קאנגרעס באשטעטיגט: געענדיגט מיט יאנואר 6!
דאס פעקל האט געדארפט אנקומען צו איר הויז יאנואר 6. זעענדיג דעם דאטום איז איר שלעכט געווארן, און זי האט זיך אנגעהויבן נישט גוט צו שפירן. זי איז געווען געצווינגען צו קענסלען דעם פראדוקט כדי נישט צו דארפן מער זען דעם דאטום.
איר 'לעבנסגעשיכטע' איז באלד פארשפרייט געווארן, אזוי שנעל ווי די קאולע/בילבאורד סטארי, און זי איז גערופן געווארן צו געבן לייוו אינטערוויוס אויף פראמינענטע נייעס סטאנציעס. זי האט לעבעדיג געשילדערט אירע געפילן אז זי האט ממש געהאלטן ביים זיך נעמען דאס לעבן, זי איז אויסגערימט געווארן אלס העלדישע און בראווע פרוי בלויז פארן זיך וועלן נעמען ס'לעבן, אזש זי האט שוין פלענער צו לויפן אויף א זיץ אין קאנגרעס אדער זיך טאקע נעמען דאס לעבן, איינע פון די צוויי פאפולערע אפציעס.
ווי א קייט רעאקציע האבן נאך פילע פרויען זיך געלאזט אינטערוויוען, וואס האבן מיטגעלעבט ענליכע סיטואציעס. אנדערע האבן זיך אויסגעדרוקט אז זינט יאנואר 6 קענען זיי נישט געהעריג שלאפן ביינאכט נאכן שלאפן א גאנצן טאג, אנדערע האבן פראבלעמען אז דאס עסן קומט ארויס א טאג שפעטער, אבער עס האט זיך ארויסגעוויזן א שרעקליכער בילד, אז גאר אסאך אמעריקאנער - בעיקר טונקלהויטיגע איבערוואגיגע פרויען - ליידן פון יאנואר 6 קאשמארן.
א באריכט ווייזט נאך מער, אז די סימפטאמען דערקענט זיך אמערסטנס ביי פול טיים CNN וואטשערס, ווי אויך ביי מענטשן וואס זענען פול טיים אנעמפלויד און האלטן אז ביידן האט געמאכט א גוטן דזשאב אין אפגאניסטאן.
פאוטשי אייסערט זיך אז זיין וואקסין העלפט אויך קעגן דעם גייסטישן מחלה. וויבאלד די קעפיטאל ראיאטן זענען געווען א דירעקטע רעזולטאט פון טראמפ'ס 2020 פארלוסט, וואס איז א דירעקטע רעוזלטאט פון קאוויד. אבער אין פאקט זענען די שפיטאליזאציעס אין גייסטישע אנשטאלטן ביי מאקסימום קאפאציטעט אין בלויע שטאפלען, און מען האט נאר געזען די גייסטישע סימפטאמען ביי וואקסינירטע.
"די נומערן זענען שוידערליך" זאגט א צופימפלטע פרוי פון ווערמאנט, ווי ווען גאנץ אמעריקע וואלט געווארט אויף איר באשטעטיגונג. די פחד איז גרויס אז די צאל אנגעשטעקטע וועט ערגער ווערן, מי יודע מה יולד יום.
אויפ'ן רוף פון פעלאוסי און אנדערע מצורעים און מכשיפות פון וואשינגטאן וואס וואלטן קיינמאל נישט געטראפן קיין דזשאב ווען נישט קאנגרעס, האט קאנגרעס אנגעהויבן אריינצוקוקן אין לעזונגען וויאזוי אפצושטעלן דעם מגיפה און ברענגען א סוף צום יאנואר 6 קאשמאר.
"ווער נעמט אחריות אויב נאך איינער וועט באגיין זעלבסטמארד, נאר ווייל עמאזאן וועט באשליסן צו דעליווערן איר פעקעדזש יאנואר 6?" פרעגט קאנגרעספרוי קארטעז פארשוויצט, ביי א פרעסע קאנפערענץ אויף די טרעפ פון קעפיטאל הילל וואו זי איז זעלבסט ערמארדעט געווארן בשעת די קעפיטאל ראיאטן. "בעסער סעיף ווי איידער נארמאל" פירט זי אויס איר ענדגילטיגער לעזונג.
