ענליך צו וואסס'איז נעכטן געווען באריכטעטאויף א אינטערנאציאנאלע פלייט, איז היינט באריכטעט אז אזא מעשה האט זיך אפגעשפילט פעברואר 7 אויף א אמעריקען עירליין פליגער פון נעשוויל קיין לאס אנדזשעלעס, ווען איינער האט זיך געכאפט אינמיטן די רייזע אז ס'זיצט א פאסאדזשיר אן קיין בילעט און אן אן דעם וואס זי זאל האבן דורכגעגאנגן די ID סקרינינג ביי די TSA די TSA זאגט אין א סטעיטמענט אז די פרוי האט פיזיש איבערגעהיפט א אומבאוואכטע צוים אדורכצושפרייזן די סעקיוריטי טשעקפוינט, אבער זיי האבן קלאר געמאכט אז די גליטשיגע פישל'קע און אירע פעקלעך זענען יא אדורך די געווענליכע סעקיורטי סקרינינג פון די TSA די עירליין האט נישט געגעבן קיין ערקלערונג וויאזוי זי איז אנגעקומען אויפן פליגער אן קיין באורדינג פעסס, נאר האט געזאגט אז זי קאאפערירט מיט פעדעראלע איסטאנצן אין די אויספארשונג לויט באריכטן איז זי ארעסטירט געווארן דורך די FBI ביים אנקומען אין לאס אנדזשעלעס.
#אמעריקען #BNA #LAX -- פארראכטן פאר די ריכטיגע דאטום צו פעב. 7
קאנאדישע געריכט: עיר קאנאדע דארף נעמען אחריות אויף די אינפארמאציע וואס די chatbot האט געגעבן די עיליין וועט דארפן באצאלן די דיפערענס אין פרייז פון א טיקעט וואס א פאסאדזשיר האט געקויפט אויפן סמך פון AI
די שמועס צווישן דעם פאסאדזשיר און די AI ראבאט דא איז איבער אן אזוי גערופענע Bereavement Fares וואס געוויסע עירליינס אפפערן פאר מענטשן וואס קלאגן נאך די טויט פון א נאנטן ל"ע. עס פלעגט זיין א מער פאפולערע זאך צווישן עירליינס צו האבן א ספעציעלע ראטע פאר אזעלכע פעלער, צוליב דעם וואס אסאך מאל דארפן מענטשן מאכן לעצט-מינוטיגע טראוועל פלענער אין אזעלעכע שווערע סיטואציעס. כהיום איז עס געאפערט ביי ווייניגער עירליינס, אבער עיר קאנאדע איז צווישן די געציילטע וואס האבן אזא ראטע. דער קאנאדישער מאן האט געפרעגט פון דעם כמו-מענטש, אויב ער קען אליינס רעזערווירן א געהעריגע טיקעט אנליין און שפעטער צוריקבאקומען א ריפאנד אויף די דיפערענס פאר די ביליגע ראטע, אויף וועלכע די אויטאמאטישע ענטפער איז געקומען אז יא. למעשה, ביים פרובירן צוריק צו באקומען די פארשריבענע ריפאנד, האט די עירליין געזאגט אז זייער פאליסי איז קלאר אז מ'מוז בעטן די fare אויף די טעלעפאן פון א רעפרעזענטעטיוו ביים באשטעלן די טיקעט. זעהט זיך אויס אז מ'רעדט פון גענוג א באדייטענדע סומע, אז ס'האט זיך געלוינט פאר דעם מענטש און פאר די עירליין צו מאכן א געראטשקע איבער דעם, און אזוי האט די ויכוח געמאכט איר וועג צום געריכט, און עווענטועל געפירט צום פסק אז די חיוב חינוך אז דער באט'עלע זאל רעדן צום זאך ליגט אויף די עירליין און במילא זענען זיי אחריות צו באצאלן די חילוק אין פרייז. די ruling קען האבן א ברייטע עפעקט אויף אסאך ביזנעסער בכלל, אינדערצייט וואס AI ווערט מער און מער מענטשליך, און אזא פאל קען פאסירן אין סיי וועלכע אינדוסטריע. איך האב זייער געוואלט רעדן מיט עיר קאנאדע'ס טשעט-באט, אבער איך קען עס נישט טרעפן אויף זייער וועבסייט, איך וואונדער מיך אויב זיי האבן אים געצויגן אין א זייט איבערצושמועסן די נושא, און זיי וועלן אים נאר צוריקלייגן ווען זיי מאכן זיכער אז ער ווייסט וויאזוי זיך אויפצופירן צווישן מענטשן...
