"מסע הבונים" ל"ג -ל"ד בעומר תשפ"ד -מיט א פריש"קייט-
בס"ד
הקדמה:
לכבוד מיינע טייערע חבירים בכלליות ובפרטיות וועלכע האבן געלייקט אדער וואס וועלן לייקן די די תגובה,
viewtopic.php?p=5080355#p5080355 כאו"א בשמו הטוב יבורך,
בעז"ה גיימיר זיך נעמען צו די עבודה פון באשרייבן די אויסטערלישע דערהויבענע און זעלטענע התעוררותדיגע מסע הבונים שע"י בוני עולם ל"ג- ל"ד בעומר אין פולין, אבער צום אלעם ערשט דארפן מיר מקדים זיין ווי פאלגנד:
כאטש וואס מיר וועלן פרובירן צו דעקן און באשרייבן די מערסטע און די אינטערסאנטסטע, איז ממש נישט מעגליך צו דעקן יעדע מינוט און חלק פון די גאר קאלירפולע נסיעה, און אדרבה, אויב איינע פון די משתתפים זעט אז איך האב עפעס אויסגעלאזט, קווענקלט נישט, נאר לאזט אייך הערן, פארשטייט זיך בדרכי נועם, וטעות לעולם חוזר, ובזה החלי בעזרת הבורא:
מיטוואך פרשת בהר תשפ"ד פארנאכטס:
ארום 8:30 האט די ציבור אנגעפאנגען צו אנקומען צום זשעי עף קעי עירפארט ווי די עסקנים האבן אפגעוווארט דעם ציבור און צוגעוויזן די דעסק, נאכן אריינטשעקן ביי די נארס אטלאנטיק עירליין איז די ציבור אדורך סעקיורטי און דאן אנגעקומען צו די געיט.
די ווינקעלע דארט אין עירפארט איז בליץ שנעל געווארן איבערגעפולט מיט די הונדרעטע אידן משתתפי הנסיעה און א הערליך בילד האט זיך אהערגעשטעלט זעהענדיג מי ומי הנוסעים, אנגעפאנגען ביי די חשובע רבנים ומשפיעים, הגה"צ דער סקווירא ב"פ דיין שליט"א, הרה"ג ר' יוסף חיים גרינוואלד שליט"א, הרה"ג ר' מאיר צוויבל שליט"א,פולע זקני ופני העדה, באקאנטע משמחים, כל ערליי מינע היטן, און רעקלעך, אלעס מיטן פאראייניגטען ציל צו העלפן די הייליגע ארגאנאזאציע בוני עולם, זיין די גוטע שלוחים אראפצוברענגען נאך לעכטיגע אידישע דורות אויף די וועלט.
עס האט געדוירט א שטיק צייט ביז די ווארעמע עסן פון פאמערגרענעט איז אנגעקומען –לכאורה צוליב סעקיורטי- אבער אויפדערווייל איז געווען עטליכע מינע סענדוויטשעס זיך צו דערכאפן דאס הארץ, שפעטער איז אנגעקומען די פולע שיפמענט און די עסקנים האבן דאס אויסגעלייגט, א פולע פליישיגע נאכטמאל פון אלעם גוטן, צו עסן און צו טרינקען, און אזוי אויך פליישיגע געפאקטע סענדוויטשעס צו מיטנעמען אויפן פליגער,די עולם האט געגעסן, זיך געזעטיגט און צוביסליך אנגעפאנגען ארויפגיין אויפן טשארטער.
אויפן פליגער האט יעדעם אפגעווארט א קישן מיט א דעקע פון ללכת, און א קליינע טאשקע, אינעוויניג איז געליגן א סידור לחול מיט א פעקל טישוס,די עולם האט זיך מסדר געווען אויף די זיצן און זיך געזעצט ווארטן.....אויף וועם, אהה, אפאר חשובע משתתפים וועלכע זענען געקומען צופארן פון מאנטריאל און האבן געהאט א דילעי, אע"כ ווארט מען אויף זיי..., ביזדערווייל האט זיך די ציבור היימיש געמאכט איינעם דעם צווייטן, און נאך איבער צוויי שעה דילעי, קרוב צו 2 אזייגער, האט זיך דער פליגער ענדליך געהויבן, קיין ריישא!