א צווייטע טונקעלע קאנגרעספרוי האט צוגעשטימט צו אירע ווערטער, זאגנדיג "דאטומען זענען ראסיסטיש, היסטאריע איז ראסיסטיש, די וועלט איז ראסיסטיש, און מיר זענען אלע ראסיסטן" ווען אלע קאנגרעס מיטגלידער פאטשן מיט די הענט אויף אירע דברי חכמה וואס קיינער האט נישט פארשטאנען.
איין קאנגרעסמאן, וועלכער שטאמט פון דורי דורות געשוואלענע שוטים, איז אויפגעקומען מיט א לעזונג, וואס איז אויפגענומען געווארן מיט עקסטאז דורך אלע דעמאקראטן.
ער שלאגט פאר, מען זאל פשוט ארויסנעמען דעם טאג פון קאלאנדאר. גוגל קאלאנדער וועט פשוט אויסלאזן יאנואר 6 פון היינט און ווייטער. ארויס מיט'ן דאטום, דאס יאר וועט זיין קלענער מיט א טאג.
נאך איידער מען האט געהאט צייט צו טראכטן וואס ער זאגט, האט מען שוין דורכגעפירט אן אפשטימונג און עס איז באשטימט געווארן ארויסצונעמען דעם טאג פון יאר. סענאטאר מענשין האט געשטויסן מיט די פיס דערקעגן, אבער העריס האט געגעבן א לאלי און ער איז שוין געזעצן שיין.
נאכן אפשטימונג האט זיך אנגעהויבן אן ערנסטע דעבאטע אויב מ'זאל עס שוין קובע זיין פאר 2022 אדער הערשט פאר 2023, למעשה האט מען געמאכט א פשרה אז ס'הייבט זיך אן 2021.
ווי עס שיינט, וועלן מענטשן וואס זענען געבוירן אין דעם טאג פשוט ווערן געקענסלט, אזוי אויך מענטשן וואס זענען אין דעם טאג געשטארבן וועלן צוריק ווערן לעבעדיג און מ'וועט קענען שטימען אויף זייער נאמען אין די קומענדיגע פרעזידענט וואלן.
ס'איז נאכנישט קלאר אויב מ'גייט גיין גראד צום נעקסטן טאג אדער ס'גייט בלייבן א טאג אן א דאטום. די גוטע נייעס איז אז פארקינג טיקעטס אין דעם טאג וועלן נישט עקזיסטירן. דאס זעלבע מיט קרימינאלן וואס האבן עפעס דורכגעפירט אין דעם טאג וועלן באפרייט ווערן כאילו ס'וואלט קיינמאל גארנישט פאסירט.
עס איז נאך אונטער דעבאטע אויב די קעפיטאל ראיאטן האבן בכלל אמאל פאסירט אדער נישט, וויבאלד אזא טאג ווי יאנואר 6 עקזיסטירט מער נישט. א פוקס אנאליסט האט לעצטנס באשטעטיגט אז ניכרים דברי אמת, און כאטש ס'איז נישטא קיין ערשטע האנטיגע באווייזן, איז דעתו נוטה אז די עיקרי הדברים האבן יא פאסירט.
טראמפ סטראשעט אז אויב די פלענער ווערן באשטעטיגט וועט דער גאנצער מאנאט פון יאנואר גערופן ווערן יאנואר 6. געענדיגט מיט יאנואר. יאנואר 10 וועט פון היינט און ווייטער זיין יאנואר-6 10.
די גרעסטע צומישעניש גייט זיין מיט ניטל, יעדער חצר גייט האבן פארשידנארטיגע מנהגים ווען מען זאל קובע זיין דעם נייעם ניטל. אבער דאס איז זיכער אז אויב טראמפ וועט איינפירן א חודש פון יאנואר 6 גייט זיין א לאנגער בין הזמנים פון גאנץ חודש יאנואר 6.
מער שפעקולאציעס וועלן נאכפאלגן דורך ק.צ.נ. [קרעטשמע צוויבל נייעס] פראגראם, ניטל תשפ"ב, געספאנסערט לרגל די שמחה בבית @לכאורה.