הארצרייסנד!!
טייערע אידן, איך שרייב דא צו אייך פון א צובראכענעם נפש און א טרערן גיסנדע הארץ, איך וויל דא מקיים זיין דעם דאגה בלב איש ישיחנה, און איך בעט אייך הערט מיר אויס מיט א ליבליכן געפיל און געבט מיר ביטע דעם חיזוק וואס איך קען אזוי שטארק נוצן.
איך בין נאך יונג אין מיינע פרישע צוואנציגער יארן, די יארן וואס די חלומות וועבן זיך נאך איבער געלט און חברים, און ליידער בעניני הנפש בין איך שוין א מיטגעמאכטער אלטער זקן.
''הצור תמים פעלו כי כל דרכיו משפט א-ל אמונה ואין עול צדיק וישר הוא''
אנגעהויבן האט זיך עס בעיקר אין מיינע בחור'ישע יארן, ווען איך האב אנטוויקלט א שטארקע נייגונג צום שרעקליכן מחלת הנפש מיטן נאמען OCD, איך האב זיך בעיקר געמוטשעט מיט מחשבות און אבעסעסיעס וואס זענען געפארן אין מיין פארפייניגטן מח אן אויפהער, נישט וויסנדיג וויאזוי צו האנדלען דערמיט בין איך ווייטער געגאנגען און ליידער גארנישט געטון דערצו.
עס זענען אריבער א יאר צוויי, און פון די OCD איז באשאפן געווארן גאר א שטארקע ענקזייעטי וואס האט מיר געפלאגט אויף גאר א שטארקן אופן, און מיר נישט געלאזט איינזיצן און זיך קאנצעטרירן אין קיין שום זאך נישט, און אזוי איז מיין לעבן אריבערגעפארן נעבן מיר אן וואס איך זאל איר קענען ענדזשויען און אויסנוצן, וואס אין פלאץ פון טון עפעס מיט מיין לעבן איז מיין גאנצע כח און מח געגאנגען צו איבערלעבן (סורווייוון) די יסורי הנפש.
פארשטייט זיך, האט די ענקזייעטי נישט צוגעגעבן צו מיין קאנפידענץ און זעלבסט זיכערקייט, און דאס האט גורם געווען צו געוויסע הארצלאזע בחורים מיט גרויסע פיסקלעך זיך צו נעמען צו מיינע אויסגעמאטערטע ביינער, ווי מיט א רשעות בין איך געווארן גאר שטארק פארשעמט און געטשעפעט, ברבים און ביחיד, און די מצב האט נאר ערגער געמאכט מיינע אלע שרעקליכע פראבלעמען.
ליידער האט דאס גורם געווען אז ווען עס איז געקומען צו שידוכים איז מיר אויך נישט געגאנגען דאס בעסטע, און איך האב חתונה געהאט מיט א ווייב ווייט פון מיין נאטור און רצון, וואס דאס האט אויסגעקלאפט צו שטארקע שלום בית פראבלעמען וואס גייען נאך ליידער אן ביז היינט.
איך בין שוין געווען ביי עטליכע טעראפיסטן פאר מיינע פראבלעמען און ליידער עדיין לא עלתה בידם, און איך געפין זיך נאך היינט גאנץ טיף אין מיינע מענטל העלט פראבלעמען.
זייענדיג אזוי מיואש פון מיין שרעקליכן מצב בין איך אריינגעפאלן אין א שווערע דעפרעסיע וואס האט זיך ליידער געצויגן פאר א שיינעם תקופה.
די אלע זאכן האט מיר שוין אפגעקאסט ממון ודמים, אבער ליידער האלט איך נאך ביי אלף.
טייערע אידן, אויב מיינט איר אז אין ביהמ''ד ארום מיר זעהט מען דאס אויף מיר, זייט וויסן אז עס איז פונקט פארקערט, איך בין דער ראש המדברים, דער ארויפגעקוקטער יונגערמאן, וואס ב''ה איך בין מצליח צו באהאלטן פון אנדערע ווען מיין הארץ טריפט בלוט.
