די הימלען וויינען... - פאעזיע און גראמען פארמעסט תשפ"א #23
די הימלען וויינען...
מיט בלוטיגע טינט,
באשרייבן מ'וועט־דיר,
איי, די טרערן רינט,
אויף די באנעצטע בלעטער.
די הימלען קלאגן,
די וואלקענעס וויינען,
די זון וויל נישט טאגן,
די שטערנס נישט שיינען.
די וועלט שטייט אין זייט,
פלאמט פאר בושות,
אזא געמיינע טאהט,
אויף איר קוגל ער־טוט־עס.
*
די בריטישע גאווה,
אזוי שטאלץ און פוסט,
אזא געמיינע תאוה,
האט זיך דיר פאגלוסט.
פינסטער איז דיין פָּארט,
מען קען דאס נישט באלייכטן,
דער טונקלסטער ארט,
וואס קען זיך נאר דאכטן.
דיין גאלדענע קרוין,
אוועקגעשטעלט מיט שאנד,
וואספארא פנים האט-זי-שוין,
אין אזא פארשעמטן לאנד.
*
די פיראטן און רויבער,
וואס רויב איז זייער ארבטייל,
קוקן מיט צויבער,
אויף דיין גרויזאמער אורטייל.
ריכטער איז דיין טיטל?
ניין, עס איז נישט גענוג בייסיג,
דיין שווארצער היטל,
יא, דאס איז פאר דיר פאסיג.
וואסערע דערקוויקעניש,
וועט עס דיר שוין געבן,
וואס פארגינסטו־נישט,
פאר אלטא'ן דאס לעבן.
*
נשמה'לע צארטע,
די הארץ גייט דאך אויס,
מיט בוכשטאבן הארטע,
דיין גורל שטייט ארויס.
אוי, די ווערטער פארפאָרן,
זיי ווילן נישט קלעבן,
די שורות נישט פָּארן,
זיי שטייען נישט נעבן.
ווי דער רשע ביים טויער'ל,
צו רעכטס, צי אין גאז־קאמער.
דיין אומגליקליך גורל,
צום קלאפ פונעם האמער,
*
דער טאטע דער גיבור,
קעמפט ווי א העלד,
שטעלט זיך נישט אנידער,
פאר קיין זאך אין־דער־וועלט.
דיין חיזוק דיין אמונה,
באנעמט אונז אלע,
פארמאגט נישט קיין טינא,
פרעגט נישט קיין שאלה.
די האפענונג איז ענדלאז,
עס קומט די ישועה,
מיר בעטן עד־כלות,
אויף א גאנצע רפואה.
איז דער ארטיקל געשריבן אין 'גראמען' ? דאן רעיט אינעם ערשטן אפציע לויט'ן שטאפל איר האלט אז עס איז. איז דער ארטיקל 'פאעטיש' געשריבן? דאן רעיט אינעם צווייטן אפציע לויט'ן שטאפל איר האלט אז עס איז. אויב פעלט פון דעם ארטיקל איינס פון די צוויי אויבנדערמאנטע, דאן מאכט א טשעק ביי "נישט נוגע".
יעדע גוטע זאך קומט אמאל צו אן ענדע,
אבער נאכדעם קומט אן א בעסערס.
אבער נאכדעם קומט אן א בעסערס.