אנפאנג וועג האט אויפגעטרעטן דער בארימטע דרשן נפלא ר' ישראל שטערן פון לאנדאןוועלכע האט באגריסט דעם ציבור, און איינגעלייטעט דעם נסיעה.
אויפן פליגער איז לדעתי באמת געווען א קידוש צו זעהן ווי אידיישע קינדער ניצן אויס די צייט מיט לימוד התורה, און שפעטער די ווארעמע תפלת שחריתעטליכע שעה פארן לאנדען, שטייענדיג צודריקט צווישן די זיצן, פארגעסט נישט אז יעדער איינער אויפן פליגער איז א איד, א אינגערמאן וואס לייגט שוין רבינו תם, און יעדער איינער האט געדאווענט צוזאמען, והבן....
פארן לאנדען האט מען געהערט ווארעמע דברי הכנה צום נסיעה בכלל און קיין ליזענסק בפרט דורך הרב ר יוסף חיים שליט"א,וועלכע האט אנגעווארעמט דעם ציבור מיט זיינע זיסע דיבורים.
דאנערשטאג ארום 4 אזייגער האט מען בשעה טובה געלאנדעט אין ריישא עירפארט ווי מען איז מיט א רעמפ אריין אין טערמינאל, און גאנץ שנעל דורכגעגאנגען קאסטומס, אבער דערנאך האט מען היבש לאנג געווארט אויף די רענצלעך, בשעת וואס דער בארימטע משמח אלוקים ואנשים ר' יעקב יוסף לאנגזאםהאלט אינטער די ציבור מיט טרעפליכע דזשאוקס , א שטייגער ווי "איינער האט געזעהן מיין רענצעל, כהאב א סימן, עס האט שמוציגע רעדלעך"...
אינצווישן האט זיך דער עולם געשטעלט מניני מנחהדארט אין עירפארט, און עווענטועל זענען די פעקלעך אנגעקומען און מען האט זיך ארויסגעלאזט קיין ליזענסק, א וועג פון בערך א האלבע שעה, מיט א פלאטע פון 10 באסעס, גאר שיינע און געשמאקע באסעס.
אנקומענדיג קיין ליזענסק ארום 6 אזייגער האט מען אויסגערופן אז די מעמד התפילה וועט זיין 7 אזייגער, אינצווישן איז געווען צוגעגרייט פארן עולם די פיינע ווארעמע מקווה און א גאר ברייט נארהאפטיגע פארעווע מיטאג איז געווארן צוגשעטעלט אין די צענטראלע בנין הכנסת אורחים,אין די שטיבלעך אינטען האט מען געליינט די קריאת היום.
אין א גאר קלוגע שריט האבן די עסקנים דארט אויפן פלאץ אויסגעטיילט פאר יעדעם אינעם זיין האטעל צימער מיט די קארטלעך וואס האט זיך שפעטער אויסגעשטעלט אלס גאר א געוואלדיגע טובה, צוליב דעם וואס מען איז אנגעקומען אין האטעל גאר שפעט ביינאכט, און איך דארף אייך נישט מסביר זיין וויאזוי עס וואלט אויסגעקוקוט ווען איבער 400 חסידידשע הונגעריגע און מידע אינגערלייט דארפן דאן באקומען זייערע קארטלעך.....
צוביסליך האט זיך די עולם אנגעפאנגען פארזאמלען ביים ציון הק' וואס איז בליץ שנעל געווארן איבערגעפילט, סיי די אוהל און סיי די זייטיגע צימער, און גאר א גרויסע עולם האט זיך געשטעלט אינדרויסן, ביים אריינגאנג צום ציון איז געווען א טיש מיט קוויטל פאפיר, א ספעציעלע קונטרס מיט די פרקי תהלים וואס מען וועט זאגן, און די תפלת רבי אלימלך און אזוי אויך ליכט.
