נייע ספרים און ביכער אויף אידיש

שטארק זיך · דינסטאג יולי 28, 2009 8:23 pm

בעזר השם עפען איך אויף דעם אשכול, בכדי ס'זאל זיין א פלאץ וואו צו מעלדן פריש ערשינענע ביכער אין ספרים אויף 'אידיש'.

איך בדעה צו צו מעלדן עטליכע ספרים, איך דארף נאך פריער קאלעקטן אביסל אינפארמאציע.
דערווייל איז יעדער מכובד אנטייל צונעמען.

מיר וועלען בעז"ה זיין צוריק.

גראדער · מיטוואך אפריל 01, 2009 6:06 pm

אידיש ווערטער אוצר
א זאמלונג פון איבער 6000 ווערטער און זייערע סינאנימען.

איך האב שוין אנגעיאגט צו כאפן א שטיקל בליק דערויף, עס איז א מייסטערהאפטע ארבעט, עס ברענגט אויף יעדן ווארט נאך ווערטער מיטן זעלבן אדער ענליכן באדייט, עס איז זייער גוט ווען מען שרייבט און מען וויל נישט איבערניצן כסדר די זעלבע אויסדריקן, עס בארייכערט דעם שפראך געוואלדיג.

איך מיין אז די אידישע שפראך האט שוין לאנג נישט געזעהן אזא גוטע ארבעט ארויסצוהעלפן די אידישע שרייבער.

עס איז נישט קיין ביליגער ארטיקל, ווי איך האב עס געקויפט האב איך געצאלט $24 פלאס טעקס...

ארויסגעגעבן האט עס א. ראטה, לויט מיין אינפראמאציע איז זי א טאכטער פון די מעלות ארויסגעבער, זי איז אויך פון די שרייבער דארט.

איך גלייב אז אונזערע שרייבער דא אין קרעטשמע וועלן זיך באלעקן די פינגער דערמיט...

שטארק זיך · דינסטאג יולי 28, 2009 8:23 pm

שכוח גראדער פאר'ן מיר אויסכאפן, גראדע איז דער בוך געווען, וואס האט מיר באוואויגן צו עפענען ס'אשכול.
ווער האט אינפארמאציע איבר'ן ספר אויף 'געזונט ' אין אידיש.

גראדער · מיטוואך אפריל 01, 2009 6:06 pm

אנטשולדיגט, איך האב דיר נישט געמיינט אויסצוכאפן די ווערטער פון מויל, איך האב געזעהן אז דו ביזט געווען אזוי גוטהארציג און מכבד געווען דעם עולם זיך משתתף צו זיין אינעם באריכט, און דער ביכל איז מיר פונקט געלעגן ביי די האנט, האב איך עס באריכטעט, קומענדיגע מאל אויב דו ווילסט נישט בלייבן מיט די דרשה אין בויך, גיב עס גלייך ארויס...

שטארק זיך · דינסטאג יולי 28, 2009 8:23 pm

רב גראדער כ'בין באמת דאנקבאר.

ווען דאס געהענגל בלייבט ליידיג איז דאך בזיונות...

גראדער · מיטוואך אפריל 01, 2009 6:06 pm

דער ביכל "אזא גולם" וואס קינדער שפיל האט ארויסגעגבן דעם חנוכה איז עפעס וואונדערבאר.

איך האב נאך קיינמאל נישט אזוי ארויסגעהאט דעם פראגען גולם ווי נאכן ליינעם דעם בוך.

די בילדער ברענגען ארויס דעם גולם אויף עפעס אן אפנארמאלען וועג, ס'איז דא גאנצעטע בלעטער וואס ס'שטייט בכלל נישט קיין טקסט ווייל מען פארשטייט אליינס די גאנצע מעשה נאר פון קוקן אויף די בילדער!

איין זאך קען איך ענק זאגן, ער איז שוין איינמאל געווען א גולם...