#עיר_קאנאדע
די עיר קאנאדע צענטער אין מאנטריאלע לופטפעלד (YUL)
Air_Canada_HQ.jpg (398.01 KiB) געזען 1857 מאל
איך שרייב ווייל איך קלער אז איר וועט האבן פארגעניגן פון דאס געשריבנס. ביטע לייקט בכדי מיר צואוויסן צו טאהן אז ס'איז ווירקליך אזוי. דאנקע!
מיט מער נייעסער דורך די וויקענד וואס מיר האבן די זכיה נישט צו קענען נאכיאגן צוליב דעם וואס מיר זענען פארנומען יענסצייט להתענג על ה' בנשמת כל חי וגם נעריצך, וועלן מיר מאכן א שנעלע מאסף כל המחנות תגובה און שענקען בלויז צוויי-דריי שורות פער נייעס בלויז בכדי עס צו "קאווערן". און אזוי וועלן מיר קענען אנהייבן די וואך מיטן רעכטן פיס, אן טרעק מיט די פרישע נייעסלעך וואס שטראמען אריין.
זונטאג סך הכל.jpg (104.03 KiB) געזען 1682 מאל
האוואאי עירליינס שעירהאלדערס האבן געשטימט פאריגע וואך צו אפראוון די אויסקויף פון די עירליין דורך אלאסקע עירליינס. די צוויי עירליינס וואס דאמינירן איטליכס זייער טעריטאריע פון די פאראייניגטע שטאטן רעדן שוין א לענגערע צייט פון די מערדזשער וואס וועט זיי שטעלן אלס א שטארקע קאמפעטישן אין די אמעריקאנע מארקעט, און דאס איז געווען א ערנסטע סטעפ פאראויס. אבער ס'וועט נאך דויערן פון א יאר ביז אנטערהאלבן פאר רעגירונג אפראוולס און נאך. --- ביליאנער Carl Icahn האט אריינגעשטעלט צוויי פון זיינע חברה אין די דזשעט בלו באורד נאך וואס ער האט זיך איינגעהאנדלט א 9.9 פראצענטיגע שעיר אין די קאמפאני. דער 88 יעריגער ניו יארקער ביליאנער - וועמענס נאמען מיר קענען פון די Ichan Stadium אריבער די צוים פונעם טרייבאראו ברידזש - האט שטארקע קאנפידענץ אין די עירליין, און צוויי פון זיינע ראטגעבער זענען ארויפגעשטעלט געווארן אויף די עקזעקיוטיוו באורד פון די לופטליניע. ביידע זייטן זענען זייער פרייליך, און האפן אז ס'וועט האבן א גינסטיגע ווירקונג אויף פראפיטעבילעטי. --- דעלטא האט אנאנסירט 22 פרישע רוטס, צווישן זיי א seasonal רוט וואס וועט זיין די נייע לענגסטע דאמעסטיק רוט פון די עירליין. די נייע ווינטער רוט צווישן האנאלולו און באסטאן וועט לויפן אין די קומענדיגע יאר ווינטער חדשים פון נאוועמבער ביז אפריל און וועט פארן איבער 5,095 מייל און איבערנעמען די אויבן-אן פון די JFK-האנאלולו רוט וואס איז יעצט די לענגסטע מיט 4,983 מייל. --- די קאוויד startup עירליין Avelo ברייטערט זיך אויס און איז שוין ערווארטעט צו האבן פארדינסטן בקרוב. די עירליין האט אנאנסירט דריי נייע רוטס אין די East Coast ארויס פון זייער hub אין נארט קאראליינע, און זיי האבן זיך געשאפן א ליעס אויף פינף 737 פליגער פון די באנקראטירטע בראזיליאנע GOL לופטלוניע, ארויפברענגענדיג די סייז פון זייער פלאטע צו 16. די ביזנעס-מאדעל פון Avelo איז זייער ענליך צו סאוטוועסט, און זעהט אויס צו זיין אויף די וועג פון סוקסעס. --- עלטערן קלאגן יונייטעד צוליב בראנד-וואונדן פון קינד געשאפן דורך הייסע inflight meal. אויף א פלייט פון תל אביב קיין ניוארק, איז מיכל פעפערמאן (היימישע נאמען) געפארן מיט איר 6 יעריג קינד ווען א פלייט אטענדענט האט דערלאנגט די פארציע אויף די tray-table פון די מאמע, אבער די באשולדיגונג לויטעט אז די טישעלע איז געווען פעלערהאפטיג און דאדורך האבן זיך די מאכלים אראפגעגליטשט אויפן שויס פון די זעקס יעריג קינד. דאס קינד האט געליטן ערנסטע וואונדן פון זיך אפבריען און די עראפלאן האט נישט פארמאגט די נויטיגע סופלייס צו באהאנדלן אזעלכע וואונדן. די עלטערן קלאגן יעצט די עירליין מיט די טענה אז די טישל איז געווען פעלערהאפטיג, די עסן איבערגעהייצט און די פליגער אומאויסשטאפירט, פירנדיג דאס קינד צו ליידן די פאלגנדע:
