אסתפקתא במשנת האדמו"ר מסאטמאר זי"ע
ווי אסאך ווייסן דא בין איך נישט אויף געוואקסן אין די סאטמארער חדר (בין איך איינער אליינס דא?), און ממילא ווען איך האב נעכטן מיטגעהאלטן די היציגע דעבאטע דא איבער דער נושא פון די ציוניסטישע צערעמאניע פאר די קדושים הי"ד און די דגלים וכו'... האב איך אייך אלע אראפ געקוקט ווי איר זענט געפאלן פון די לבנה. ספעציעל ווען איך האב געליינט א תגובה אויף ה"פ (כ"ה כולו) פון איינע פון די שטוב מענטשן פון די תוא"י רבי[, האב איך געזעהן אז זיי האלטן אויך אזוי (אויב ס'אמת וואס ער זאגט). אבער מיט דעם אלעם האב איך געפילט אז איך זאל נישטאריין רעדן אין דער נושא, וויבאלד איך פארשטיי אייך נישט, און ווען איך וואלט ווען אויף געוואקסן מיט די שיטות פון די סאטמארער רבי זצ"ל וואלט איך אפשר געהאלטן די זעלבע, און אויב נישט וואלט איך געהאט א רעכט זיך צו טענה'ן. אבער וויבאלד איך בין נישט אויף געוואקסן מיט די שיטות, פארשטיי איך ענק נישט און איר וועט מיר נישט פארשטיין.
אלזא איר וועט מן הסתם אלע מסכים זיין אז עס איז געווען א קלוגע שריט מצידי פארן זיך נישט אריין מישן אין די שמועס.
יעצט למעשה ווען די געמיטער הייבן זיך שוין אן צו בארואיגן וויל איך שטעלן אן אסתפקתא וואס איך האב געהאט נעכטן און איך בעט אז ווער עס האלט אז ער פארשטייט גוט די שיטה פון די סאטמארער רבי זצ"ל זאל מיר ענטפערן דערויף בטוב טעם ודעת.
ווי געוויסע באריכטון גיבן איבער האט די מדינת ישראל געשיקט זייערע קאמאנדאו יוניטס און מוסד אגענטן אז זיי זאלן זיין גרייט אויסצופירן אן אקציע צו ראטעווען די אידן אין די חב"ד הויז. למעשה האבן זיי קיינמאל באקומען די די גרינע לייט צו דורף פירן די אקציע און עס איז נישט צושטאנד געקומען. וואס וואלט די רבי זי"ע געהאלטן אין אזא פאל? וואלטן די בני המשפחה געדארפט זיך אקעגן שטעלן און נישט צולאזן די מדינה אדורך פירן די אקציע? למעשה איז עס קלאר אז אזא אקציע וואלט נאר פארשטערקערט זייער כוחי ועוצם ידי טענה, און זייערע כפירה בשם! און זייער מרידה באומות!
לאמיר זאגן אז די אקציע איז שוין אדורך געפירט געווארן, מעג די פאמיליע עס אנערקענען און זיך באדאנקען דערפאר? אדער דארפן זיי גאר מוחה זיין אויף זייערע כפירה און גאוה ומרידה בה'?
איך פארשטיי אז עס איז נישט הלכה למעשה אבער דאך תורה היא וללמוד אני צריך.
.