מיין מחותן וויל נישט נעמען מיין טאכטער
5 יאר פריער, ברוך אין ישיבה איז פון די טיכטיגע בחורים וואס הענגען די סיינס פורים, בויט פאכמאניש די חופה שבועות, בויט קלאזעטס אין קעמפ וכדומה, יעדער איינער ווייסט אז ברוך האט גאלדענע הענט, ביים לערנען האט ער נישט צופיל געהאלטן , ביים פארהער איז ער אייביג געווען מיט די מויל פארמאכט, זיינע מגידי שיעורים האבן שוין אויפגעגעבן אויף אים און אים געזאגט אז העכסטענס וועט ער ווערן א קאנסטראקשן מענעדזשער מיט א שיעור ביינאכט..
צוריק צום בעל הבית, ער זאגט פאר ברוך, איך בין מורהדיג צופרידן פון דיין ארבעט דא לעצטע שטיק צייט אבער וועסט מיר דארפן מוחל זיין און איך דארף דיר אפזאגן פון די ארבעט ווייל איך בין היינט געוואר געווארן אז די פלעגסט נישט קענען די פארהער אין ישיבה, אויך אין חדר האסטו קיינמאל נישט באקומען מער ווי 60 אויף די בחינות.
שרה האט חתונה געהאט 5 יאר צוריק, זי האט שוין 2 קינדער, זי איז די פרנסה ברענגער אין שטוב און איר מאן זיצט און שטייגט, זי איז מורהדיג טיכטיג און געשיקט און פירט אן די קאך אין עטרת רחל זאל ווי עס קומען פאר טייערע חתונות און פארטיס, זומער פירט זי די קאך פון די קעמפ און משפחות פון די זעלבע מוסד וואס סערווירט טויזענטער פארציעס טעגליך, דער עולם איז מורהדיג צופרידן מיט איר.
די יאר ערב די קעמפ סעזאן ווען זי האט זיך אראפגעזעצט מיט איר מענעדזשער צו אויסשמועסן די זומער פלענער און וועלכע באנגעלוי זי גייט באקומען האט זי נישט געחלומט וואס עס ווארט איר אפ.
8 יאר פריער, שרה איז אייביג געווען א איידלקייט פון א מיידל, אלע טיטשערס זענען געווען צופרידן מיט איר, ערליך געמאכט ברכות, אייביג מקרב געווען יעדעם און אייביג געפאלגט וכו, קומענדיג אין היי סקול האט זי עפעס נישט געקליקט מיט ווען דזשארדזש וואשינגטאן איז געווען פרעזידענט, אויך וויפיל 80 צוטיילט אין 56 קומט אויס, אדער ווען מען נעמט אראפ 18 פון 9 וויפיל עס בלייבט איבער, אויך האט זי נישט פונקטליך פארשטאנען די סייענס וויאזוי די זון דרייט זיך ארום די ערד אדער פארקערט, זי האט אבער זיך יא אויסגעצייכענט אין דעקארירן שיינע קעיקס און שיינע פרוכט פלעטערס, אויך ווען מען האט געלערנט און פראבירט צו קאכן איז זי אייביג ארויס די געווינער.
צוריק צוריק צום מענעדזשער, ער זאגט פאר שרה, איך בין מורהדיג צופרידן פון דיין ארבעט דא לעצטע שטיק צייט אבער וועסט מיר דארפן מוחל זיין און איך דארף דיר אפזאגן פון די ארבעט ווייל איך בין היינט געוואר געווארן אז די פלעגסט נישט קענען די פיינעלס, די האסט קיינמאל נישט באקומען מער ווי 50 אויף היסטערי, סייענס, רעכענען וכדומה
רבקה איז א אויסגעצייכענטע מיידל, א איידלקייק מיט אלע מעלות, זי איז א ערשטע קלאס לערערין און די עלטערן גייען ארויס פון התפעלות ווי זי איז צוגעלאזן צו די קינדער און וויפיל זי לייגט אריין תורה ויראת שמים.
ראובן דער שדכן האט אנגעטראגן משה בער פון ישיבת המצוינים וואס איז אויסגערימט מיט גאר חשובע בחורים, עס איז ממש ענבי הגפן און ביידע זייטן האבן זיך נאכגעפרעגט און באקומען גאר גוטע גריסן, מען האט שוין געטראפן די בחור און די מיידל און מען גרייט זיך צום בעשוי.
פלוצלינג באקומט די שדכן א קאל פון די בחורס טאטע אז די שידוך איז אויף האלד, זיי האבן יעצט געהערט אז די מיידל איז נישט אקאדעמיקלי פערפעקט און האט געהאט שוואכע מארקס אויף אירע טעסטס אין שולע, די שדכן איז שאקירט און פרעגט איך פארשטיי נישט, זי איז איידל? געלונגען? באליבט? די טאטע זאגט מיר האבן באמת באקומען די בעסטע אינפארמעישן אבער למעשה קען איך איר נישט געבן פאר מיין געלונגענע בחור ווייל זי איז נישט אקאדעמיקלי פערפעקט און נישט באקומען 100 אויף אירע טעסטס און פיינעלס.
האלט איר אז איינער פון די אויבענדערמאנטע זענען גערעכט??
איך שרייב דאס מיט בלוט נאכן מיטהאלטן ווי א פראמינענטע שדכן וואס קען פערזענדליך א מיידל האט אנגערופן אנטראגן א בחור א בעל מום פאר א געלונגענע מיידל, ווען די טאטע האט געעפענט א פאר אויגן ווי קומט הודו צו כוש האט די שדכן מסביר געווען אז דער בחור דארף אוועקקוקן ווייל ער איז א בעל מום און די מיידל דארף אויך אוועקקוקן ווייל זי איז נישט אקאדעמיקלי פערפעקט.
מיין מעסעדזש איז…
הייבטס אן צו קוקן אויף די פנימיות פון דער מענטש און נישט אויף טעקניקעלס.
אגב אינטרעסאנט וואס איך האב אמאל געהערט בשם איינער פון די טויבערס אז ווען די מיידל איז אהיימגעקומען מיט די רעפארט קארד האט די מאמע איינגעקנייטשט און נאר געקוקט אויף די זייט ווי עס שטייט מידות טובות און אויפפירונג וכדומה און געזאגט אז דאס איז וויכטיג וואס די מיידל האט געארבעט אויף זיך, די אנדערע זייט איז די כשרונות וואס דער אייבישטער האט געגעבן וואס איינער האט עס בעסער און איינער שוואכער.
בעסיידס די פוינט אז אסאך גדולי ישראל זענען אויסגעוואקסן נישט זייענדיג אין ישיבה וואס זייער מעגליך וואלטן זיי אויך נישט געהאט קיין 100 אויף זייער טעסטס, און להבדיל א ריזיגע צאל פון גרויסע גוישע ביזנעסלייט זענען געווען סקול דראפאוטס און האבן נישט געהאט 100 אויף זייער טעסטס.
גלייבטס מיר נישט נאר פרעגטס אייער טאכטער ווער עס איז די ארויפגעקוקטע און געלונגענע מיידל אין איר קלאס.
אל תסתכל בקנקן אלא במה שיש בו
נ.ב. איך בין שוין חתונה געהאט אסאך יארן און נאך נישט עספיעט צו זעהן וועכע מארקס און דיפלאמאס מיין ב״ב האט באקומען אלץ מיידל.