א אפענעם בריוו, צו מיין "גראסערי מענעדזשער":
ברוך ה' אז קיינער פון די קינדער האבן זיך נישט פריצייטיק ערוועקט פון א שווערן חלום... אין די קעיק האט זיך נישט פארברענט... איך בין נאר מכובד געווארן צו איינקויפן א ליסטע (פון דא ביז קאנארסי....) פון גאר וויכטיגע און נישט אזוי וויכטיגע גראסערי אייטעמ'ס...
פארשטייט זיך אז מילך און זילבער-פאפיר איז אויפן ליסטע ביי דיפאלט... מאיאנעז, גרינע עפל, לאקס פאר יצחק'ס פרישטאג, און קאלארפול דזשעליס פאר חיימ'ס סיום און נאך א טוץ רענדא"ם (ווי זאגט מען עס אין אידיש?) אייטעמ'ס...
איך וואנדער ארום אין גראסערי ווי א "מאן", פרעגנדיג יעדע צווייטע מענטש, וואו יעדע דריטע אייטעם געפינט זיך...
ענדליך געטראפן די מאיאנעז און צו מיין וואונדער זע איך א צעטעלע וואס ליינט זיך וואו פאלגנד: special גפן מאיאנעז 4.99, איך קויף געווענדליך נאר ביליגע ברענדס ווי אונגאר'ס וכדומה, אבער אז ס'איז אזוי ביליג מוז מען מאכן א יוצא מן הכלל, אריין אין בעסקעט...
פון די ווינקל פון מיין אויג שמייכלט צו מיר די קען ישראל'שע מלפפונים בחומץ, און בליקנדיג אויפן סטיקער זע איך אז די פרייז איז א נישטיגע 2.49, אריין אין בעסקעט...
אנקומענדיג צום רעדזשיסטער פאק איך אויס מיין קערבל, און פארקלאץ זיך אויף על סאלוואדאר...
באקומענדיג מיין רעסיט בליק איך איבער די פרייזן און צו מיין שוידער האט ער מיר געטשארדזשט 7.99 אויף די מאיאנעז און 3.79 אויף די מלפפונים, איך שטעל מיך צוריק אינעם רייע און ווארט... ביז איך בין זוכה צו רעדן מיטן גוי, פרעג איך: האלא, דיס פרייס סעיס 4.99 וואי יא טשארדזש מי 7.99 אלסא די פיקלעס איט סעיס 2.49? זאגט ער מיר אז די מאיאנעז צעטל איז פון פאריגע וואך ספעשל... און די קענס אייעל האט מען אויך שוין נישט אפדעיטעד די סטיקערס זייט חנוכה...
ווען איך ווייס ווען, נעם איך אונגאר'ס מעיא. און איך דראפ די גאנצע פלאן פון איזרעילי פיקלס...
טייערע גראסערי מענעדזשער/בעה"ב: ווייז דיין "ריכטיגע" פרייז!!!
אפשר איז שוין ענדערשט בכלל נישט צו לייגן פרייזן, ווי לייגן אומאפדעיטעד פרייזן, יש לעיין היטב...
רופט/טעקסט 9176183475 • אימעילט [email protected]
א פארמאכן בריוו, צו אייוועלט.קאם