"disfigurement, scarring, discoloration, neurological deficits, impairment, pain, suffering, mental anguish, emotional distress, inconvenience, humiliation, embarrassment, and the loss of ability to enjoy her life"
הונדערטע לופטהאנזא פלייטס געקענסלט אויף דינסטאג און מיטוואך צוליב סטרייקס טויזנטע פאסאדזשירן זענען אפעקטירט פון די מאסיווע קענסעלעישנס אין רעזולטאט פון די יוניאן-עירליין געפעכט
לופטהאנזא האט גענצליך אפגערופן א מערהייט פון אירע פלייטס אויף די צוויי טעג דורכאויס וועלכע כמעט איר גאנצע ארבעטס קראפט וועט זיך ארויסלאזן אויף די גאסן צום פראטעס פאררופן דורך התאחדות (דאכצעך דאס איז די לשה"ק אפטייטש פון יוניאן). די יוניאן שלאגט זיך מיט די עירליין פארלאנגענדיג א 12.5% פעיראל העכערונג פאר די איינגעשטעלטע אין לופטהאנזאס פארשידענע אפטיילונגען, פון טעכניקער ביז קאסטומער סערוויס אגענטן, סיי ביי די פאסאדזשיר זייט און אויך ביי די קארגא זייט פון די קאמפאני. אין א לעצטע פרואוו אפצוהאלטן דעם סטרייק, האט לופטהאנזא געגעבן איר מאקסימום אפפער פון 10%, אבער די זייטן האבן זיך נישט פארשטענדיגט. די יוניאן זאגט אז זיי האבן אנגעזאגט די ארבעטער צו זיין מער איינגעהאלטן ביים פיקעטן אין עירפארט שטחים וואו לופטהאנזא'ס קאסטומערס - די פאסאדזשירן - געפונען זיך. אבער ווי ס'שטעלט זיך ארויס, קומען נישט קיין פאסאדזשירן צום עירפארט אויב זייער פלייט איז געקענסלט...
#לופטהאנזא
Canceled.jpg (86.12 KiB) געזען 1352 מאל
איך שרייב ווייל איך קלער אז איר וועט האבן פארגעניגן פון דאס געשריבנס. ביטע לייקט בכדי מיר צואוויסן צו טאהן אז ס'איז ווירקליך אזוי. דאנקע!
קו ירוקהאט געשריבן:↑זונטאג פעברואר 18, 2024 1:09 pm
אבימלךהאט געשריבן:↑זונטאג פעברואר 18, 2024 9:32 am
א ערענסטע זיכערהייט אינצידענט האט פאסירט היינט אויף א אל-על פלייט פון טיילאנד קיין בן גוריון לופטפעלד, פיינטליכע עלעמענטן האבן פראבירט איבערצונעמען דעם פליגערס קאמיוניקאציע סיסטעם און עס אוועקדרייען פון איר דעסטינאציע אין אן אנדער ריכטונג. דער עראפלאן האט דערגרייכט איר דעסטינאציע און האט געלאנדעט בשלום מיט 250 פאסאזשירן און שטאב מיטגלידער. די איבערנעמען פרואוו איז פארגעקומען ווען דער עראפלאן איז דורכגעגאנגען איבער א שטח וואו די הוטי רעבעלן זענען אקטיוו.IMG_3346.jpeg
די פילאט איז דאך אינעם קאקפיט פאר א סיבה, ער קען עניטיים אויסלעשן די אוטא-פילאט און אליינס פירען די פליגער, העקערס זענענן שטערקער פונעם פילאט'ס פיזישע קאמענד'ס?!
קאמיוניקאציע מיינט רעדיאו. נישט נעוויגעישן. ווי איך פארשטיי האבן זיי זיך פארגעשטעלט ווי די קאנטראלערס און פרויבירט צו געבן פאלשע אינפאו. פאר א פיילעט איז אזא זאך זייער אויפפאלענד און מ׳כאפט גלייך אז איינער שפילט מיט די ראדיאו.