איך בין נישט דער גרויסער שריפטשטעלער און מיין שפראך איז ארים און נישט גרויסארטיג. איך האף עס איז פארשטענדליך.
א גוטן טאג.
איך בין נאך יונג אין מיינע פרישע צוואנציגער יארן, די יארן וואס די חלומות וועבן זיך נאך איבער געלט און חברים, און ליידער בעניני הנפש בין איך שוין א מיטגעמאכטער אלטער זקן.
''הצור תמים פעלו כי כל דרכיו משפט א-ל אמונה ואין עול צדיק וישר הוא''
אנגעהויבן האט זיך עס בעיקר אין מיינע בחור'ישע יארן, ווען איך האב אנטוויקלט א שטארקע נייגונג צום שרעקליכן מחלת הנפש מיטן נאמען OCD, איך האב זיך בעיקר געמוטשעט מיט מחשבות און אבעסעסיעס וואס זענען געפארן אין מיין פארפייניגטן מח אן אויפהער, נישט וויסנדיג וויאזוי צו האנדלען דערמיט בין איך ווייטער געגאנגען און ליידער גארנישט געטון דערצו.
עס זענען אריבער א יאר צוויי, און פון די OCD איז באשאפן געווארן גאר א שטארקע ענקזייעטי וואס האט מיר געפלאגט אויף גאר א שטארקן אופן, און מיר נישט געלאזט איינזיצן און זיך קאנצעטרירן אין קיין שום זאך נישט, און אזוי איז מיין לעבן אריבערגעפארן נעבן מיר אן וואס איך זאל איר קענען ענדזשויען און אויסנוצן, וואס אין פלאץ פון טון עפעס מיט מיין לעבן איז מיין גאנצע כח און מח געגאנגען צו איבערלעבן (סורווייוון) די יסורי הנפש.
פארשטייט זיך, האט די ענקזייעטי נישט צוגעגעבן צו מיין קאנפידענץ און זעלבסט זיכערקייט, און דאס האט גורם געווען צו געוויסע הארצלאזע בחורים מיט גרויסע פיסקלעך זיך צו נעמען צו מיינע אויסגעמאטערטע ביינער, ווי מיט א רשעות בין איך געווארן גאר שטארק פארשעמט און געטשעפעט, ברבים און ביחיד, און די מצב האט נאר ערגער געמאכט מיינע אלע שרעקליכע פראבלעמען.
ליידער האט דאס גורם געווען אז ווען עס איז געקומען צו שידוכים איז מיר אויך נישט געגאנגען דאס בעסטע, און איך האב חתונה געהאט מיט א ווייב ווייט פון מיין נאטור און רצון, וואס דאס האט אויסגעקלאפט צו שטארקע שלום בית פראבלעמען וואס גייען נאך ליידער אן ביז היינט.
איך בין שוין געווען ביי עטליכע טעראפיסטן פאר מיינע פראבלעמען און ליידער עדיין לא עלתה בידם, און איך געפין זיך נאך היינט גאנץ טיף אין מיינע מענטל העלט פראבלעמען.
זייענדיג אזוי מיואש פון מיין שרעקליכן מצב בין איך אריינגעפאלן אין א שווערע דעפרעסיע וואס האט זיך ליידער געצויגן פאר א שיינעם תקופה.
די אלע זאכן האט מיר שוין אפגעקאסט ממון ודמים, אבער ליידער האלט איך נאך ביי אלף.
טייערע אידן, אויב מיינט איר אז אין ביהמ''ד ארום מיר זעהט מען דאס אויף מיר, זייט וויסן אז עס איז פונקט פארקערט, איך בין דער ראש המדברים, דער ארויפגעקוקטער יונגערמאן, וואס ב''ה איך בין מצליח צו באהאלטן פון אנדערע ווען מיין הארץ טריפט בלוט.
איך בין נישט דער גרויסער שריפטשטעלער און מיין שפראך איז ארים און נישט גרויסארטיג. איך האף עס איז פארשטענדליך.
א גוטן טאג.
