די ר' שרגא פליישמאן טשעלענדזש! שליסט אייך אן!!
ווער איז דאס ר' שרגא פליישמאן?
וואס איז זיין מהלך?
וואס איז מיין שייכות מיט אים?
והעיקר וואס איז די טשעלענדזש?
לאמיר גיין איינס איינס
ווער איז ר' שרגא פליישמאן?
ר' שרגא פליישמאן איז א חסידישער איד, א תלמיד חכם, און א שטארקער בעל מוח, און איז געווען לאנגע יארן א מגי"ש פאר בחורים.
כהיום איז ער באוואוסט אלס איינער וואס העלפט מענטשן מיט עניני הנפש מיט זיין אייגנארטיגע מהלך.
וואס איז זיין מהלך?
ווי איך וועל שפעטער פארברייטערן קען איך נאכנישט קלאר זיין מהלך אבער זיין יסוד איז, אז אלע מוטשענישן פון א מענטש קומט ווייל ער וויל אליינס פירן די וועלט און זיינע מעשים וכו' וכו'.
לויט זיינע תלמידים (אויסגעשמועסט דא און דא און דא ) איז די עיקר צורך און עונג פון א מענטש ווען ער געט אלעס אויף און ער ווארפט זיך אונטער די הנהגה פונעם אייבערשטן.
וואס איז מיין שייכות מיט אים?
פערזענליך גארנישט, חוץ וואס איך האב אים איינמאל געהערט ביי א שמחה.
געהערט פון אים און זיין מהלך, האב איך שוין עטליכע יאר צירוק ווען עס איז מיר אויסגעקומען צו זיין נאנט מיט איינער פון זיינע נאנטע מענטשן. בשעתו האב שטארק הנאה געהאט צו הערן פון אים און ארום אבער אין מיין דעמאלטסדיגע מצב איז עס נישט געווען נוגע.
אבער ווי אונזערע רבי'ס פלעגן זאגן ושניים יסעו - די יארן לויפן - אסאך וואסער זענען שוין אריבער אונטערן בריק פון דעמאלטס, און איך האב אנגעהויבן פילן אז איך דארף עפעס א מהלך צו קענען באהאנדלען מיינע געפילן. איך האב שוין פראבירט עטליכע זאכן און ביזדערווייל האט נאך קיין איינס נישט געשאסן אין פינטל.
נאכן ליינען אביסל דא איבער דעם ר' שרגא פליישמאן מהלך האב איך געשפירט אז זיין מהלך רירט אן א נקודה וואס שפירט דאס מערסטע ענליך צו וואס אונזערע רבי'ס האבן אונז געלערנט, און איך האב עס געוואלט פראבירן.
נאכן מחליט זיין אז איך וויל פראבירן די מהלך (און אויך פריער) האב איך אנגעהויבן זוכן ווי קען מען באקומען די שיעורים. איך האב געטראפן דא אויפן וועלטעל דריי סעריעס פון שיעורים אבער עס איז געווען א WMA פייל וואס ארבייט נישט אויף מיין פאון. האב איך עס מיט די הילף פון @קנאפער ז"ל איבער געמאכט אויף די פראקטישע MP3 פארמאט, און אזוי אויך עס רינעימט צו גרינגער מאכן פאר געוויסע פלעיערס.
בשעת איבערארבייטן און ליינען דאהי האב איך אויך געליינט די אשכולות ארום און פארשטאנען אז די עיקר איז חזרה וואס דאס קען מען האבן פון כסדר הערן די שיעורים און האלטן די יסודות וואך. אויך האב איך דאן געזען ווי אסאך זענען דן איבער צו עס העלפט טאקע, און אויב עס האלט אן אויף א לענגערע וויילע.
דעריבער האב איך אויף מיר גענומען דעם טשעלענדזש
נא למעשה וואס איז די טשעלענדזש?
דער טשעלענדזש האט אין זיך צוויי חלקים
חלק א'. מאכן א קביעות צו אויסהערן די שיעורים, לכתחילה יעדן טאג כאטש אביסל
חלק ב. זיך אונטערנעמען דא ברבים אז ווען עס גייט אריבער א יאר פון ווען איך האב אנגעהויבן וועל איך צוריק קומען מיט א באריכט וואס האט עס מיר געהאלפן, און ווי לאנג עס האט אנגעהאלטן.
היות איך האב אנגעהויבן הערן די שיעורים י"ז בתמוז פ"ד. האף איך צו זיין צוריק אי"ה ארום י"ז בתמוז פ"ה משיח זאל אוודאי פריער דא זיין.
ומכאן הקריאה יוצאת צו אלע טייערע חברים אויב האט איר זיך שוין אינטעסירט אין דעם, אויסגעהערט אמאל די שיעורים און געפילט אז עס מיינט אייך כאפט אייך מיט מיטן טשעלענדזש לאמיר מאכן א כח הרבים
אין דעם לינק זענען דא די שיעורים ארגינעל געברענגט דורך @עונג החיים
שיעורי הרב פליישמאן