מארסי… אונז האמיר צוזאמען געשפאנט א' סליחות צום רבי'ן ז''ל אויף במוצאי מנוחה… א טייערע יוד געוועזן…
דו! אנדערער ווי הייסטו? אה.. דזשעיקאבס... יאר גרעדפאדער פלעגט קומען הושענא רבה אויף ראדני...
מען האלט נאך ביי די פיש, עס איז שוין פול די טיש, און דער עולם שטראמט נאך אין די מאסן… בחורים גייען בלית ברירה זיצן אויפן סוכה פארטש, וואו עס ליגן אזא 8 טישן מיט בענק, און מען זעצט זיך גרופעס ווייז (כמנהג אז מען קומט מיט א גרופ פון פרענדס...) און מען עסט אפ אויפן אייגענעם טעמפא און מען שלייכט זיך ארויס שטילערהייט... און א פרישער עולם זעצט זיך צום טיש און הייבט אן מיט א פרישקייט.... און צומאל דארף מען אפילן אויפמאכן טישן אין א שלאף שטוב צו אקאמאדירן דעם צבור....
אלעס איז אויפן פארטש, אבער אין דעם דיינונג רום פירט זיך א געהעריגע פארמאלע סעודה, מיט זמירות, תורות, און לעבעדיגע אינטערוויא'ס....
לקינוח גיבט מען אזא אראנדזשע מין קאמפאט, מיט א טשיקאווע געשמאקע טעם... און מען באגריסט דעם מכניס אורח א ווארעמע גוט שבת... און מ'מאכט פלאץ פאר דעם קומענדיגן שיפט.
טייערע רבי אפרים שטערן-שר החסד!!! איך וויל אייך זאגן א ריזיגן ש'כח!! איר האט מיר געמאכט פילן אינדערהיים, מדי שבת בשבתו!!כה לחי!!
יחזקאל
רופט/טעקסט 9176183475 • אימעילט [email protected]