א פארמאכן בריוו, צו Ivelt.com: (יחזקאל סגל לנדא)
לאמיר אויסשמועסן עטליכע נקודות...
איך האב קיינמאל נישט געפלאנט צו שרייבן אויף אייוועלט, ניטאמאל האב איך געוואוסט אז איך קען בכלל שרייבן עפעס וואס זאל זיין אינטרעסאנט פאר א עולם וואס האט אזעלכע גרויסע השגות - פון אזאנע מייסטער שרייבער... און זיכער נישט געטראכט צו זיין פון די מערסט באדאנקטע... און זיכער וזיכער נישט אזוי אפט...
איך האב פשוט געוואלט פאלאוען א ניק, האבנדיג געוויסע חששות אויף איינעם, נאר כדאי צו זוכן "באנוצערס תגובות" - דארף מען דאך אריינלאגן, און אריינצולאגן- דארף מען א ניק, שוין עמער קריעיטן א ניק... וואס וועט שוין זיין... והנה, די גורל איז געפאלן אויף די נאמען פונעם רשכבה"ג מורנו ורבנו הנודע ביהודה זי"ע, (פארוואס?! א מאמר פאר זיך...) און אזוי האב איך געקענט פאלאוען די ניק, און יאפ! (איך מיין) ס'איז אים...
אזוי זיצענדיג מיט א ניק, האט מיר איינגעפאלן א מאדנעם געדאנק, אפשר שרייב איך עפעס א מאמר'ל, לאמיר עס אויספרובירן... אזוי האב איך אפגעטייפט דעם ערשטן מאמר "די צד השוה צווישן גור און תולדות אהרן" - און מיט ציטערדיגע הענט האב איך געדרוקט די שיק קנעפעלע.... און צו מיין סופרייז, דער עולם איז אריינגעקומען העכער עני ערווארטונג... ביז צוויי טאג האט עס געריטשט 150 לייקס.... (איך האב קוים געכאפט אז ס'איז א קונץ...)
פארשטייטצעך אז מיטן עסן קומט דער דארשט... און כ'האב פלעין פאר פאן - געשריבן נאך א מאמר... ועודך דער עולם האט עס געגליכן... האב איך אפגעשריבן נאך עטליכע מאמרים אויף ירושלים... און געפלאנט גונז צו זיין דער ניק...
געווען איז עס אנהייב זומער: ווען איין זונטאג האב איך מיטגעלעבט די "מעשה" פון די ערשטן "אפענעם בריוו", און טראכטענדיג אז כ'קען דא מעורר זיין מענטשן איבער זייערע 'בין אדם לחברו'דיגע' שלעכטע געוואויהייטן... האב איך עס אפגעטייפט און געפאוסט... און דער אפקלאנג איז געווען מאסיוו...
אזויווי איך בין ב"ה גאר אן אבזערווענט מענטש... איך כאפ אויף קליינע פעולות און תנועות פון מענטשן, האב איך ביי מיר א ליסטע פון אזאנע אקטן פון מענטשן... איז געגאנגען נאך א בריוו און נאך איין... אזוי איז עס צוביסלעך געווארן א אייקאן/ברענד... און דער עולם האט עס אנגעהויבן פארלאנגען...
און צו אלע וואס האבן נישט אויפגעהערט צו פרעגן די (קאורני) שאלה: פארוואס שרייבסטו נישט א אפענעם בריוו צו דיין קאר/נעגל/הויט/הוט/טיר/שוך וכו' מסתמא ביי נאו כאפן זיי שוין אז די טערם איז מיוחד צו מעורר זיין מענטשן איבער פעולות וואס זיי טוען - און אומווילנד באדערן זיי אנדערע...
איך האב נישט געענטפערט צו די אלע מגיבים, ווייל בשיטה האב איך נישט ליב צו מגיב זיין אין מיין אשכול... (נישט ווי געוויסע וואס יעדע ש'כח באקומט א יישר... כ'מיין ס'דאך דא א לייק פאר א סיבה...)
על כל פנים.. עהעם... יעצט קומט דער זוממער צו א ענדע, און מען דארף זיך צוריק אריינווארפן אין דעם געווענטליכן הלוך ילך - וואס לאזט נישט צופיל צייט צו שרייבן, און זיכער נישט קיין לענגערע ארטיקלען...
מען דארף צוריק פאוקוס'ן אויף די ביזנעס'ל, און בעיקר אויף לימוד התורה הקדושה ועבודת השם... יא, ווען מען איז אין די פאזיציע פון א שרייבער - ליגט די קאפ גאנץ שטארק דערינען...
ולכן - וועלן מיר מוזן אויפהערן מיט די שרייבעראציע לעת עתה... חוץ אמאל עפעס אין היסטאריע/סאציאלע שטודיעס וכדומה - וואס דאס איז בעצם מיין ספעשילטי... אדער א טריפ ריפארט'ל....
(אפשר דא און דארט - וועט איינער דעזערוון א עמערדזשענסי אפענע בריוו... וועט ער עס באקומען...)
כ'האף אז איך וועל זיך קענען האלטן צו דעם, אז נישט וועט מען מוזן צושליסן לגמרי... (אדער אפשר פארקויפן די ניק?! האלטסט איינער וויל עס קויפן?!)
יעצט צו אייך טייערע חברים, א גרויסן ש'כח פארן ליינען + לייקן + מגיב זיין, און נאך מיט אזאנע ווארימע קאמפלימענטן... און אויב האב איך איינעם פוגע געווען - בעט איך מחילה...
איך האב גאר ניט געוואוסט סארא טאלאנט איך האב ביי מיר איך בויך... (אפשר קען איך אננעמען דזשאב'ס, פאר דע רייט פרייס... אדער אריינגיין אביסל אין די ברענדינג ליין, כהמלצת @הרב יואל קליין פאר עניטינג-קום אין אישי...)
הק' יחזקאל סגל לנדא ~ "ביטע לייקן שטארק די תגובה. געווענטליך בעט איך נישט קיין לייקס, נאר איך לאז לויפן נאטורליך.... אבער דא וויל איך די אפקלאנג זאל זיין שטארק... וממני ילמדו וכן יעשו..."
נ.ב. איך בין נישט @געגאנגען/@יקל פעדער/@רבא מברניש.... (מיין אנדערע ניקס האבן שוין געמאכט - נישט קליינע שטורעמס... אבער בכלל נישט אין דעם ליין...)
אגב, עדווערטייזמענט אויף אייוועלט איז גאנץ שוואך... והראיה, מיין עד איז געזען געווארן צענדליגע טויזנטע מאל... מיט גאר א שטילע ריספאנס... אדער פשוט דרייען זיך נישט קיין עלטערע מענטשן דא...
רופט/טעקסט 9176183475 • אימעילט [email protected]
א פארמאכן בריוו, צו אייוועלט.קאם