א קשיא וואס באדערט מיר שוין לאנג אין כאב מיר היינט ביים ליינען נאכאמאל דערמאנט דערפון, נעמליך ע"פ חשבון וואלט געדארפט זיין מער לוים ווי כהנים ווייל כהנים זענען געווען נאר די קינדער פון אהרן הכהן אין אין מדבר זענען געווען צום מערסטענס פינעף כהנים אין דער צייט וואס די לוים האבן זיך געציילט צוויי אין צוואנציג טויזענט לוים, טא פארוואס איז היינט צוטאגס דא מער כהנים
ים רויבער האט געשריבן:
א קשיא וואס באדערט מיר שוין לאנג אין כאב מיר היינט ביים ליינען נאכאמאל דערמאנט דערפון, נעמליך ע"פ חשבון וואלט געדארפט זיין מער לוים ווי כהנים ווייל כהנים זענען געווען נאר די קינדער פון אהרן הכהן אין אין מדבר זענען געווען צום מערסטענס פינעף כהנים אין דער צייט וואס די לוים האבן זיך געציילט צוויי אין צוואנציג טויזענט לוים, טא פארוואס איז היינט צוטאגס דא מער כהנים
די סיבה איז זעהר פשוט, ווייל אזוי שטיפן זיך שוין אויך א באנדע לוויים, אויף יעדן כהן, ווען עס קומט צו וואשן די הענט צו ברכת כהנים אונזער גאט אין הימל האט רחמנות געהאט אויף זיינע כוהנים, זיי זאלן חלילה נישט צודריקט ווערן אינטער די כאפטע לווים, אין די מאסיווע שטיפעריי.
כ'מיין נישט דיך! אבער אויב מיינסטו אז איך מיין דיך, זאלסטו וויסן אז טאקע דיך מיין איך!!
דער תהילים איד האט געשריבן:
ערשטנס, פארעכט דיין קעפל.
צווייטנס, כהאב אלס געמיינט אז ס'זענען טאקע היינט דא מער לויים. מהיכי תיתי אז נישט?
ערשטנס, ש'כח צווייטענס גיי קוק יעדע מאנטיג אין דאנערשטיג אין ביהמ"ד
אין ווירקליכקייט ווענדעט זיך ווי א מקום. מ'זיכט מער מאל אין די בתי מדרשים א כהן על הדוכן, ווי א לוי צו שני. און אין דער לעצטער פאל זיכט מען אים אסאך מער דרינגענד. וויבאלד קיינער פארגינגט נישט דעם כהן א במקום לוי. און דריטנס, מיר ליגט אין קאפ אז א גרויסע חלק פון די שבט זענען אומגעברענגט געווארן נאך די עגל. ביי די קאמפן מיט די אנדערע שבטים. און דאכצעך מיר אויך ביים טראגן די כלי המקדש.?! די קהת משפחה.?!
כ'מיין נישט דיך! אבער אויב מיינסטו אז איך מיין דיך, זאלסטו וויסן אז טאקע דיך מיין איך!!
פעדער, דאס וואס די לוים זענען גהרגט געווארן נאך די עגל (וואו שטייט דאס? מן הסתם מיינט איר די מלחמה וואס די לוים האבן געפירט מיט די אידן ווען זי זענען צוריקגעגאנגען נאך אהרן הכהן'ס פטירה, וואס רש"י ברענגט צו די וואך) איז נישט גענוג ווייל די וואך פרשת פנחס איז נאך געווען שלשה ועשרים אלף לוים (מבן חודש ומעלה) קעגן איינצעלנע כהנים (וויפיל שטייט נישט).
די זעלבע איבער כלי המקדש, מען האט שוין געהאלטן סוף מ' שנה, נאכדעם האט מען שוין כמעט נישט געטראגן די ארון.
איך מיין אז די ריכטיגע תירוץ איז, אז רוב לוים ווייסן פשוט נישט דערפון, א כהן האט אסאך מער זאכן מיט וואס ער איז אנדערש ביים טאג טעגליכן לעבן געדענקט זיך עס, משא"כ לוים בהמשך הדורות איז אסאך פארגעסן געווארן. (סמוכין לזה, די דיון איבער כהנים מיוחסים בימינו).
יגעתי'ס תירוץ איז אמת איך האב אמאל געהערט פון א רב רעדן דערפון ער האט געטענהט אז רוב כהנים האבן מער זכרים ווי מיידלעך )עס איז אין די דזשינס( משא"כ די לווים .. איך האב עס נישט נאך געקוקט אבער עטס קענט עס נאכגיין.
פעדער האט געשריבן:
יא זייער שיין ! א פארשטענדליכער ענטפער ! כ'וואלט אבער נאך מער געשטראלט . ווען די טרעפסט א מקור . דרך אגב פאנט ווייסטו אז עס זענען געווען בלויז איינצעלנע כהנים?
א מקור האב איך נישט, איך האב עס געזאגט מסברה וואס איך האלט פאר א אמת.
לגבי די כהנים סוף פערציג יאר, איינצעלנע האב איך געמיינט לאפוקי טויזענטער. פון די לוים איז זיכער געווען צען פאכיג מאל אזויווי די כהנים. די כהנים האבן געהאט בשעת הקמת המשכן בלויז צוויי כהנים אן קיין קינדער (נאר פינחס, ולכן לא נתכהן עד מעשה זמרי), און אין פערציג יאר האבן זיי זיכער נישט אויפגעשטעלט קיין טויזענטער.
