מה בין שי"ר מפראג לרצ"ה חיות מזאלקאווא

ברוקלין · זונטאג אקטאבער 18, 2009 1:53 pm

ר' שלמה יהודה הכהן ראפאפורט, נולד בפולין בשנת תק"נ. חתנו של הקצוה"ח ז"ל זי"ע. בשנת תקצ"ז נתקבל לאב"ד טורנפול, בשנת ת"ר נתקבל לאב"ד פראג ושימש שם ברבנות עד פטירתו בשנת תרכ"ח.

בשנות נעיריו כשהיה דר בפולין, היה נחשב כחצי משכיל והיה מתנגד לחסידים. אח"כ כשנעשה אב"ד פראג שכבר היה עיר עם כמה מתחדשים, לחם נגדם ונגד המשכילים והרעפאמער באשכנז.

farshlufen · מיטוואך דעצעמבער 30, 2009 1:13 pm

ברוקלין האט געשריבן: שלמה יהודה הכהן רפאפורט, נולד בפולין בשנת תק"נ.
בשנות נעוריו כשהיה דר בגאליציע, היה נחשב כחצי משכיל

מראשי המשכילים בגאליציע, תירגם שירים אייראפאים וכתב תולדות קורות ישראל, בשנת תקע"ו ניתן בחרם - עם שלש חביריו המשכילים: בנימין צבי גאטקיש, יצחק צבי ערטער ויהודה ליב פאסטאר - ע"י הישועות יעקב, בשנת תקצ"ז נתקבל בהשפעת המשכיל יוסף פערללאב"ד טורנפול, ובשנת ת"ר נתקבל לאב"ד פראג דאז.

מיללער · דאנערשטאג יוני 14, 2007 9:48 am

שי"ר איז פארבליבען נחשב אלס איינע פון די ראשי המשכילים וועלכע זענען געבליבען ארטאדאקסיש וואס איז כמובן געווען א גרעסערען חורבן.

עס איז אינטערעסאנט אנצומערקען די ווערטער פון מהרש"ק בתשובותיו אודות רמ"ד וחיבוריו איז דאס וואס יענער פרעגט אים הלמאי די ערליכע זענען אזוי שארף דערקעגן ער איז דאך געווען מתלמידי היעב"ץ, זאגט דער גאון ר' שלמה קלוגער צווישען אנדערע אז דאס איז קיין ראי' נישט, אמער וויפיל רשעים כהיום זענען תלמידים פונעם נודע ביהודא, ליידער אזוי איז עס געווען די ראשי המשכילים זענען דייקא געווען תלמידי חכמים אבער חכמים היו להרע.

ברוקלין · זונטאג אקטאבער 18, 2009 1:53 pm

הרב פארשלאפען והרב מילער, איך הער וואס איר זאגסט; גם ר' שלמה קליגער מבראד יצא כנגדו בתוקף, (שי"ר שהה איזה זמן בבראד).

מאידך גיסא איז דא בריווען פין עם נגד הריפארמער מהשנים כשהיה אב"ד פראג. גם הלך עם חתימת זקן ארוך... גם ידוע שהחת"ס זי"ע העריכו אותו במקצת (עי' מזה ב"תולדות משפחת ראזענטאהל").

ער איז געווען א נאנטער חבר עם המהר"ץ חיות זצ"ל, שפעטער איז דער מהר"ץ חיות געגאנגען מער רעכטס אין שי"ר איז געגאנגען מער לינקס. למעשה האב איך א "פילינג" אז מ'האט עם נישט געהאלטען ווי רמ"ד וכ"ש נישט ווי אהרן חארינער ח"ו.

מיללער · דאנערשטאג יוני 14, 2007 9:48 am

אוסף תמונות של שי"ר בבלוג אן די מעין ליין

הרב מברוקלין, איז דען נישט גענוג דאס אז דער ישועות יעקב האט אים מחרים געווען? אדער אז ער איז געווען א תלמיד פון קרוכמל און א חבר מיט די גרעסטע משכילים בדורו?

ברוקלין · זונטאג אקטאבער 18, 2009 1:53 pm

איך הער. למעשה ווערט שי"ר ארפגעברענגט אמאל אמאל אפילו אין היימישע פלעצער, איינמאל אפילו אין די סאטמערע "עולת החודש" תשל"ח בענין הגולם מפראג (ששי"ר "טען" שלא היה ולא נברא). קיק דא

ברוקלין · זונטאג אקטאבער 18, 2009 1:53 pm

הגאון ר' אברהם ברודא (פין די גרעסטע ראש ישיבות אין זיין צייט, גם היערות דבש למד בישיבתו) איז נישט פין בראד?

