אידישע וועלט פארומס

מיין הערצעלע האט געשריבן: ↑ דינסטאג אוגוסט 13, 2024 3:40 pm

איך בין נישט קיין גרויסע שרייבער אבער איך האב אביסל עקספיריענס אין שרייבן און איך האב געזעהן אז ווען מען שרייבט עפעס דארך דארט ליגן אסאך הארץ כדי עס זאל ארויס קומען א דבר השלום און אנדערע זאלן עס קענען קולט זיין

געווענטליך ווען מען שרייבט איז עס אדער ווייל מען וויל זיך אליין ארויס געבן אדער ווייל מען וויל מחזק זיין אנדערע

איך בין יעצט נישט אין קיין מצב וואס איך בין ביכולת צו צו לייגן צו פיל הארץ און אויך בין איך יעצט נישט אזוי שטארק אין קיין מצב פון זיך ווילן ארויס געבן
עס איז אבער געבליבן די חלק פון קענען מחזק זיין אנדערע יודן וואס זענען דורך אדער וואס זענען דורך געגאנגן דעס וואס איך גיי דורך וועל איך טרייען צו אביסל מיט טיילן מיין לעבנס געשיכטע מיט א דרויסענדיגע בליק אן אריין גיין אין קיין דיטעילס ווייל איך היט אויך מיין אידענטעטי

עס האט זיך אן געהויבן ווען דער אייבישטער האט מיר אראפ געשיקט אויף דעם עולם התחתון מיט באלד 6000 יאר נאכן עס באשאפן און אזוי בין איך דא אן געקומען שוין טיף אין יטן די מעשה און דא דארף איך מיר צו געוויינען וויזוי זיך צו צו פאסן מיט די אנדערע מענטשן

דער אייבישטער האט מיר מיט געשיקט מיט א געוויסע זאך לאמיר עס אן רופן נסיון וואס האבן געמאכט אז אנדערע קינדער זאלן מיר מקנה זיין וואס דעס האט צו געברענגט אז קינדער זאלן מיר טשעפענען

ווען איך בין אהיים געקומען זאגן פאר ממיינע עלטערן אז איינער האט מיר געטשעפעט פלעגט מיין מאמעס ריעקשן זיין אז עס איז ווייל איך האב אסאך מעלות און מען איז מיר מקנא וכו אבער מיין טאטעס ריעקשן איז געווען אין גאנצן אנדערש איך וויל נישט אריין גיין אין קיין פרטים וועגן מיין אידענטיטי אבער גאר נישט האט אים אפ געשטעלט פון איבער דרייען א וועלט פאר ווער עס האט געטשעפעט זיין צדיקל אפילו זאכן ןואס איך האב געוויסט אז איך וויין סתם און איך בין אליין שילדיג פאר וואס מען האט מיר געטשעפעט ביז איך האב מיר צו געוויינט אז מיין טאטע טאר נישט וויסן אויב איינער טשעפעט מיר

אזוי זענען די יארן געלאפן ווען איך פלעג כסדר כאפן פון מיינע מלמדים און מנהלים נישט וויסענדיג וואס מען וויל פון מיין לעבן האבן ביז איך בין איין יאר אן געקומען צו א מלמד וואס האט מיר גוט אוועק געהארגעט

פאר איך גיי ווייטער וויל איך מקדים זיין איך ווייס נישט צו ענק ווייסן עס איז דא א זאך פון אוועק לייגן איינעמס נפש און די נפש פילט אז עס האט דעמידזש און נאך דעם איז דא א זאך וואס איז פול ערגער פון דעם אז א מענטשעס מוח באקומט אזא שטארקע דעמידזש אז די מוח מאכט עס כאילו דליתא און דעס איז שרעקליכע יסורי נפש וואס דעמידזשט אלעס פון דא און ווייטער ביז מען נעמט געהעריג קעיר דערפון

דעס האט יענע מלמד געטון מיט מיר
דורך זיין מחלה האט ער געטראפן א גוט פישל אין לייגן א האנט אויף מיר
פינקטלעך וויזוי זאכן האבן זיך אויס געקאכט וועל איך לאזן פאר מיין טעראפיסט אבער באדעם ליין איז געווען אז איך האב געפילט ווי מיין מוח ווערט קאנטראלט דורך יענע מענטש טאג און נאכט און איך דארף עס נישט ניצן
א גוטע זאך וואס איך האב אפילו עס האט גאר נישט מיטן חדר איז ער
א שלעכטע זאך וואס איך האב איז עס ער בקיצור עס איז שרעקליכע יסורי נפש
און אין יענע צייט האט מיר מיין טאטע אן געפאנגן צו פייניגן אויף א שרעקליכע וועג איך האב נישט געוויסט וואס עס גייט דא פאר און איך האב ליטערלי באקומען א פחד פון די מין בריאה וואס הייסט "מענטש"
יארן שפעטער האט מיר מיים טאטע געזאגט אז יענע מלמד האט מיר געדארפט מאכן פאר א מענטש און ער האט משוגע געמאכט מיין טאטע אז מיט מיר דארף מען זיך באגיין וויזוי מיין טאטע האט זיך דעמאלס באגאנגן מיט מיר
נאכן מאכן א שטיקל קאלקולעישן האב איך גראד צאם געשטעלט אז יענע מלמד האט געוואלט רואיגער הייט קענען דורך פירן זיינע שטיק און כדי איך זאל נישט לויפן צו מיין טאטע האט ער זיך מיט דעם אויך פראטעקטעד...