ביי א ספעציעלע טישל אינדרויסן פון אוהל האט דער עולם געצינדן די ליכט אז עס זאל נישט צוקומען לידי סכנה.
ארום 7:30 איז הגה"צ דער סקווירא דיין שליט"א אנגעקומען אינאיינעם מיט ר' שלמה, צוזאמען מיט הגה"צ ר' דניאל רוקח מליזענסקאון אריין אינעם איבערגעפאקטע אוהל, און מען האט צום ערשט אנגעפאנגען מיט עטליכע הארציגע ניגונים.
דעראך האט ר' שלמה אויפגעטרעטן מיט גאר ווארעמע דיבורים, זיך בעטענדיגע כבן המתחטא לפני אביו ביים היליגען רבי ר' אלימלך אויף זין אייגנארטיגע שטייגער, אנפאנגנדיג מיט די מעשה:
אין די יארן נאך די פטירה פונעם הייליגען רבי ר' אלימלך איז געווען א רב וועלכע האט שטארק משתוקק געווען צו טרעפן א איד וועלכע האט נאך געקענט דעם רר"א, מען האט אים אנגעוויזן אויף א געוויסע דארפסמאן, ער איז זיך געגאנגען טרעפן מיט יענעם, און אים געזאגט מיט א גרויס שמחה "איך הער אז איר האט נאך זוכה געווען צו קענען דעם הייליגען רר"א?!", דער דארפסמאן האט רעאגירט
"הייליג? ווייס איך נישט, אבער איך האב אים געקענט",
"וואספארא שייכות האט איר געהאט מיט אים?"
פארציילט דער דארפסמאן, אז ער האט געהאט א קיעלע מיט עטליכע הינדלעך און דאס איז געווען זיין מקור הפרנסה, ויהי הייום,און עס איז געגנבעט געווארן, נישטא!, בצער לו, האט ער זיך אויסגערעדט צו זיינס א חבר וועלכע האט אים מיעץ געווען צו פארן קיין ליזענסק צו רר"א, דער איד איז געפארן קיין ליזענסק און זיך אויסגעוויינט דאס הארץ צום צדיק, דער הייליגע רבי אלימלך מיט זיין גרויס אהבת ישראל, האט מיטגעוויינט מיטן איד, און דערנאך זיך פאר'דביקות'ד פאר עטליכע מינוט, און דאן ברוח קדשו צוגעוויזן פונקטליך ווי די געגנבטע באשעפענישן ליגן.
"נו", פירט דער דארפסמאן אויס בתמימות "פון וואנעט מיינסטו האט רבי אלימלך געוויסט ווי עס ליגט?" (אויב נישט אז ער איז אליינס געווען פון די חברה....) , דער גוטע איד האט נישט פארשטאנען "אויב ר' אלימלך האט עס ביי דיר גע'גנב'ט,דאן פארוואס האט ער עס צוריקגעגעבן?"
"אה, וואס פארשטייט איר נישט", זאגט דער דארפסמאן, "ער האט דאך געהאט א גאט אין הארץאון ער האט געזעהן א איד וויינען האט ער רחמנות געהאט און מיך עס צוריק געגעבן"
האט ר' שלמה באכנער אויסגעפירט מיט בכיות, "הייליגע רבי אלימלך, פאר דעם איד האסטו געהאט גאט אין הארץ, נו, וואס טוט זיך מיט די אלע אידן וועלכע זענען מצפים לישועה?!",און דערביי אויך אויסגערעכנט כל מיני ישועות אין וועלכע אידישע קינדער נויטיגן זיך, ספעציעל האט ער דערמאנט דער קאסובע רבי שליט"א לרפו"שוועלכע איז אלע יארן געשטאנען לימין מוסד הק' בוני עולם.
דערנאך האט מען געזאגט די קפיטלעך תהלים מיט גרויס התעוררות, און מען האט צוגענדיגט מיט פרייליכע ניגונים, ארויף אויף די באסעס און געפארן בערך א האלבע שעה קיין לאנצוט.
