מאחורי הפרגוד - רבי׳שע קריגעריי | @יקל׳ס טויזענטע
לכבוד מיין טויזנטער האב איך געזוכט צו ברענגן עפעס פיינע ווארע פארן וועלט'ל, אבער סאָמטינג ווערי דיפרענט.
האמער באשלאסן אז לכבוד די זוממער וועלן מיר פראבירן צו דערווישן עפעס פון אונטער די קוליסן פון איינע פון די היימישע קעמפס. און יגעתי ומצאתי.
ליינט און ליינט.
האמער באשלאסן אז לכבוד די זוממער וועלן מיר פראבירן צו דערווישן עפעס פון אונטער די קוליסן פון איינע פון די היימישע קעמפס. און יגעתי ומצאתי.
ליינט און ליינט.
איך האף איר וועט הנאה האבן.
עמער אנהייבן מיט א שטיקל הקדמה כדי צו פארשטיין וואס דא קומט פאר.
דאס יאר זוממער איז קעמפ מחנה קולמוס אויפגעקומען מיט א חידיש בעולם ה׳קעמפס בנוגע די מעידזשער פלעי, און לאמער עס אייך אנטפלעקן.
אנשטאט אזוי ווי יעדע אנדערע קעמפ וואס די מדריכים/משגיחים עקטן און מאכן דעם פלעי, זענען זיי אויפגעקומען מיט א באמבע געדאנק, אז דאס יאר גייען די מנהלים און מלמדים מאכן דעם פלעי.
דאס איז געקומען נאך וואס די הנהלה רוחניות פלעגט יעדע יאר האבן פראבלעמען מיט די פלעי, אז געוויסע זאכן זענען נישט גוט און אויסגעהאלטן. האט די גשמי אדמיניסטראציע געזאגט פאר די הנהלה רוחני אז זיי זאלן איין יאר מאכן די פלעי, וועלן זיי פארשטיין ווי אזוי די זאכן ארבעטן.
אומר ועושה, זיי האבן עס אנגענומען, און אנגעהויבן ארבעטן דערויף.
אבער צוליב זייער רעספעקט האבן זיי נישט געוואלט אז מ'זאל זיי לייגן מעי"ק-א"פ, און זיך ווי ווייניגער פארשטעלן, ממילא האט מען געדארפט איינטיילן די פאַרטס לויט די אויסקוק און געשטעל פון יעדע רבי. און פארשטייט זיך לויט די פערסענעלעטי.
אט האט איר די רשימה וואס עס שטייט אויף די ערשטע בלאט פונעם סקריפט וואס כ'האב דערווישט.
זייטיגע נאטיץ
1
רבי׳שע קריגעריי
~ עקטערס ~
כתה ז' רבי ……………….....……………………….. גלח
ווייל פון אים האבן אלע קינדער מורא. און ער האט א הוילע קאפ און א דיקע שרעקעדיגע שטימע. (קיין איין גלח האט נישט קיין האר אויפן קאפ ?)
כתה א' רבי.………….……………….… פארכאפטע יונגל
ווייל ער איז א בעבישע רבי. און צוליב זיין נידריגקייט. (זייט ווען האט א אינגל א געלע אריינגעדרייטע בארד?)
כתה ו' רבי .………...…...……………………….… זיידע
צוליב זיין הייזעריגן קול, און איינגעבויגענעם ריקן. (א זיידע מיט א פיצי שווארצע בארד ?)
כתה ג' רבי ..…….…..…….….………………….… פריץ
צוליב זיין קמץ בארד און געדרייטע וואנצעס, און ברייטקייט בגופו. (א פריץ דארף אויך זיין א גראבער. נישט אזוי ?)
כתה ט' רבי ……...…………………….… שומר התפיסה
ווייל ער איז א דארער. און קען טיילן גוטע פעטש. (די רבי'ס טיילן נאך פעטש היינט ?)
כתה ב' רבי ………….……………………….… ראש הקהל
ווייל ער האט א אויסגעפליקט בארד מיט א קארצע רעקל, און ער זאגט אז ער האט געלט. (וואס האט עס מיט א ראש הקהל ?)
כתה ה' רבי ……….………………….… טאטע (רחמנות)
ווייל ער האט א קוויטשעדיגע קול, און מיינט אז ער קען זינגן. (און תפיסה דארף קומען א ניגון. נישט אזוי ?)
כתה ח' רבי .….…..……………….… דאפעלטע אגענט
צוליב וואס ער מאכט זיך פאר א גוטע רבי, און עכט איז ער נישט. (זענען נישט אלע רבי'ס אזוי ?)
כתה ד' רבי …………...….……………………….… מסור
צוליב וואס ער מסור'ט אלעמאל די כתה ה' קינדער פאר די מנהל. (מסור אדער מסור קעצי ?)
סגן מנהל ……….……………………………….… באדינער
צוליב זיין ערפארונג אינעם שלאק שמשות פעלד. אחרון חביב די מנהל.…….… גייט אויסרופן די צענעס
צוליב זיין שטארקע ערפארונג מיטן קריכן - מיט די מייק - אויף די נערוון. (אזוי ווי יעדע מנהל. ניין ?)
אט דאס איז די איינע צעטל וואס כ'האב דערווישט פונעם שפיל.
בלייבט נאר איבער צו האפן אז די שפיל גייט זיך טאקע אויסארבעטן, און ס'וועט נישט זיין קיין פראבלעמען.
נ.ב. היות ס'איז נאך א סוד פאר די קינדער, אויב האט איר א זון אין מחנה קולמוס, ביטע געבט אים נישט איבער די סודות.
כ׳האף איר האט הנאה געהאט.
קלארשטעלונג: כ׳מיין ח״ו נישט חוזק צו מאכן פון די חשוב'ע געטרייע מלמדים וואס געבן אוועק פון זייער טייערע צייט - כאטש די קליינע געהאלט - פאר די טייערסטע וואס מיר פארמאגן. נאר געשריבן לבודיחתא בעלמא, אז אידן זאלן הנאה האבן. אויב פילט איר זיך געטראפן פון מיינע ווערטער, בעט איך אייך איבער פון פאראויס.
פאר א שנעלע רייד צוריק ארויף, דריקט דא
וואו איז מאניש חיריק?