גימעל · מאנטאג דעצעמבער 21, 2009 3:44 pm

די ביכל איז געשריבן אויף איווריס (לשה"ק), דערנאך איז עס איבערגעטייטשט געווארן אויף ענגליש, און איצט איז עס א דאנק די קינדער שפיל פירמא ערשינען צום ערשטען מאל אויף אידיש, כדי אונזערע טייערע קינדערלעך זאלן אויך קענען הנאה האבן.
די בילדער זענען אילוסטרירט געווארן דורכ'ן פאפולערן גדי פאלאק, אט איז א בילד פון די ענגלישע ווערסיע.

גיי_ווייס · מאנטאג דעצעמבער 21, 2009 9:00 pm

איך האב מיך אמאל אנגעשטויסן אין א וועפ זייטיל
וואס פארמאגט א געוואלט מיט יודשע ביכער,
זייט ד'שטויס האב איך אסאך געליינט איך זייער הנאה געהאט דערפין

כ'מיין אז ס'איז א קלעקטשן פין "סטיוון ספילבערג"
עס בשטייט מער פין אלטע יודשע ביכער פין יודשיסטשע שרייבער אד"ג
דא האט איר ד'לינק

פארשער · מאנטאג דעצעמבער 21, 2009 9:42 pm

אין תפיסה האבן זיי שוין דעם אידיש ווערטער אוצר, ארעסטאנט'ס חתימה קומט דאך פון דארט.

גראדער · מיטוואך אפריל 01, 2009 6:06 pm

שיר השירים, מיט א פירוש אויף אידיש פון הרב דאמב פון לאנדאן.

כ'האב נאכנישט געהאט די געלגנהייט אריינצוקוקן דערין, אבער ס'דארף לכאורה צו זיין א געוואלדיגער פירוש.

פריילאך · זונטאג יאנואר 24, 2010 2:47 pm

צום געזונט פון יחזקאל אסחייק.

איבערגעטייטש און צוגעשטעלט צו די אמעריקאנע עסן שטייגער, דורך מכון חד וחלק.

זייער א שיין ארבייט, גייט לויטן מהלך פונעם רמב"ם און קיצור שלחן ערוך.

דא א אינטערויוא אויך קולמע, מיטן ארויסגעבער.

ווייסט איינער וואס אינזער אלץווייסער הרב מייזליש זאגט צום בוך?

טראק דרייווער · מאנטאג יוני 01, 2009 2:58 pm

די אשכול באלאנגט נישט אין ועל פליטת בית סופריהם?

בשמים · זונטאג יוני 12, 2011 12:12 am

ביכל "שטעל צוזאם א גראם" איבערגעדרוקט

פעדער · זונטאג יאנואר 02, 2011 4:23 am

א אמת'ער גראמער ווערט נאר צומישט פון דעם ביכל . פאר א פשוטער איד, אין א מתנה צום שוויגער איז עס עפעס ווערט.

בחורהזעצער · זונטאג יאנואר 16, 2011 9:54 am

עס איז לעצטענס ערשינען א נייער ביכל מיטן נאמען "איש חסיד היה", תולדות פון הרה"ח ר' אברהם יעקב גלאנצער ע"ה באשריבן דורך די אייניקלעך, און מסודר געווארן דורך שרייבער פון ומשה היה רועה, איך האב דאס נאר געזעהן אין ספרים סטאר, עס קוקט אויס צו זיין אינטערעסאנט פאר חסידי סאטמאר צוליב דעם וואס ר' אברהם יעקב איז געווען פון די ראשי הקהלה, אי"ה אויב וועל איך נאכאמאל כאפן א בליק וועל איך קענען שרייבן מער.

ר' אברהם דוד גליק פון ק"י האט נארוואס ארויסגעגעבן די פערטע חלק פון "זכר צדיק לברכה" פון אויטענטישע מעשיות (עכ"פ מיטן מקור) פון הגה"ק מסאטמאר, די מעשיות לויפן אין א רובריק אין איינע פון די וועכנטליכע צייטונגען.

