Re: חרדים - חילונים; ווער לעבט אויף וועמענס קאנטע
צווישן דער שורות האט איר דא אראפגעשטעלט א באמבע,אז דער חילונים האבן אוויקגעשטעלט 'א געהעריגע אהערגעשטעלטע לאנד' וואס איז באקוועם פאר א חרדי'שער איד צו אראפלייגן אפאר מיליאן שקל אין שנלר אדער זשערוסעלעם עסטעיט.תרמב האט געשריבן: ↑ פרייטאג אוגוסט 23, 2024 11:50 amאמאליגע צייטן איז מען ארויפגעפארן אויף ארץ ישראל נאכן חתונה מאכן אלע קינדער, מ'איז געפארן מיט מסירת נפש, מ'האט געוואוינט ארים, און געזעצן און געלערנט, מ'האט געוויסט אז ארץ ישראל נקנית ביסורים און מ'האט טאקע געליטן פון ארימקייט און הונגער.
ווילסט מיר זאגן אז דער וואס פארט אויף ארץ ישראל וואוינען אין א ווילא אין שנלר אדער זשערוסעלעם עסטעיט פארט בתור גלות איד?
די טויזנטער אמעריקאנער און אנדערע אויסלענדישע וואלטן נישט געפארן ווען נישט ס'איז א געהעריגע אהערגעשטעלטע לאנד, און די געציילטע וואס וואלטן געפארן מיט מסירת נפש צו וואוינען אין די הייליג לאנד פון די אבות, אויף זיי ביסטו גערעכט, אבער דאס איז יחידים, נישט דער ציבור.
דאס איז חילוני'שער פראפאגאנדע וואס האט נישט קיין שום אחיזה אין דער מציאות.
היסטאריש גערעדט.
דער 'שטעטלאך' האבן געבויט דער יהדות החרדית, בראשות ר' יאשע ריבלין זצ"ל, ר' עקיבא יוסף שלעזינגער זצ"ל.
רובא דרובא פון דער שטחים האט זיך געקויפט פון חרדי'שער געלט.
דער פערמיטס פונעם טערקישן סולטאן און שפעטער פונעם ענגלישען מאנדאט זענען געקומען מיטן שתדלנות פון חרדי'שער עסקנים ובראשם סיר משה מאנטעפיורי.
דער שפיטאל האט געבויט א חרדי'שער איד מיטן נאמען דר וואלאך.
דער פארמינג האט זיך אנגעהויבן מיט חרדי'שע פארמערס וואס האבן גע'פועל'ט ביים חרדי'שער גביר באראן ראטשילד.
דער עקאנאמיע האט זיך געבויט פון זאכן וואס דאס יהדות החרדית קויפט;
אתרוגים - דער פוילישער רבי'ס און זייערע חסידים האבן מהדר געווען אויף אן ארץ ישראל'דיגער אתרוג,
וויין - פוילישער אידן האבן מהדר געווען אויף אר"י'דיגער וויין לקידוש ולהבדלה.
כספי הפענסיא (פון חרדי'שער אידן וואס זענען געקומען אויסלעבן דער עלטערע יארן אין אר"י) , וכספי החלוקה - וואס איז אנגעקומען צום פארמער וואס האט געפלאנצט דער קארטאפל, און צום גראסערי מאן וואס האט עס פארקויפט.
עד כאן איז היסטאריש גערעדט.
בזמנינו אנו יארע תשפ"ד:
דיור- ווער האט עס ערלעדיגט אז שנלר זאל זיין א חרדי'שער קווארטעל, און נישט א וואלקנקראצער פון 30 שטאק?
צו ווייסטו דען אז דער יהדות החרדית האלט יעצט אינמיטן א בלוטיגען קאמפפ אז דער בילדינגס אין ירושלים זאלן נישט זיין 30 שטאק ?
[א בילדינג פון 30 שטאק מיינט אז ס' איז נישטא קיין פלאץ פאר קיין סוכות פאר אלעמען, מעלית שבת וואס רובא דרובא פונעם יהדות החרדית פארלאזט זיך נישט אויף דעם = דער שכנים וועלן זיין מענטשען וואס גייען בקושי אריין אינעם הגדרה 'חרדי'].
חינוך– ווער שטעלט צו דער חינוך פאר זיינע קינדער, דער מדינה אדער ער דארף צאלן שכר לימוד?
אויף דעם האט דער יהדות החרדית בראשות דער בריסקער רב געשפיגען בלוט.
כשרות- ווער שטעלט עם צו כשר'ע עסן דער רבנות הראשית וואס דער מדינה האט אוועקגעשטעלט און פינאנצירט עס, אדער א בד"צ וואס איז פריוואט פינאנצירט?
יארן לאנג האבן ערליכער אידען זיך מתנזר געווען פון מילכיגער און פליישיגער פארדוקטן, ביז מען האט דאס דורכגעבראכן ביים חילוני'שער פריץ.
עירוב- ווער שטעלט עם צו דאס עירוב דער רבנות הראשית וואס דער מדינה האט אוועקגעשטעלט און פינאנצירט עס, אדער די בד"צ שע"י העדה החרדית וואס איז פריוואט פינאנצירט?
מקוה- ווער שטעלט עם צו א כשר'ע מקוה דער רבנות הראשית וואס דער מדינה האט אוועקגעשטעלט און פינאנצירט עס, אדער די מרכז הארצי לטהרת המשפחה מיסודו של ר' שלומקע זוויעהלער זצ"ל וואס איז פריוואט פינאנצירט?
ישיבה- ביי וועמענס ישיבה/כולל לערנט ער/זיינע קינדער?
אויף דעם שלאגט זיך יעצט די מדינה צושיקען אלע ישיבה לייט אין מיליטער.
ארבייט– ווער שטעלט אים צו א זשאב, די מדינה אדער חרדי'שער עסקנים?
אויב עפנט ער א ביזנעס ווער וועלן זיין זיינע קליענטען? און ווער וועט נעמען דער שטייערען???