בקיצור איין מאל איל בין ארויס פון דעם מלמד האב איך מיר געטראפן אליין אויפן וואסער איך האב נישט געוואלט האבן קיין שייכות מיט מיינע עלטערן און איך האב קיינעם אויף די וועלט נישט געטראסט ביז מיינע חתןנה געהאט געשוויסטער האבן זיך מרחם געווען אויף מיר

איך האב געזיכט ווי צו אנטלויפן פון מיר אליין
און אין יענע צייטן זענען אנדערע חבירים וואס טויגן נישט געקומען צו מיר וואס דעס איז געווען א חורבן פאר זיך איך האב נישט געוויסט וואס איך דארף צו טון צו איך בין א מענטש צו נישט אזוי האב איך דורך געשטופט יאר נאך יאר און ב"ה עס איז ייר מיט די צייט אביסל גרינגער געווארן ביז עס איז געקומען די צייט וואס איך דארף אויף שטעלן מיין אייגענע שטוב

אין יענע צייטן האב איך אן געפאנגן צו כאפן ווי ראנג מיין לעבן איז און איך האב זייער מורא געהאט וואס עס גייט געשעהן ווען איך וועל דארפן וואוינען מיט א מענטש אין אזעליכע אום שטענדן אן קיין באונדעריס
און אויך האב איך צוריק געהערט פון שדכנים אז מען לייגט א גרויסע אויג אויף אזא טשאטשקע ווי מיר וואס איז מלא מעלות און דעס האט מיר נאך מער געמאכט צובראכן ווייל אפשר גיי איך דא באקומען עפעס א געלונגענע זאך און וויזוי גייט זיך עס אויס קאכן?

ב"ה איך בין א חתן געווארן און חתונה געהאט און דא דארט געזעהן אז די זעלבע ווי איך מוטשע זיך מיט זאכן און לכבוד דעם איז מיין גאנצע חתונה געהאטע לעבן אין א נערוועזעניש איז די זעלבע זאך ביי מיין טייערע אשת חיל
עס האט גענומען א גוטע 3 יאר ביז מיר ביידע האבן איין געזעהן אז מיר דארפן ערענסטע העלפ (קודם זי און אפאר יאר שפעטער איך) און אזוי פארט די לעבן מיט בובוס אויפן וועג

בערך א יאר צוריק איז געקומען מיין רייע צו גיין פאר העלפ
איך האב עס לכתחילה בכלל נישט געדארפט... אבער דער אייבישטער האט זיך זיינע וועגן וויזוי ער קען אריין שטופן א מענטש צו העלפ ווען מען דארף

איך בין אן געקומען צו א גרויסע טעראפיסט וואס איז באקאנט מיט חלקים צו העלפן מיט חלקים וואס איך פלאג מיר און ער האט טאקע געמאכט א גוטע דזשאב מיטן קענען ארויף ברענגן אלטע זאכן וואס איך האב שוין פון לאנג נישט געדענקט אבער ער האט גארנישט געקענט טון ווייטער דערמיט ווייל מיין באדי איז אזוי פארקנאקט און פארשלאסן אז עס איז ממש נישטא וואס צו טון דערמיט

סאו פאר די לעצטע דריי פערטל יאר בערך גיי איך צו א צווייטן וואס זיין דזשאב איז נאר צו מאכן מיין באדי looser דורך סייקאלעדזשי אזוי אז ווען איך קום צוריק צו מיין טעראפיסט זאל מען האפענטליך קענען ארבעטן אויף מיר

איך האב נישט גענוג ווערטער צו לויבן אונזער גרויסע טאטע אין הימל וואס האט מיר געגעבן אזא גוטע ווייב און קינדערליך און מיר אויס פרובירט מיט אזעליכע נסיונות אלץ קינד אז איך זאל בעסער קענען מחנך זיין און אבאכט געבן אויף מיינע קינדערליל אז זיי זאלן נישט דורך גיין דעס וואס איך בין דורך
און אויך מאכט מיר דער אייבישטער א גאנצן צייט פאר א בעסערע מאן און טאטע און איך האף אז ער וועט רחמניות האבן פאר די אנדערע קינדער וואס מען דארף נישט זיין קיין גרויסע חכם צו זעהן אז זייער לעבן פארט זייער נישט גוט און גיי ווייס וויזוי עס וועט זיך אויס לאזן

און אויך האף איך אז דער אייבישטער זאל רחמנות האבן אויף די מענטשן וואס האבן מיר געשעדיגט אז זיי זאלן ווערן געזונט און וואוילע מענטשן

(איך האב עס נישט איבער געליינט איך האף אז עס איז גוט און אויס געהאלטן אויף די סייט)