שוועמל · מיטוואך יולי 19, 2006 8:40 pm

געזען א נייער בוך איבער כיבוד אב ואם, א אינטערעסאנטע ליקוט פון מעשיות און השקפה איבער די נושא, זייער באלערנד פאר קינדער.

פעדער · זונטאג יאנואר 02, 2011 4:23 am

א נייע בוך ערשינען מיט'ן נאמען "הראשונים כמאלכים", זייער שיין פארציילט אלע תלמידי בעל שם און אראפ, גייט צו מיט א כראנאלאגישן סדר, פונקטליך זייער יחוס, וואו זיי האבן געוואוינט, וואו אלץ זיי האבן משמש געווען ברבנות, אין קורצן, זייער לעבנס ביאגראפיע, און עטליכע קליינע מעשה'לעך. און אזוי ווייטער און ווייטער, אזוי אויך ברענגט ער צו מאפעס פון איבעראל, כדי מען זאל וויסן אפ' היינט וויאזוי צו דערגרייכן אהין.

בעיקר, איז עס א געוועלדיגע אויפטוה, ווייל ענדליך איז איינער ארויסגעקומען מיט א גענויען סדר, ווער און וועמענס תלמיד יעדער איז געווען , אזוי אז די יונגווארג זאלן האבן עפעס א מושג, וויאזוי די תורה און חסידות איז אריבער פון איין רעבי'ן צום צווייטן. פון איין דור צום קומענדיגען. און אביסל האבן א אהנונג אין די הייליגע שטעטלאך און דערפעלאך ווי אונזערע רבי'ס און אור עלטערען האבן געדינט דעם בורא.

מיללער · דאנערשטאג יוני 14, 2007 9:48 am

'איש חסיד היה'
א בוך איבער דאס לעבן אין שאפן פון הרה"ח ר' אברהם יעקב הכהן גלאנצער ע"ה מנאמני מרן רביה"ק מהר"י מסאטמאר זצ"ל ואח"כ אצל מ"מ מהר"ם ט"ב זצ"ל הברך משה מסאטמאר.

דער בוך איז אויף אידיש זייער אינטערעסאנט סיי פון א ביאגראפישען שטאנדפונקט (פאר איי-וועלט פאנאטיקער איז זיין זיידע ר' אברהם מאיר הכהן בעל אגם מים ארויסגעקומען אויף אמעריקא בשנות התר"ע מיט די גוהייסטונג פון זיין רבי דער צבי לצדיק פון בלאזשוב און אפאר חדשים דערויף איז ער דא נפטר געווארן ומנו"כ פה) און אויך פון א היסטארישע פערספעקטיוו איבער זיינע מיטמאכענישען און שפעטער זיין עסקנות פאר סאטמאר בכלל און פאר קרית יואל בפרט.

farshlufen · מאנטאג סעפטעמבער 05, 2011 1:42 pm

רב מיללער, לעזט צוויי תגובות ארויפציר.

מיללער · דאנערשטאג יוני 14, 2007 9:48 am

farshlufen האט געשריבן: רב מיללער, לעזט צוויי תגובות ארויפציר.

גערעכט, נישט באמערקט ושבשתא כיון דעל על

פריילאך · דאנערשטאג דעצעמבער 10, 2009 8:45 am

למעשה האט זיך די וועלט פון אידישע ביכער שטארק פארברייטערט לעצטענס, עס קומען ארויס גאר זאכליכע ביכער, סיי פאר די קליינע און פאר די גרויסע, שפאנענדע און נישט אזוי שפאנענד, תורה'דיג און מוסר'דיג א.א.וו.

אנומעלט האב איך געזעהן אין געשעפט אז די באנקאנטע שמועסן ברוך און בערלפון די מעלות אויסגאבע, איז געדריקט געווארן אין הערליכן ספר, די שמועסן פון ברוך און בערל איז מלא ידיעות און היסטאריע בדרך שאלות ותשובות, וואס באמת איז גאייגענט פאר ערוואקסענע אויך.

