ניו יארק סיטי בריקן און טונעלן
הקדמה
ניו יארק סיטי זיצט אויף אפאר טייכן ווי די האדסאן ריווער און די איסט ריווער (וואס איז עכט א חלק פון די האדסאן נאר ס'צוטיילט זיך האט עס באקומען א נייע נאמען) ממילא איז די גאנצע שטאט שטארק אנגעוואנדן אין די פילע בריקן און טונעלן וואס איז פארהאן אנצוקומען פון איין פלאץ צום צווייטן
איך וואלט די סיטי צוטיילט בעיקר אין פיר חלקים, איינס מאנהעטן וואס זיצט אליינס אויף א אינזל, צוויי איז ברוקלין און קווינס וואס זיצן צוזאמען מיט 'לאנג איילענד' אויף די לאנג איילענד אינזל (ס'איז דא פלעצער ווי ברוקלין און קווינס זענען יא צוטיילט מיט א קליין וואסער'ל) , דריי איז די בראנקס וואס איז פארבינדן מיט וועסטשעסטער, און פיר איז סטעטן איילענד וואס איז א סוגיא פאר זיך, און די איז דא נאך אין א בארא אליין ווי מיר וועלן אי"ה אויסשמועסן. אבער קומט אויס אז צי גיין פון איין בארא צום צווייטן אין רוב פעלער דארף נוצן א בריק (אין פילע פעלער דארף מען אין א בארא אויך נוצן א בריק).
אין געוויסע פלעצער האט מען געבויעט א טונעל אנשטאט א בריק, יעדע פאל פאר זיין סיבה, אבער די 'תכלית' איז די זעלבע, און מיר וועלן דאס בעז"ה אויך אויסשמועסן.
פארשטייט זיך אז אויב מ'רעכנט אלע הונדרעטער בריקן פון די הייוועיס וואס קראסן אנדערע הייוועיס אדער גאסן קומט מען אן צי איבער 2000!!! אבער מיר גייען דאס נישט רעכענען נאר די וואס פארן איבער די וואסער (אפי' אסאך מאל קענען זיי זיין קורצער) וואס לויט מיין חשבון איז דאס קרוב צי 40 שטיק, קלענערע און גרעסערע, א גרויס חלק איז נישט אזוי באקאנט פאר אונז ליינער אפי' ס'איז דא ממש נעבן אונז אבער אונז קומען נישט אזוי סאך אן אהין.
און אפי' די וואס קראסן די וואסער איז דא פילע וואס זענען געמאכט נאר פאר באנען אדער אנדערע זאכן, וואס דאס וועלן מיר נישט שרייבן יעצט,בלויז די וואס זענען געמאכט פאר קארס(און אפשר אויך די וואס זענען נאר פאר מענטשן וועלן מיר אויך אויסרעכענען), און אפשר איין טאג וועלן מיר נאך צוריקומען צי דעם.
אסאך מאל וועל איך אריינשטעלן אין איין ארטיקל מער ווי איין בריק ווייל ס'איז נישט דא אזוי סאך צי שרייבן וועגן דעם.
יעדע בריק וועל איך איינטיילן אין פילע חלקים
אביסל א אריינפיר אויף די בריק ווי ס'געפינט זיך און אביסל קרישקעלעך דעראויף
עפעס היסטאריע ווי למשל ווען ס'איז געבויעט געוווארן
די טרעפיק דערפון
די נאמען דערפון און איר באדייט
אויב ס'איז דא באנען און א פוסגייער וועג
אויב ס'איז געווען במשך די יארן גרויסע קאנסטראקשיאן דעראויף
פאקטן און ציפערן
און פארשטייט זיך אויב א געוויסע בריק וועט זיין עפעס ספעציעל אינטערסאנט וועלן מיר פרובירן עס צי ארויפלייגן
די בריקן ווערן געפירט און באאלאנגט בעיקר פאר דריי אטעראטאציעס
1. די MTA וואס איז נ.י. סערוויס פאר אסאך טראנספארטאציע ווי די באנען און באסעס
2. איז די Port Authority of New York and New Jersey וואס איז א פאראיין פון ניו יארק און ניו זשירסי פאר געוויסע זאכן (ווי די עירפארטס און נאך) זיי זענען נאר אויף די בריקן וואס זענען פון ניו יארק צי NJ ווי למשל די GWB,
די אלע זענען מיט טאלס
3. זענען אן טאלס זיי זענען סתם אזוי אונטער די DOT
זעהט מאפע, די וואס זענען נישט אנגעצייכנט זענען אין די דריטע קאטאגאריע (נישט אלע בריקן זענען דא אויףדי מאפע)
- 1.jpg (117.74 KiB) געזען 2513 מאל
אזוי אויך וויל איך עס צוטיילן אין אפאר חלקים לויט ווי ער געפינט זיך:
Eest River Crossing
דאס זענען פון ברוקלין און קווינס אריבער קיין מאנהעטן.
סטעטן איילענד
דאס זענען אלע 4 בריקן פון און צי סטעטן איילענד.
Hudson River
דאס זענען פון מאנהעטן אריין צי NJ.
מאנהעטן- בראנקס
אסאך (בעיקר קליינע) פון בראנקס אריבער די הארלעם אריין צי מאנהעטן
קווינס- בראנקס
פון קווינס אריבער די איסט ריווער (פון אויבן) אריבער צי די בראנקס.
ברוקלין- קווינס
און געוויסע פלעצער צווישן ברוקלין און קווינס איז דא א קליינע וואסער'ל, דארט איז דא עפעס בריקן.
קווינס
אין קווינס אליינס איז דא אפאר בריקן.
ברוקלין
די זעלבע אין ברוקלין ווי ס'איז דא אפאר קליינע.
בראנקס
אין די בראנקס אליין איז אויך דא אפאר בריקן.