יעדער קען זיך קויפן א ראדיאו און אריינרעדן! אבער… די ריספאנס פאר אזא פארלעץ איז א שטראף למען ילמדו. דאס איז עפעס וואס יעדע לאנד גייט עד הסוף צו באשטראפן.
היינטיגע ערליינס קענען רופן צו זייער קאמפאני הויפקוואטיר אויפן טעלעפאון (סעטעלייט) אויב מאכט זיך סיי וועלכע אישו מיט די ראדיאו. ווי אויך האבן זיי א אינטערנעל מעסעדש סיסטעם. דער מעסעדש סיסטעם איז שוין געוען אין די צייטן פון 9/11 דאס איז נישט עפעס וואס די הוטיס קען זיך אריינמישן.
נישט לאנג צוריק האט א עכטע קאנטראלער געכאפט א סטראוק, און אנגעהויבן געבן פאני אינסטראקשנס. ס׳האט גענומען זייער שנעל פאר די פיילאטן צו כאפן אז זי רעדט נישט צום דבר. ס׳איז דא העווי טרענונג פאר די סארט סינעריאוס.
דאס איז זיכער אז קיינער קען נישט קאנטראלירן דעם פליגער פון אינדרויסן. די auto pilot איז נישט רימאוט קאנטראלד אויף קיין שום וועג. דאס יא, אז די פליגער שיקט א באריכט צום הויפקוואטיר וואס טוהט זיך אויב עפעס גייט נישט גלאטיג.
ס׳איז אפילו דא א מהלך צו ליסן די ענדשין׳ס פון ראולס ראולס מיט די אפציע אז מען באצאלט נאר לויט די שעה׳ן וואס מ׳ניצט עס, און די פירמע האט א שטאב וואס מאניטארד די ענדשין׳ס לייוו א גאנצע צייט. צומאל קענען זיי אויפכאפן א פראבלעם נאך פאר די פיילעטס ווייסן דערפון!
געוויסע פליגערס קען מען האבן די אויסוואל אויב ס׳זאל האבן GE ענדשינס אדער ראולס ראוס.
צוויי בעלי מחלוקה וואס האבן געווארפן פויסטן אויף א סאוטוועסט פליגער, ווערן פראצעסירט בכל חומר הדין די FAA פארלאנגט די העכסטע געלט שטראף מעגליך לויטן געזעץ
ווידיאוס האבן צירקולירט פאריגע וואך ווי צוויי מענער אויף א סאוטוועסט פליגער שלאגן זיך ארום אויף א ווילדן אופן, און צושויער האבן געדארפט אינטעווינירן זיי פיזיש אפצוטיילן כדי איינצושטילן די געמיטער. מ'האט נישט באקאנט געמאכט די אורזאך פון די קריגעריי אויף די פליגער וואס איז געפארן צווישן קאליפארניע און האוואאי, אבער נאך וואס מ'האט געברענגט די מצב אונטער קאנטראל איז די פליגער ווייטער געפארן רואיג צו די דעסטינאציע אן קיין ווייטערדיגע אינצידענטן. ביים לאנדן, האבן ארטיגע פאליציי פארהאלטן די פארשוינען פאר אויספארשונגען, אבער קיין ארעסטן האבן זיי נישט געקענט דורכפירן, צוליב דעם וואס ס'איז נישט געווען אין זייער יוריסדיקציע. אין רעאקציע צו די אינצידענט האט די FAA געמאלדן אז זיי וועלן פארלאנגן צו אינפארסירן די שטרענגסטע געזעצן מעגליך אנטקעגן די צוויי מחרחרי ריב, וואס דאס מיינט ארויפלייגן די מאקסימום געלט שטראף פון $37,000 פער פייטער. די FAA האט אין די לעצטערע יארן באקומען א ברייטערע כח צו באשטראפן פאסאדזשירן וואס ווילדעווען אויף פליגערס, אין ליכט פון די אויפשטייג אין פאסירונגען אין די קאוויד תקופה, ווען רייבערייען איבער מאסקעס, BLM און לאנדס-פאליטיק זענען אפט ארויס פון קאנטראל.
#סאוטוועסט #OAK #KOA #FAA
א הומאריסטישע אנאנס פון די FAA פאריגן האלאווין חגא פאר א פארשטעלאכץ אויף די מארקעט
FAA.jpg (353.59 KiB) געזען 859 מאל
איך שרייב ווייל איך קלער אז איר וועט האבן פארגעניגן פון דאס געשריבנס. ביטע לייקט בכדי מיר צואוויסן צו טאהן אז ס'איז ווירקליך אזוי. דאנקע!