אין לאנצוט ביים הייליגען ראפשיצע רב זי"עהאט ר' ישראל שטערן צום ערשט דערמאנט א חשובע אייניקל פונעם ראפשיצער וועלכע האט מנדב געווען די זכות מעמד התפילה לזכותו ולזכות ב"ב, דערנאך האט מען געזינגען ווארעמע ניגוני קודש און דער סקווירא דיין שליט"א האט מעורר געווען די לבבות ישראל, און ספעציעל דערמאנט א חשובע מיטרייזענדע וועלכע איז געקומען מט מסירות נפש ממש זיצנדיג אין א ווילטשער, לרפואה שלימה.
צוליב די שפעטע שעה האט מען זיך מזרז געווען און מען האט אויסגערופן אז מעריב וועט שוין זיין אין האטעל (נישט ווי געפלאנט אינעם שטאטישע שוהל ווי דער הייליגע לובלינער זי"ע האט געדאווענט)
מען איז ארויסגעפארן א וועג פון באלד צוויי שעה צום האטעל אין קראקא.
אנקומענדיג אין קראקאשוין נאך 1 אזייגער ביינאכט, איז געווען צוגעגרייט א גאר רייכע נאכטמאל אינעם גרויסן עס-זאל וועלכע געפינט זיך אויף די שטאק מיינוס 2, די ציבור האט געגעסן , גע'מעריב'ט, און זיך מסדר געווען אין די ציממערן ווי עס איז געווען אנגעגרייט פאר יעדעם איינעם אינעם ציממער א שאכטל מיט ממתקים.
ספעציעלע שאטלס איז אויך געווען צוגעשטעלט פאר די וועלכע האבן געוואלט צופארן צו די נייע ביה"חוועלכע איז נישט געווען אויפן אפיציעלע נסיעה סקעדזשועל.
אין עס-זאל האט מען אויסגערופן די סדר היום פאר מארגן פרייטאג פאר אלע 3 חבורות, און די ציבור איז זיך געגאנגען לייגן ווען א טייל פארבלייבן שוין אויף צו וותיקין, די עלות איז געווען גאר פרי האלב נאך 3.
המשך יבוא אי"ה
הקדמה:
לכבוד מיינע טייערע חבירים בכלליות ובפרטיות וועלכע האבן געלייקט אדער וואס וועלן לייקן די די תגובה,
viewtopic.php?p=5080355#p5080355 כאו"א בשמו הטוב יבורך,
בעז"ה גיימיר זיך נעמען צו די עבודה פון באשרייבן די אויסטערלישע דערהויבענע און זעלטענע התעוררותדיגע מסע הבונים שע"י בוני עולם ל"ג- ל"ד בעומר אין פולין, אבער צום אלעם ערשט דארפן מיר מקדים זיין ווי פאלגנד:
כאטש וואס מיר וועלן פרובירן צו דעקן און באשרייבן די מערסטע און די אינטערסאנטסטע, איז ממש נישט מעגליך צו דעקן יעדע מינוט און חלק פון די גאר קאלירפולע נסיעה, און אדרבה, אויב איינע פון די משתתפים זעט אז איך האב עפעס אויסגעלאזט, קווענקלט נישט, נאר לאזט אייך הערן, פארשטייט זיך בדרכי נועם, וטעות לעולם חוזר, ובזה החלי בעזרת הבורא:
מיטוואך פרשת בהר תשפ"ד פארנאכטס:
ארום 8:30 האט די ציבור אנגעפאנגען צו אנקומען צום זשעי עף קעי עירפארט ווי די עסקנים האבן אפגעוווארט דעם ציבור און צוגעוויזן די דעסק, נאכן אריינטשעקן ביי די נארס אטלאנטיק עירליין איז די ציבור אדורך סעקיורטי און דאן אנגעקומען צו די געיט.