אויך ר' שלמה קליגער איז געווען רב? אין בראד.

ביקסאד · זונטאג מאי 25, 2008 7:00 pm

מה בין המהר"ץ חיות לשי"ר ?

איטשע · מאנטאג יולי 09, 2012 12:04 pm

ביקסאד האט געשריבן: מה בין המהר"ץ חיות לשי"ר ?

שי"ר איז געווען אן ערשט קלאסיגע משכיל!
להבדיל:
מהר"ץ חיות איז בכלל נישט געווען קיין משכיל (ס"ה אביסל מער מאדערן ווי די חסידים יענע צייט).

מאטקע · מאנטאג יולי 09, 2012 5:24 pm

ביי אונז חרדים איז אזוי אנגענומען, אבער דאס איז זייער נישט קלאר וואס דו טענה'סט ר' איטשע.

Shiala · מאנטאג יולי 09, 2012 10:00 pm

מאטקע , איטשע , ר' יענקעלע מ'פשעווארסק האט אויף אים געזאגט משכיל מער ברויך מיר נישט

farshlufen · דינסטאג יולי 10, 2012 10:10 am

שיעלע, דאס איז דאך אלס בעלז אויס, ואין מזה ראי' כלל.

יוסף שרייבער · דינסטאג יולי 10, 2012 2:55 pm

די בעלזער קפידה איז נישט געווען מכוח זיין משכילות.

Shiala · זונטאג אפריל 15, 2012 1:16 am

וואזע איז געווען די בעלזע קפידה?

יוסף שרייבער · מוצ"ש אקטאבער 23, 2010 4:24 pm

מכוח זיין מחלוקת מיט מרן השר שלום.

איטשע · דאנערשטאג יולי 12, 2012 6:27 am

מאטקע האט געשריבן: ביי אונז חרדים איז אזוי אנגענומען, אבער דאס איז זייער נישט קלאר וואס דו טענה'סט ר' איטשע.

די שאלה איז וואו איז דאס "אונז חרדים"!
מען לערנט מהר"ץ חיות אין גרויסן אין רוב חסידישע ישיבות, דער מהר"ץ חיות איז געווען קלאר אנגענומען ביי "אלע" היימישע גדולי ישראל בשעתו, ווי דער ישועת יעקב וכדומה, ער איז זיך ס"ה נישט אויסגעקומען מיט חסידים.
אוי! נאך א זאך, דאכט זיך ער איז געווען אביסל א שוטודירטע אויך, נא! דער ערוך לנר איז געווען היבש מער שטודירט ווי עם....
להבדיל! שי"ר איז געווען א משכיל'ישע אויסווארף...

msp · דאנערשטאג יולי 12, 2012 7:10 am

אין נחשוני - רעזמיוועש בוך אויף דעם חתם סופר איז דא גאר אנ' אינטערעסאנטע קאפיטעל וועגען מהר"ץ חיות

יגעתי ומצאתי · מאנטאג יאנואר 31, 2011 5:02 pm

איטשע האט געשריבן: אוי! נאך א זאך, דאכט זיך ער איז געווען אביסל א שוטודירטע אויך, נא! דער ערוך לנר איז געווען היבש מער שטודירט ווי עם....

קיין דמיון נישט, סיי במקום און סיי בזמן. דער ערוך לנר וואלט קיינמאל קיין רב נישט געווארן (בגרמני') אן שטודירן.

מהרצ"ח איז געווען א חדשן, ער האט זיך נישט געשראקן אויפצוטוהן נייע זאכן, אבער די ראשונים זענען געווען ביי אים הייליג און טייער מיט וואס ער האט זיך גערעכנט. משא"כ שי"ר, שי"ר איז געווען א ריכטיגע משכיל, און מעגליך אפילו א מעסיגע רעפארמער.

מיללער · דאנערשטאג יוני 14, 2007 9:48 am

דער הייליגער חת"ס דאכציך שרייבט זייער שיין איבער דעם מהרי"ץ חיות, איבער וועם מיר פארמאגן אן אשכול מיוחד:
viewtopic.php?p=224903#p224903

איטשע · דאנערשטאג יולי 12, 2012 12:18 pm

http://www.hebrewbooks.org/pdfpager.asp ... t=&pgnum=3

האט איר ווי הג"ר שלמה קלוגער רופט עם בתואר "ידידי"!

