ציטירט די בקשה פון די הנהלת המוסדות וועלכע האט געבעטן די מלמדים החשובים דעם פארלאפענעם "מאנטאג כי תצא" צו מתפלל זיין אינאיינעם מיט די טייערע תינוקות של בית רבן צו קענען באקומען לעקטער אינעם בנין, נאכן זיך דערזעהן מיט ערנסטע פראבלעם ווען די פירמע האט דאס געוואלט אפהאלטן פאר א לענגערע צייט
ליכטיגקייט שיינט אויף אין נייעם גיגאַנטישן בנין הבית רחל, ערב המעמד ״אדיר וחזק״, נאָך וואָס O&R פאַרבינדט עלעקטריציטעט קראַפט באישון לילה ויאמר אלקים יהי אור, ויהי אור: אויסטערלישע סייעתא דשמיא נאך ריינע הארציגע תפילות פון תינוקות של בית רבן אין א גאר פריידיגע אנטוויקלונג אין דעם בוי-פּראיעקט פונעם בנין הבית רחל החדש, וואס טרעט אריין אין די לעצטע פאזעס ערב די ערעפענונג, האט דער נייער בנין ב״ה דעם היינטיגן דאנערשטאג אינדערפרי ערהאלטן די עלעקטעריציטעט קראפט צו באלייכטן דעם גאנצן 100,000 סקווער-פיס פעסטונג!!! אין די לעצטערע וואכן האט זיך די הנהלת המוסדות און וועד להקים זיך דערזעהן זיך מוטשען מיט גאר שטארקע שווערקייטן צו ברענגן עלעקטעריציטעט קראפט צום ריזן בנין האדיר, נאכדעם וואס די O&R פירמע האט אנגעפאנגן מאכן פראבלעמען און ארומשלעפן מיט די הנהלת המוסדות - ווי ליידער גוט באקאנט פאר תושבי קרית יואל זייער צוגאנג צום היימישן ציבור אין אונזער געגנט. דער געטרייער מנכ"ל ר' משה אלי', זיך דערזעענדיג אין א מצב אן קיין וועג ארויס, האט "דעם מאנטאג כי תצא" געבעטן פון די מנהלי המוסדות אז מען זאל מתפלל זיין אינאיינעם מיט די תלמידים צו זעהן א ישועה בקרוב, און שוין היינט פארטאגס "בלויז צוויי טעג שפעטער" איז דא לעקטער אינעם גאנצן בנין! במשך די גאנצע נאכט האט די O&R פירמע געארבעט אויפ׳ן ״קאננעקטן עלעקטעריציטעט״ צום בנין האדיר החדש ״בנין גאלדבערגער״ אין קרית יואל. די ארבעט איז געטון געווארן אין פינסטערניש פון די נאכט ביז 6:00 פארטאגס, ווייל דורכאויס די ארבעט מוז פארלאשן ווערן די “מעין״ פונעם ערשטן בנין הבית רחל וואו די טויזנטער תלמידות ווערן נתחנך, און ס׳נישט מעגליך זיי צו שטערן פונעם טאג-טעגליכן סדר היום. דורכאויס די גאנצע נאכט איז מיט א געטריישאפט און מסירת נפש געשטאנען דער געטרייער עסקן נמרץ הר״ר יצחק אייזיק וואלטער הי״ו, יו״ר ועד קרן הבנין להקים, העומד בראש מלאכת הבני׳, וועלכער האט אריינגעלייגט אין דעם כל כוחו ואונו עס צו מאכן פאסירן, ולא נתן שינה לעינו ביז ווילאנג ס׳איז ב״ה געקומען די גוטע בשורה ״ויהי אור״! אין זעלבע צייט דארף דערמאנט ווערן די שטארקע כח השתדלנות פון ידידינו ר' אייזיק הי"ו, וואס האט אין די לעצטערע וואכן איבערגעדרייעט יעדע איינציגסטע שטיינדל אינעם דרך הטבע'דיגע השתדלות צו מאכן זיכער אז די פירמע קומט אראפ צום שטח, ודבריו עושים פירות, יהא ה' עמו ובכל אשר הוא עושה ה' מצליח בידו! דאס באקומען עלעקטריציטעט איז פון די שווערסטע חלקים פונעם בויען אזא ריזן בנין, און ס׳איז ב״ה א מורא׳דיגע עררייכונג אין וועג צו קענען באנייען דעם בנין אויף קומענדיגן ראש חודש חשון הבעל״ט! עס קומט פונקט בעתו ובזמנו ערב דעם גרויסן ״מעמד אדיר וחזק״ היינטיגן דאנערשטאג אינעם בנין בית רחל החדש וואו הורי קרית יואל וועלן זיך פארזאמלען כאיש אחד ובלב אחד למען דורותינו, צו באלייכטן אונזער עתיד לדורות יבואו!
