אידישע וועלט פארומס

איך האב לעצטנס געסטאפט רייכערען. אין איך בין געווארן זייער איינגעהאלטן. און אויך פיל איך מיר זייער שוואך. האב איך געוואלט וויסן אויב ס'האט א שייכות מיטן סטאפן רייכערען??

רבותי עס איז זיכער אז מען קען אויפהערן רייכערן און פילע אידן קענען דערויף מעיד זיין, נאר ווי יעדע זאך דארף דאס גיין צוביסלעך, אזוי ווי איינער טרינקט יעדן טאג 6-7 קאוועס וועט ער נישט קענען פלוצלינג סטאפן און גארנישט טרינקען, נאר קודם וועט ער אפמאכן פאר צוויי וואכן נאר צו טרינקען 4 קאוועס און דערנאך פאר נאך א באשטימטע צייט (קען זיין מער ווי צוויי וואכן, עס קען זיין אפילו צוויי חדשים אבער מיז זיין אפגעמאכט אויף א באשטימטע צייט אפשניט) צו טרינקען נאר 2 קאוועס און אזוי ווייטער, די זעלבע זאך איז מיט סטאפן צו רייכערן, אזוי טראכט מיין קאפ

וויכי, זייער שיין צולייגט, און די גרעסטע ריאה צו דיינע רייד איז, אז ביי כמעט אלע רייכערער וועט שבת נישט ציען כמעט דאס ציגערעטעל, פשוט, די מח איז געפראוגרעמט אז שבת איז נישטא קיין שום אויסזיכט פאר א סמאוק ווייל ס'איז דאך אסור, מילא פארלאנגט ער נישט די ניקאטין, ווי נאר דער שבת איז פארביי, א מינוט דערנאך ווארפט מען זעך ארויף דערויף...

וויכי איך בין נישט קיין רויכערער אבער סמיר זייער געפאל דעם געדאנק

טענקס וויכי.

איך האב א חבר וואס האט גענוצט די NY quitline און עס האט זייער גוט געארבעט

משה קארנפעלד האט געשריבן:
שוין עטליכע יאר צוריק האב אויך פראבירט אוועק צו ווארפן דעם צוגארעטל(אגב יעצט טייפענדיג די שורות ליגט א צוגארעטל אין מיין האנט), עס האט אנגעהאלטן פאר געציילטע וואכן, און די צוויי וואכן וואס איך האב נישט גערייכערט איז געוען ממש צרות, איך האב זיך נישט גוט געשפירט און אפגעלעגן אין בעט פאר עטליכע טעג, כסדר געהיסט, אבער גוטע אידן האבן מיר מחזק געווען אז דאס וועט אריבער גיין ביז עטליכע וואכן, אין פאקט איז עס טאקע אריבער, ווייל נישט צו לאנג דערנאך האב איך צוריק אנגעפאנגן רייכערן...

פון דאסניי מיט א פרישקייט האט מען געשיקט דעם צוגארעטל ליפטערן.

וואס זענען די תוצאות? איך פייגער יעצט פאר א צוגארעטל, דאס איז די תוצאות פאר דערווייל.

חידוש נפלא האט געשריבן: רבותי עס איז זיכער אז מען קען אויפהערן רייכערן און פילע אידן קענען דערויף מעיד זיין, נאר ווי יעדע זאך דארף דאס גיין צוביסלעך, אזוי ווי איינער טרינקט יעדן טאג 6-7 קאוועס וועט ער נישט קענען פלוצלינג סטאפן און גארנישט טרינקען, נאר קודם וועט ער אפמאכן פאר צוויי וואכן נאר צו טרינקען 4 קאוועס און דערנאך פאר נאך א באשטימטע צייט (קען זיין מער ווי צוויי וואכן, עס קען זיין אפילו צוויי חדשים אבער מיז זיין אפגעמאכט אויף א באשטימטע צייט אפשניט) צו טרינקען נאר 2 קאוועס און אזוי ווייטער, די זעלבע זאך איז מיט סטאפן צו רייכערן, אזוי טראכט מיין קאפ

עס שטימט זייער גוט אין סברה, אבער אין פאקט, מיין איך אז רוב מענטשען וואס האבן אויפגעהערט רייכערען, האבן עס געטאן פון איין מינוט צום צווייטען, ווילד, און די מהלך פון שניידן צוביסלעך, ארבעט נישט.

געהערט אמאל איבער א איד וואס האט נישט געקענט אויפגעבן ס'ציגארעטל, און ביים דריטן אפענעם-הארץ אפעראציע האבן די דאקטוירים דאס רעקארדירט אויף ווידעא און אים צוגעבינדן נאכן אפעראציע צו א בענקל און אנגעצינדן דעם ריפלעי, דער איד שטייט מער נישט נעבן א זאך וואס זעהט אויס ווי א ציגארעטל..

שמערי הדא הוא דכתיב ווען די תאוות זאלן ווען ליגן אין ראשית חכמה...וכו'

משה קארנפעלד האט געשריבן: אן אזא צייט זאגט קרעמער מ'דארף סטאפן וועגן זיך פאר די ווייב.

קרעמער זאגט עס, נישט איך.

אפשר קרעמער1...