די ווינקעלע דארט אין עירפארט איז בליץ שנעל געווארן איבערגעפולט מיט די הונדרעטע אידן משתתפי הנסיעה און א הערליך בילד האט זיך אהערגעשטעלט זעהענדיג מי ומי הנוסעים, אנגעפאנגען ביי די חשובע רבנים ומשפיעים, הגה"צ דער סקווירא ב"פ דיין שליט"א, הרה"ג ר' יוסף חיים גרינוואלד שליט"א, הרה"ג ר' מאיר צוויבל שליט"א,פולע זקני ופני העדה, באקאנטע משמחים, כל ערליי מינע היטן, און רעקלעך, אלעס מיטן פאראייניגטען ציל צו העלפן די הייליגע ארגאנאזאציע בוני עולם, זיין די גוטע שלוחים אראפצוברענגען נאך לעכטיגע אידישע דורות אויף די וועלט.
עס האט געדוירט א שטיק צייט ביז די ווארעמע עסן פון פאמערגרענעט איז אנגעקומען –לכאורה צוליב סעקיורטי- אבער אויפדערווייל איז געווען עטליכע מינע סענדוויטשעס זיך צו דערכאפן דאס הארץ, שפעטער איז אנגעקומען די פולע שיפמענט און די עסקנים האבן דאס אויסגעלייגט, א פולע פליישיגע נאכטמאל פון אלעם גוטן, צו עסן און צו טרינקען, און אזוי אויך פליישיגע געפאקטע סענדוויטשעס צו מיטנעמען אויפן פליגער,די עולם האט געגעסן, זיך געזעטיגט און צוביסליך אנגעפאנגען ארויפגיין אויפן טשארטער.
אויפן פליגער האט יעדעם אפגעווארט א קישן מיט א דעקע פון ללכת, און א קליינע טאשקע, אינעוויניג איז געליגן א סידור לחול מיט א פעקל טישוס,די עולם האט זיך מסדר געווען אויף די זיצן און זיך געזעצט ווארטן.....אויף וועם, אהה, אפאר חשובע משתתפים וועלכע זענען געקומען צופארן פון מאנטריאל און האבן געהאט א דילעי, אע"כ ווארט מען אויף זיי..., ביזדערווייל האט זיך די ציבור היימיש געמאכט איינעם דעם צווייטן, און נאך איבער צוויי שעה דילעי, קרוב צו 2 אזייגער, האט זיך דער פליגער ענדליך געהויבן, קיין ריישא!
אנפאנג וועג האט אויפגעטרעטן דער בארימטע דרשן נפלא ר' ישראל שטערן פון לאנדאןוועלכע האט באגריסט דעם ציבור, און איינגעלייטעט דעם נסיעה.
אויפן פליגער איז לדעתי באמת געווען א קידוש צו זעהן ווי אידיישע קינדער ניצן אויס די צייט מיט לימוד התורה, און שפעטער די ווארעמע תפלת שחריתעטליכע שעה פארן לאנדען, שטייענדיג צודריקט צווישן די זיצן, פארגעסט נישט אז יעדער איינער אויפן פליגער איז א איד, א אינגערמאן וואס לייגט שוין רבינו תם, און יעדער איינער האט געדאווענט צוזאמען, והבן....
פארן לאנדען האט מען געהערט ווארעמע דברי הכנה צום נסיעה בכלל און קיין ליזענסק בפרט דורך הרב ר יוסף חיים שליט"א,וועלכע האט אנגעווארעמט דעם ציבור מיט זיינע זיסע דיבורים.
דאנערשטאג ארום 4 אזייגער האט מען בשעה טובה געלאנדעט אין ריישא עירפארט ווי מען איז מיט א רעמפ אריין אין טערמינאל, און גאנץ שנעל דורכגעגאנגען קאסטומס, אבער דערנאך האט מען היבש לאנג געווארט אויף די רענצלעך, בשעת וואס דער בארימטע משמח אלוקים ואנשים ר' יעקב יוסף לאנגזאםהאלט אינטער די ציבור מיט טרעפליכע דזשאוקס , א שטייגער ווי "איינער האט געזעהן מיין רענצעל, כהאב א סימן, עס האט שמוציגע רעדלעך"...