דראמאטישע אנטוויקלונגען בקורות מוסדות סאטמאר קרית יואל, אנאנסירט ביים דורכן מנכ"ל הר"רמשה אלי' עסטרייכערהי"ו היינט נאכט ביים מעמד אדיר וחזק אינעם נייעם גיגאנטישן בנין הבית רחל החדש
א גרויסער נדבן ותומך המוסדות האט לכבוד דער ערעפענונג פונעם קאמפיין מנדב געוועןדי פאנטאסטישע סומע פון א מיליאן דאלאר און אפגעקויפט די בר מצוה זאל ויקרא שמו בישראל "פרדס יואל"און צוגאב צו א צווייטע גרויסער נדבן ותומך וואס האט מיט עטליכע וואכן צוריק שוין אפגעקויפט דעם שם פון די צווייטע "בר מצוה" זאל פאר א באזונדערע מיליאן דאלאר! אויף די אונטערשטע שטאק פונעם בנין הבית רחל וועט בעז"ה געעפענט ווערן דיצוויי "ספעציעל-גאר-ביליגע נייע בר מצוה זאלן", און אין א דרוכברעכנדע שריט בקרב מוסדות סאטמאר קרית יואל וועט ווערן איינגעפירט א נייע תקנה אינעם מוסד, אזויווי די רבי זז"ג האט איינגעפירט אין וויליאמסבורג און די רב שליט"א האט עס שוין עטליכע מאל פארלאנגט, אז יעדע בר מצוה פון די תלמידי המוסדות וועט פארקומען אין די נייע "גאר ביליגע בר מצוה זאלן", און מיט דעם איינשפארן שווערע טויזנטער דאלארן פאר אלפי אנשי שלומינו תושבי העיר!
הודו לה' נאכן אפקויפן דעם ריזיגער שטח המוסדות אין בלומינגראוו איז שוין בסייעתא דשמיאגעפיילט געווארט די פלענס פאר "דריי נייע פרעכטיגע בנינים אדירים"אויפן ריזן שטח המוסדות פארן באנוץ פון די תלמוד תורה! יעדער בנין עקסטער וועט האבן אין זיך 50 קלאסן! אין די יעצטיגע טעגווערט שוין גערעדט צווישן עטליכע גדולי תומכים ונדיבים צו פארקויפן די "שם הבנינים"וואס ווערט פארקויפט פארן סכום עצום פון "דרייסיג פראצענט פון די קאסט" פון יעדע בנין באזונדער!
ארויסגעברענגט דער פאקט אז אין די לעצטעבלויז 5 יאר שוין איז שוין אריינגעגאסן געווארן אין די קרן הבנינים אליינס אריבער 70 מיליאן דאלאר, וואס דאס איז חוץ פון די טעגליכע אפעראציעס פון פירן די מוסדות און דעקן דעם בודזשעט!
געמאלדן אז ר' אברהם בנינין קרויס נעמט א גאול פון א מיליאן דאלאר, און אויך ר' אייזיק וואלטער נעמט א גאול פון א מיליאן דאלאר פארן קאמפיין!
הערליך צוגעגרייט צוםמעמד אדיר וחזקהיינט אין די נייע בנין בית רחל
דא גייט זיין די חתונה זאל?
יא, בעז"ה.
קוקט אויס קליין
איז סאך גרעסער פון עטרת מייזעלס, אבער טאקע נישט צו גרויס, צוליב ווואס ס'איז נישט געווען מתחילה אין פלאן צו בויען דארט א חתונה זאל, נאר שפעטער געטוישט די פלענס.