פארשרייט מיר נישט, אבער די סיבה איז לכאורה צוליב דעם וואס קיינער האט נאכנישט פארדינט פון זיין א לוי (אויסער שפארן ה' סלעים פון פדיון הבן) משא"כ א כהן קען באקומען מערערע ה' סלעים'ס במשך זיין לעבן. דערפאר האבן זיך מער מענטשן אנגעגעבן אלס כהן ווי אלס לוי.
איך בין פארנימען גריבלען אין די געוואלדיגע פארבארגענע אוצרות. וואס ליגן באגראבן אין איי וועלט. איי איי איי ! ווי בין איך געווען אלע יארן זינט 2000 אזויפיהל האב איך אנגעוואוירן ! געמיינט האב איך דאן אז די וועלט איז דאן אינטערגעגאנען! באזינדער האב איך הנאה פון די שארפזיניגע רעיונות פון יגרסדהותא! און די בליציגע תשובות פון והוא פלאי ! יא יא דיין נאמען זאל דיר וואויל באקומען
כ'מיין נישט דיך! אבער אויב מיינסטו אז איך מיין דיך, זאלסטו וויסן אז טאקע דיך מיין איך!!
פעדער ייש"כ פאר די קאמפלימענט נחזור לענייננו 3 הערות אין דעם נושא 1) איך געדענק נישט פונקטליך, נאר עפעס מישט זיך מיר אין קאפ, אז אן דברי הימים ביי חלוקת המשמורות קומט אויס אז מספר הכהנים איז בערך גלייך צו מספר הלויים, וואס איז לכאורה שווער ע"פ טבע ווי אויך האבן די כהנים א ריבוי שטעט פון די מ"ח ערי לפי ערך מספרם געדענק איך עפעס א מדרש צו וואס אז די כהנים האבן געהאט א ריבוי אוכלסין מכח ברכה מיוחדת ואני אברכם לכהנים, אדער עפעס אן אנדערע ברכה דאס וואלט אפשר געקענט פארענטפערן די קשיא 2) בימי עזרא, זענען קיין א"י ארויף געקומען באין ערוך מער כהנים ווי לוויים, ווי עס איז מבואר אין די פסוקים, און די גמ' זאגט אז עזרא האט גע'קנס'ט די לוויים און עס קען זיין אז מכח דעם איז געבליבן מער כהנים, בפרט לפי המבואר אצל הרבה מההיסטאריקער, אז גולת אשכנז איז מגולת ארץ ישראל וגולת ספרד איז מגולת בבל, לאחר בית שני, יתכן, שגולת א"י הי' יותר כהנים מלויים, או יתכן שאלו שנשארו בבבל נטמעו, ורוב כלל ישראל היום הם מגולת עזרא 3) וואס איז א אן אינטרעסאנטע אבזאוורוואציע, אז ביי די אונגארישע איז דא אסאך מער כהנים ווי לויים, און ביי דו גאליציאנע איז דא אסאך מער לויים ווי כהנים (רוסישע, פולישע, וכו' האב איך נישט שטודירט) למשל אין באבוב, איז דא א מספר מצומצם מאד ארגינעלע גאליציאנע משפחות וואס זענען כהנים, און אזוי אויך און בלאזוב און אין סטיטשין. משא"כ לויים איך האב געטשעקט א סעמפעל פון קלאס ליסטעס פון באבוב יארען צוריק, מיט איינעם וואס האט געקענט די משפחות און עס האט געשטימט משא"כ ביי די אונגארישע איז דא אסאך מער כהנים ווי לויים, איך האב דאס שוין געטשעקט כמה פעמים מיט ליסטעס פון פארשידענע אונגארישע ישיבות, איך האב לכבוד דעם אשכול געטשעקט אין א אונגערישע ישיבה און עס איז געווען מער כהנים ווי לויים, און פון די לויים זענען א גרויס חלק געווען אפשטאמיגע פון פולין גאליציע. איך האב עס נישט גענוג סטאטיסטיש צונויף גערעכנט, אבער עס שטימט מיינס א פעטער האט מיר אמאל געזאגט, אז ביי די ספרדים איז אויך דא א ריבוי פון ספרדים, און ער האט געוואלט זאגן ווי קרעמער, אז געוויסע זענען זיך מנדב בעת צרה צו ווערען כהנים... איך האב אבער געטשעקט, און איך האב קשיות אויף דעם טעריא ועוד חזון למועד
בנוגע דעם יתרון פון כהנים, איך האב אייביג געקלערט אז דאס איז א דירעקטע רעזולטאט פון די בני משה'ס נסיעה צום סמבטיון, מיטן ענן על נהרות בבל, דערווייל שטעלט זיך ארויס מכל האמור, אז דאס איז נאר א אונגארישע פענאמען.
די מעשה האב איך שוין געהארכט אינם פארגאנגענהייט (קרעדיט: פעדער אין אנדערן אשכול, דערצייל א איד א מעשה, כ'האב עס שוין געהערט...), אבער דיין שריפט איז גאר געשמאק צו לעזן! און האט מיר אריינגעפירט אין די האלב פארלאשענע הייזקאלעך, אזש כ'האב מיר דעם קאפ אויף די זייט געבויגן, נישט אים סאפיט אנצוקלאפן...