אינצווישן האט זיך דער עולם געשטעלט מניני מנחהדארט אין עירפארט, און עווענטועל זענען די פעקלעך אנגעקומען און מען האט זיך ארויסגעלאזט קיין ליזענסק, א וועג פון בערך א האלבע שעה, מיט א פלאטע פון 10 באסעס, גאר שיינע און געשמאקע באסעס.
אנקומענדיג קיין ליזענסק ארום 6 אזייגער האט מען אויסגערופן אז די מעמד התפילה וועט זיין 7 אזייגער, אינצווישן איז געווען צוגעגרייט פארן עולם די פיינע ווארעמע מקווה און א גאר ברייט נארהאפטיגע פארעווע מיטאג איז געווארן צוגשעטעלט אין די צענטראלע בנין הכנסת אורחים,אין די שטיבלעך אינטען האט מען געליינט די קריאת היום.
אין א גאר קלוגע שריט האבן די עסקנים דארט אויפן פלאץ אויסגעטיילט פאר יעדעם אינעם זיין האטעל צימער מיט די קארטלעך וואס האט זיך שפעטער אויסגעשטעלט אלס גאר א געוואלדיגע טובה, צוליב דעם וואס מען איז אנגעקומען אין האטעל גאר שפעט ביינאכט, און איך דארף אייך נישט מסביר זיין וויאזוי עס וואלט אויסגעקוקוט ווען איבער 400 חסידידשע הונגעריגע און מידע אינגערלייט דארפן דאן באקומען זייערע קארטלעך.....
צוביסליך האט זיך די עולם אנגעפאנגען פארזאמלען ביים ציון הק' וואס איז בליץ שנעל געווארן איבערגעפילט, סיי די אוהל און סיי די זייטיגע צימער, און גאר א גרויסע עולם האט זיך געשטעלט אינדרויסן, ביים אריינגאנג צום ציון איז געווען א טיש מיט קוויטל פאפיר, א ספעציעלע קונטרס מיט די פרקי תהלים וואס מען וועט זאגן, און די תפלת רבי אלימלך און אזוי אויך ליכט.
ביי א ספעציעלע טישל אינדרויסן פון אוהל האט דער עולם געצינדן די ליכט אז עס זאל נישט צוקומען לידי סכנה.
ארום 7:30 איז הגה"צ דער סקווירא דיין שליט"א אנגעקומען אינאיינעם מיט ר' שלמה, צוזאמען מיט הגה"צ ר' דניאל רוקח מליזענסקאון אריין אינעם איבערגעפאקטע אוהל, און מען האט צום ערשט אנגעפאנגען מיט עטליכע הארציגע ניגונים.
דעראך האט ר' שלמה אויפגעטרעטן מיט גאר ווארעמע דיבורים, זיך בעטענדיגע כבן המתחטא לפני אביו ביים היליגען רבי ר' אלימלך אויף זין אייגנארטיגע שטייגער, אנפאנגנדיג מיט די מעשה:
אין די יארן נאך די פטירה פונעם הייליגען רבי ר' אלימלך איז געווען א רב וועלכע האט שטארק משתוקק געווען צו טרעפן א איד וועלכע האט נאך געקענט דעם רר"א, מען האט אים אנגעוויזן אויף א געוויסע דארפסמאן, ער איז זיך געגאנגען טרעפן מיט יענעם, און אים געזאגט מיט א גרויס שמחה "איך הער אז איר האט נאך זוכה געווען צו קענען דעם הייליגען רר"א?!", דער דארפסמאן האט רעאגירט
"הייליג? ווייס איך נישט, אבער איך האב אים געקענט",
"וואספארא שייכות האט איר געהאט מיט אים?"
פארציילט דער דארפסמאן, אז ער האט געהאט א קיעלע מיט עטליכע הינדלעך און דאס איז געווען זיין מקור הפרנסה, ויהי הייום,און עס איז געגנבעט געווארן, נישטא!, בצער לו, האט ער זיך אויסגערעדט צו זיינס א חבר וועלכע האט אים מיעץ געווען צו פארן קיין ליזענסק צו רר"א, דער איד איז געפארן קיין ליזענסק און זיך אויסגעוויינט דאס הארץ צום צדיק, דער הייליגע רבי אלימלך מיט זיין גרויס אהבת ישראל, האט מיטגעוויינט מיטן איד, און דערנאך זיך פאר'דביקות'ד פאר עטליכע מינוט, און דאן ברוח קדשו צוגעוויזן פונקטליך ווי די געגנבטע באשעפענישן ליגן.
