א אפענעם בריוו, צו מיין חברותא דוד:
ספעציעל זענען די געשמאקע שמועסן אונז האבן פאר און נאכן לערנען, איבער אלץ און אלעמען (חוץ פון פאליטיק... ווייל דו ביסט א אנטי טראמפ דעמאקרעט... און אויב איך רעד א ווארט פראו טראמפ... שיטן פונקען פון דיינע אויגן... רויעך פון דיינע אויערן און שפיזיגע פיילן פון דיין מויל אין אלע דירעקציעס...).
ואחרון חביב די אלע הילף און נאלידזש דו גיבסט מיר בכל עת, אין אלע ענינים שונים.
אבער עטליכע קליינע בקשות האב איך פון דיר:
א) ביטע קויף דיר א ציין בערשטל און נוץ עס יעדע נאכט און אויך צופרי. פלאס"ס וועט אוודאי ניט שאטן...
ב) ווען דו עסט טאמאטע סאלאט מיט פורפל צוויבל, אדער קנאבל כ'ווייס נישט וואס... און אלע אזעלכע סארט עסנס וואס לאזן איבער אפדריקן אויפן צינגל... דאן נוץ איבער דיין אויבנדערמאנטע טו"ט ברא"ש... און אויף א שעת הדחק, האנדל דיר שוין איין א ליסטערי"ן סטרי"פ פעקל און האלט עס אלץ אין טאש, על כל צרה שלא תבא.
ג) ביטע טויש דיין קאפל לכל הפחות איינמאל א וואך, און ביינאכט טו אן א שלאף קאפעל.
ד) שיק דיין רעקל צו די קלינערס איינמאל אין צוויי וואכן.
ה) ווען מען געניצט ברבים נהגו: צוצודעקן דאס מויל, וכל שכן ווען דו מאכסט א האפטשו...
ו) ווען דו טרונקסט דיין קעמאמייל טיי מיט האניג לעמאן דזשינדזשער וכו', ביטע אויף א שטילערן טאן...
[ז) פיל אליין אריין עפעס פערזענליך פאר "דיין" חברותא...]
. הק' יחזקאל (בשם כל ישראל...)
און צו דיר טייערע איד וואס לחיינו די שורות: אפילו דו קריגסט נישט אזא בריוו פון דיין חברותא, טראכט דיר איבער צו עפעס פון די אויבנדערמאנטע זאכן, (אדער עפעס אנדערשט...) האט עפעס שייכות מיט דיר... און פאררעכט עס, נאך פאר דו באקומסט איינס...
יהא כבוד חבירך... מה דעלך שנאי...
אנטשולדיגט פארן שרייבן (אביסל) נעגאטיוו, אבער רעדע"ר סעי"ף דע"ן סארר"י...
פאר א מפתח קליק אונטען
רופט/טעקסט 9176183475 • אימעילט [email protected]
א פארמאכן בריוו, צו אייוועלט.קאם