(באמערקונג: די ביכל האט נאך נישט די שמועסן פון ציונים, קומעניזם וכו' עס איז בעיקר שבת ויו"ט און מצות..)

אויך האבן זיי בארייכערט דעם ביכל מיט בילדער פונעם באקאנטען גדי פולאק.

----

די עולם ווערט געבעטן צוצולייגן נאך ביכער און אייערע מיינונג דערויף

טהור-עיניים · זונטאג יולי 22, 2007 1:29 pm

א גרויסן יישר כח ר' פריילאך פארן עפענען דעם אשכול, איך האף אז עס וועט ווערן א רייכער אשכול מיט אינפארמאציע איבער אלע נייע ביכלעך וועלכע קומען ארויס.

אויף דעם יעצטיגן ביכל וואס דו ברענגסט דא מוז איך זיי גראטולירן פארן דאס ארויסגעבן, שוין יארן האב איך געהאלטן אז עס איז א גוטער זאך, און איך האב שוין זאגאר אמאל געזאגט פארן מעלה אליינס אז ער זאל דאס טוהן, די ברוך און בערל שמועסן זענען לדעתי פון די געלונגענסטע קאלומס אין דעם מעלות, און עס איר מלא היסטאריע און רייכע הלכה'דיגע און השקפה'דיגע ידיעות וועלכע זענען גאר אינטערעסאנט און אויך וויכטיג פאר יעדן איינעם, יונג און אלט, מענער און פרויען.

זאל זיי דער אויבערשטער שיקן אסאך הצלחה.

ים רויבער · דאנערשטאג פעברואר 03, 2011 2:13 pm

איך האב מיר זייער געפרייט דערצו, אין אפי' שוין געקויפט פאר מיין קליינע ברודער פאר א חנוכה מתנה, אבער לדעתי וואלטן זיי געדארפט צוצייכענען מקורות עכ"פ אויף וויפיל ס'שייך

יוסף שרייבער · מוצ"ש אקטאבער 23, 2010 4:24 pm

ים רויבער האט געשריבן: איך האב מיר זייער געפרייט דערצו, אין אפי' שוין געקויפט פאר מיין קליינע ברודער פאר א חנוכה מתנה, אבער לדעתי וואלטן זיי געדארפט צוצייכענען מקורות עכ"פ אויף וויפיל ס'שייך

הייסט עס אז ברידערס קויפן אויך חנוכה מתנות? פארוואס קויפען נישט מיינע ברידערס?

געדאנקן · זונטאג יאנואר 08, 2012 9:40 pm

פריילאך האט געשריבן: למעשה האט זיך די וועלט פון אידישע ביכער שטארק פארברייטערט לעצטענס, עס קומען ארויס גאר זאכליכע ביכער, סיי פאר די קליינע און פאר די גרויסע, שפאנענדע און נישט אזוי שפאנענד, תורה'דיג און מוסר'דיג א.א.וו.

אנומעלט האב איך געזעהן אין געשעפט אז די באנקאנטע שמועסן ברוך און בערלפון די מעלות אויסגאבע, איז געדריקט געווארן אין הערליכן ספר, די שמועסן פון ברוך און בערל איז מלא ידיעות און היסטאריע בדרך שאלות ותשובות, וואס באמת איז גאייגענט פאר ערוואקסענע אויך.

(באמערקונג: די ביכל האט נאך נישט די שמועסן פון ציונים, קומעניזם וכו' עס איז בעיקר שבת ויו"ט און מצות..)

אויך האבן זיי בארייכערט דעם ביכל מיט בילדער פונעם באקאנטען גדי פולאק.

----

די עולם ווערט געבעטן צוצולייגן נאך ביכער און אייערע מיינונג דערויף

א לינק

אידישע וועלט פארומס

נייע ספרים און ביכער אויף אידיש

נייע ספרים און ביכער אויף אידיש

נייע יודישע ביכער