יגעתי ומצאתי · מאנטאג יאנואר 31, 2011 5:02 pm

טיטולען מיינט נישט קיין סאך, דער חת"ס שרייבט אויך שיינע טיטלען אויף שי"ר כידוע.

אבער וואס דארפן מיר מער, מען זעהט וואספארא דורות די צוויי (להבדיל וכו') האבן איבערגעלאזט זעהט מען די חילוק...

מיללער · דאנערשטאג יוני 14, 2007 9:48 am

יגעתי ומצאתי האט געשריבן: טיטולען מיינט נישט קיין סאך, דער חת"ס שרייבט אויך שיינע טיטלען אויף שי"ר כידוע.

אבער וואס דארפן מיר מער, מען זעהט וואספארא דורות די צוויי(להבדיל וכו') האבן איבערגעלאזט זעהט מען די חילוק...

וועלכע צוויי?

איר מעסט גדולים דורך זייערע דורות? וויי איז מיר

חכם לב · דאנערשטאג יולי 05, 2012 4:03 pm

מיללער האט געשריבן:

יגעתי ומצאתי האט געשריבן: טיטולען מיינט נישט קיין סאך, דער חת"ס שרייבט אויך שיינע טיטלען אויף שי"ר כידוע.

אבער וואס דארפן מיר מער, מען זעהט וואספארא דורות די צוויי(להבדיל וכו') האבן איבערגעלאזט זעהט מען די חילוק...

וועלכע צוויי?

איר מעסט גדולים דורך זייערע דורות? וויי איז מיר

דער עוללות אפרים שרייבט אויף א פלאץ, אז שלעכטע פרוכט ווייזט נאכנישט אז דער בוים איז נישט גוט, ווייל פון א גוטן בוים קען אויך וואקסן פארדארבענע פירות, משא"כ א בוים וואס איז נישט גוט, איז בהכרח אז ס'וועט וואקסן שלעכטע פרוכט.

כלפי מה הדברים אמורים? ווען מ'זעט ווי פון צדיקים קומען ארויס שלעכטע פירות, ווייזט דאס נאך גארנישט אויף זיי, מען דארף דן זיין לפי מהותו און נישט לויט די קינדער

farshlufen · דאנערשטאג יולי 12, 2012 4:35 pm

לויט די תלמידים מעג מען מעסטן?

אייזיק מאיר ווייס ימ"ש, האט פארקויפט כי הי' תלמידו של שי"ר, הגם לויט לעססער איז עס א פאלנער שקר
אלעקסאנדער קאהוט צווישן אנדערע געדינט אלס סעקרעטאר ביי דעם קאנגרעס תרכ"ט אין אונגארן הי' תלמידו אא"וו

חכם לב · דאנערשטאג יולי 05, 2012 4:03 pm

אודאי נישט, אסאך גדולים האבן געהאט תלמידים וואס האבן נישט געטויגט (דוגמא, עי' בכונת הלב פ' תצא מתלמיד הנו"ב שנשתמד ונעשה כומר) .

צו איז דען פון רבי'ן זי"ע נישט פארפאלן געווארן אסאך תלמידים נאך די קריג? זיכער אז יא, איך האב אמאל באגעגענט אזא איינעם פאר יארן צוריק, פארנדיג אויף א פליגער קיין ארץ ישראל, איז געזעצן נעבן מיר איינער וואס האט אויסגעזען ווי א פאלנער גוי, ער בליקט אזוי אריין אין דעם ספר וואס איך האב געקוקט, און זאגט מיר אויף ענגליש (נישט איבערצוזאגן עפ"ל), און נאכדעם זאגט ער מיר אויף אידיש "איך האב אויך אמאל געלערנט די זאכן" פרעג איך אים, וואו האסטו געלערנט, ענטפער ער "אין סאטמאר ביי ר' יואל'יש"!

אבער דער אמת איז אז געווענליך די צדיקי אמת און די אמת'ע גדולים האבן געהאט רובם ככולם ערליכע תלמידים און גוטע דורות, נאר דא דארט האט זיך פארוואלגערט אזעלכע וואס האבן נישט געטויגט, און די וואס זענען נישט געווען ערליך האבן בדרך כלל געהאט נישט גוטע דורות און נישט ערליכע תלמידים.