"נו", פירט דער דארפסמאן אויס בתמימות "פון וואנעט מיינסטו האט רבי אלימלך געוויסט ווי עס ליגט?" (אויב נישט אז ער איז אליינס געווען פון די חברה....) , דער גוטע איד האט נישט פארשטאנען "אויב ר' אלימלך האט עס ביי דיר גע'גנב'ט,דאן פארוואס האט ער עס צוריקגעגעבן?"
"אה, וואס פארשטייט איר נישט", זאגט דער דארפסמאן, "ער האט דאך געהאט א גאט אין הארץאון ער האט געזעהן א איד וויינען האט ער רחמנות געהאט און מיך עס צוריק געגעבן"
האט ר' שלמה באכנער אויסגעפירט מיט בכיות, "הייליגע רבי אלימלך, פאר דעם איד האסטו געהאט גאט אין הארץ, נו, וואס טוט זיך מיט די אלע אידן וועלכע זענען מצפים לישועה?!",און דערביי אויך אויסגערעכנט כל מיני ישועות אין וועלכע אידישע קינדער נויטיגן זיך, ספעציעל האט ער דערמאנט דער קאסובע רבי שליט"א לרפו"שוועלכע איז אלע יארן געשטאנען לימין מוסד הק' בוני עולם.
דערנאך האט מען געזאגט די קפיטלעך תהלים מיט גרויס התעוררות, און מען האט צוגענדיגט מיט פרייליכע ניגונים, ארויף אויף די באסעס און געפארן בערך א האלבע שעה קיין לאנצוט.
אין לאנצוט ביים הייליגען ראפשיצע רב זי"עהאט ר' ישראל שטערן צום ערשט דערמאנט א חשובע אייניקל פונעם ראפשיצער וועלכע האט מנדב געווען די זכות מעמד התפילה לזכותו ולזכות ב"ב, דערנאך האט מען געזינגען ווארעמע ניגוני קודש און דער סקווירא דיין שליט"א האט מעורר געווען די לבבות ישראל, און ספעציעל דערמאנט א חשובע מיטרייזענדע וועלכע איז געקומען מט מסירות נפש ממש זיצנדיג אין א ווילטשער, לרפואה שלימה.
צוליב די שפעטע שעה האט מען זיך מזרז געווען און מען האט אויסגערופן אז מעריב וועט שוין זיין אין האטעל (נישט ווי געפלאנט אינעם שטאטישע שוהל ווי דער הייליגע לובלינער זי"ע האט געדאווענט)
מען איז ארויסגעפארן א וועג פון באלד צוויי שעה צום האטעל אין קראקא.
אנקומענדיג אין קראקאשוין נאך 1 אזייגער ביינאכט, איז געווען צוגעגרייט א גאר רייכע נאכטמאל אינעם גרויסן עס-זאל וועלכע געפינט זיך אויף די שטאק מיינוס 2, די ציבור האט געגעסן , גע'מעריב'ט, און זיך מסדר געווען אין די ציממערן ווי עס איז געווען אנגעגרייט פאר יעדעם איינעם אינעם ציממער א שאכטל מיט ממתקים.
ספעציעלע שאטלס איז אויך געווען צוגעשטעלט פאר די וועלכע האבן געוואלט צופארן צו די נייע ביה"חוועלכע איז נישט געווען אויפן אפיציעלע נסיעה סקעדזשועל.
אין עס-זאל האט מען אויסגערופן די סדר היום פאר מארגן פרייטאג פאר אלע 3 חבורות, און די ציבור איז זיך געגאנגען לייגן ווען א טייל פארבלייבן שוין אויף צו וותיקין, די עלות איז געווען גאר פרי האלב נאך 3.
המשך יבוא אי"ה