נאך וועמענס זייט דארף מען א נאמען געבן?
די סיסטעם וואס איז איינגעפירט איז אז די ערשטע קינד ״קומט זיך״ פאר די ווייבס זייט און די נעקסטע ״קומט זיך״ פאר די מאן׳ס זייט, און ביי געוויסע משפחות גייט דאס ארויף צו די פריערדיגע דורות אויך, ווען ס׳קומט זיך פאר די ווייב זייט קען עס אמאל גיין פאר איר טאטעס זייט און אמאל פאר איר מאמעס זייט,
און פון דארט גייט עס ארויף נאך א דרגא, בקיצור מ׳דארף האלטן א פען און פעיפער און אזוי אויך א קאלקיולעיטער צו זעהן נאך וועם דאס קליין קינד וואס דער אייבעשטער האט געשיקט פארן יונגן פארפאלק דארף הייסן.
און ווי געשריבען זענען דא משפחות וואס אויב איז מען עובר אויף די סדר, נישט קיין חילוק וועלכע דור, איז ממש אחת דתו, ס׳טוט זיך אן אויפברויז, איי, וואס וויסטע פונעם פארפאלק? ס׳דאך סוף כל סוף זייער קינד, לאז זיי רופן וויאזוי זיי ווילן. ווייסיך נישט.
פון די אנדערע זייט זענען דא משפחות וואס זענען ווייט נישט מקפיד, זיי קוקן אן מאדנע די אנדערע משפחות וואס מאכן זיכער צו כאפן אלע נעמען וואס ״קומט זיך״ זיי,
אבער אגב, האביך נאכנישט געטראפן קיין משפחה וואס איז נישט מקפיד און גיבט אוועק אלע נעמען, געווענדליך די נישט מקפידערס קומען ארויס מיט מער ריווח, זיי מאכן זיכער צו כאפן וויפל זיי קענען מיט די תירוץ פון ״ביי אונז האט מיט נישט מקפיד געווען אויף די אלע משוגעסן״…
בקיצור ביז דא איז געוועזן די הקדמה.
די מעשה איז אזוי, דער וואס האט געשריבן די הלכות האט אויסגעלאזט אפאר וויכטיגע סעיפים וואס דאס איז גורם אז אסאך אינגע פארפעלקער זאלן זיל רייסן ביי די קעפ, במילא האלט איך אז ס׳שוין צייט מ׳זאל אראפלייגן די יסודות אזוי וועט זיין שלום ושלוה.
האביך דא צוויי שאלות און ווער ס׳האט נאך זאל מוסיף זיין.
1) אויב די עלטער זיידע\באבע פונעם קינד לעבט נישט, טוט עס אויוועריידן די סיסטעם אדער מ׳קוקט ווייטער ווער ס׳נעקסט אין ליין.
דאס איז זיכער אז ווען א זיידע\באבע פונעם קינד איז נישטא וועט עס זיכער גובר זיין, די שאלה איז נאר אן עלטער זיידע\באבע.
2) אויב די ערשטע קינד האט מען געגעבן פאר די מאן ווייל זיין זיידע איז אים ממש דעמאלטס אוועק, דעמאלטס איז די צווייטע פאר די ווייב, וואס טוט זיך מיט די 3טע קינד? צו זאג איך אז דאס איז יעצט די סדר פאר די מאן, אדער ניין, מ׳גייט צוריק צום ארגינעלן סיסטעם?