זיי האבן מורדיג אסאך אפציעס (למשל איך קאל דיין ביזנעס # אין ביי דיר קען עס קלינגען אויף 4 אנדערע פלעצער - אויך קענסטו עס אנשטלען לויט די צייט - קענסט באקומען פעקס ועוד ועוד)
פותחין בכבוד האכסניא, אן אנגענעמען און ערליך פלאץ טוט איר צושטעלן. כ'האב שוין אסאך מאל דא באזוכט, אן ארט ווי אידען פארברענגען אינאיינעם, אן ארט צו ליינען נייעס בתכלית הכשרות, און איבער אלעם - אן ארט ווי אידן העלפן זיך ארויס איינער דעם צווייטען.
צום ענין.
מיין ביזנעס איז שוין אלט א שיינע פאר יאר בעזרת השם, און פארשטייט זיך אז ווען ס'איז באשערט פון אויבן, וואקסט ער מיט די יארן.
בנוגע קאסטומערס, פלעגט מיין מיינוג שטענדיג זיין אז מען ברויך צושטעלן די מערסט 'פערזענליכע' סערוויס וואס מעגליך. ע"כ איז מיין מיינונג שטענדיג געווען אז א טעלעפאון רוף מוז געענטפערט ווערן פערזעליך, און דווקא נישט דורך א מאשין.
דאס אלעס איז גוט געווען ביז ס'איז געשען צוויי זאכן. איינס - אמאל, ווען ס'איז אריינגעקומען א רוף, איז שטענדיג געוועזן איינער פון די ארבייטער עוועיליבל אים צו ענטפערן, היינט, ברויך איך ב"ה שוין האבן אן עקסטערן ארבייטער בלויז צו ענטפערן דעם טעלעפאון. צוויי - היות די עקאנאמיע האט היבש אראפגעשלעפט דעם ביזנעס, האב איך באשלאסן, אז אפשר לוינט זיך יא צו גיין דעם ביליגערן וועג, נעמליך, יא קויפן א מאשין צו ענטפערן די רופן.
איז אזוי, ווי גייט א איד ווען מען וויל פון איינעם אן עצה טובה? אין קרעטשמע! נאכן אינטערנעמען א 'פארגעשריטענעם זוך אקציע', האב איך געפונען דעם אשכול, אבער (דא קומט א אבער בלשון בתמי'), די אויבן דערמאנטע פראגראמען זענען טאקע לכאורה זייער גוט אויב דער רופער וויל בלויז וויסן די שעות, נומערן, אדרעס וכדו', אבער אזוי ווי מיין ביזנעס איז בעיקר א 'סערוויס' ביזנעס, און רוב קלינגערייען איז צו וויסן ווי עס האלט די דזשאב, וועט דער פראגראם לכאורה נאר העלפן פאר א חלק ריפער, משא"כ די קאסטומערס וואס ווילן בלויז וויסן אויב זייער ארדער איז שוין רעדי, וועט סוכ"ס נישט זיין גענוג א מדבר מתוך דומם, נאר וועט בהכרח מוזן צוקומען צום מדבר זעלבט.
נעקסט סטעפ. ווען ס'קומט אריין אן ארדער אין ביזנעס, גייט דאס גלייך אריין אין קאמפיוטער, און דער קאסטומער באקומט גלייך דעם ארדער נומער. איז די שאלה, אויב ס'דא א פראגראם מיט וואס איך קען צוזאמשטעלן דעם טעלעפאן מיטן קאמפיוטער, און גלייך ווען דער קאסטומער רופט אריין זאל ער האבן אן אפשען אריינצולייגן דעם ארדער נומער, און דער קאמפיוטער זאל אים גלייך ענטפערן דעם סטאטוס.
אין קורצן: איך וויל האבן בערך אזא פראגראם ווי אונזער באליבטן אנצוג געשעפט G&G. ברויך איך צאלן פאר א פראגרעמער, אדער מ'קען דאס פארשאפן פארטיג'ערהייט.
א גרויסן דאנק אייך פאר אלע אינפארמאציע וואס כ'האב שוין גענאשט פון אייך ביז היינט, און גרויסן דאנק פון פאראויס פארן ענטפערן מיין פראגע, אפילו ס'וועט ענווענטועל זיין א ניין.
איך ניץ פאר מיר אין אפיס PhonePower עס האט אויך היפש אסאך נוצבארע פיוטשערס אין איך בין זייער צופרידען מיט זיי, איך צאל בערך 25 א חודש אונלימעטד USA and Canada קענסט זעהן אלע זייער אפשונס אויף זייער סייט http://Www.phonepower.com
איך דארף א סיסטעם עס זאל האבן 1 טעלאפאן נומער וואס איך קען מאכן אז עס זאל קלונגען צו מיין אפיס אויב עס איז פארנומען אדער קיין ענטפער זאל עס גיין צו א צווייטן אויב איז עס אויך פארנומען זאל עס גיין צו מיין סעל, אויב דאס איז אויך פארנומען אדער קיין ענטפער זאל עס גיין צו די מוזיק אן האלד, און ווען א טעלאפאן פון איינע פון די 3 ווערט עוועלעבל זאל עס קלינגען, און די מוזיק אן האלד זאל איך קענען אליין טוישן, ווי דארף עס צו זיין די ביליגסטע און די בעסטע?