וויכטיג מאכער האט געשריבן: יעדער איינער וואס וויל סטאפן סמאוקן, קען, מ'דארף נאר האבן א רצון, און פון דארט וועט עס שוין גיין גרינג, איי די מוח זאגט אז ס'איז נישט מעגליך, ס'איז שווער, זאג פאר דיין מח, אז דו סטאפסט נאר פאר 2 טעג.. פונקט וואו ווען זונטאג איז תשעה באב, רייכערן נישט אסאך אירע צוויי טעג, שבת און זונטאג, אדער פסח וואס אסאך אירע רייכערן נישט.. די זעלבע סטאפ יעצט אויך נאר פאר צוויי טעג, דערנאך לייג צו נאך א טאג, און נאך א טאג, דיין מוח וועט שרייען, "איך דארף א ציגארעטל".. זאג עם "אי"ה מארגן"... נעם קליינע סטעפס, און צוביסלעך וועסטו דיך טרעפן אן רייכערן פאר א חודש, 6 חדשים, א יאר, און א גאנץ לעבן..

בהצלחה..

כנים הדברים, מ'זאגט נאך פון אסאך גרויסע יודן וועלכע פלעגן רייכערן, און די מינוט וואס די דאקטורים האבן זיי איינגעמאלדן אז עס גרעניצט זיך שוין מיט ונשמרתם האבן זיי זיך אפגעשטעלט פון איין מינוט אויפן צוייטן, און ביי זיי איז עס נישט געווען גערייכערט פאר שוואויל טאג.
די וואס זענען מושלים ברוחם קענען עס באווייזן, און מיט א גוטע רצון קען מען עס אויך באווייזן, מ'דארף נאר זיין איבערצייגט אז עס איז שעדליך

קרעמער האט געשריבן:

משה קארנפעלד האט געשריבן: אן אזא צייט זאגט קרעמער מ'דארף סטאפן וועגן זיך פאר די ווייב.

קרעמער זאגט עס, נישט איך.

אפשר קרעמער1...

לאל...

אלעס איז געוואנדען פון וויפיל שאכטלעך א טאג מען קומט

אבי ווער האט געשריבן: איך האב א ספק אין ווער עס קען מיר ענטפערען בכבוד גדול:
פאר איך פאנג אן צי רעדן קודם איך רייכער שוין נישט ב"ה כ'האב מיר אפגעוואוינט מיט א שארט סטאפ!
אבער איך בין נייגעריג וואס דער עולם האלט ווויאזוי איז גרינגער צי סטאפען רייכערען אויב מקען נישט מאכן א שארט סטאפ? צי זאגן איך פלעג רייכענען א שאכטעל א טאג פין היינט אין וויטער רייכער איך נאר 15 ציגארטען אין נאך א וואך 12 אין אזוי ווייטער? אדער ענדערש זאגען היינט רייכער איך נישט ביז 10:00 אין נאך א וואך רייכער איך נישט ביז 12:00 אין נאך א וואך רייכער איך נישט ביז 2:00 אין אזוי ווייטער? אבער נישט קיקען וויפעל ציגארטען מען רייכערט!
איז וואס איז א בעסערע מהלך? וואס האלט איר?

שוין געשריבן אויבן:

לכתחילה אריבער האט געשריבן: עס שטימט זייער גוט אין סברה, אבער אין פאקט, מיין איך אז רוב מענטשען וואס האבן אויפגעהערט רייכערען, האבן עס געטאן פון איין מינוט צום צווייטען, ווילד, און די מהלך פון שניידן צוביסלעך, ארבעט נישט.

אזא טיפע נושא וואס נעמט ארום די נפש פונעם מענטש פאדערט אודאי א ציגארעטל צו קענען קלארשטעלן דעם ענין. סא געגאנגען האסט אפשר א ציגארעטל פאר מיר...........

אבי ווער האט געשריבן: איך האב א ספק אין ווער עס קען מיר ענטפערען בכבוד גדול:
פאר איך פאנג אן צי רעדן קודם איך רייכער שוין נישט ב"ה כ'האב מיר אפגעוואוינט מיט א שארט סטאפ!
אבער איך בין נייגעריג וואס דער עולם האלט ווויאזוי איז גרינגער צי סטאפען רייכערען אויב מקען נישט מאכן א שארט סטאפ? צי זאגן איך פלעג רייכענען א שאכטעל א טאג פין היינט אין וויטער רייכער איך נאר 15 ציגארטען אין נאך א וואך 12 אין אזוי ווייטער? אדער ענדערש זאגען היינט רייכער איך נישט ביז 10:00 אין נאך א וואך רייכער איך נישט ביז 12:00 אין נאך א וואך רייכער איך נישט ביז 2:00 אין אזוי ווייטער? אבער נישט קיקען וויפעל ציגארטען מען רייכערט!
איז וואס איז א בעסערע מהלך? וואס האלט איר?

איך קלער אז סיז גרינגער צו שניידן די צאל צוגארעטן ווי איידער דאס שטיפן די שעות, איך רעד שוין נישט פון דעם אז די צוגארעטל אינדערפרי מיטן קאווע איז פון די סאמע הויפט יסודות.(דאס איז שוין די מיינונג פון הער קרעמער זעלבסט, נישט פון ...1)

לאמיך נאר אביסל מער הערן פון דיר, איך האלט נאך אינמיטן די שארט סטאפ און יעדן טאג באזונדער גיי איך אויס פאר א צוגארעטל.

ביי דיר איז עס אמאל געקומען צו אן ענדע? אדער דאס איז א לעבענסלענגליכע קאמף פונקט ווי די מלחמת היצר?