איך האב ביי מיר א קונטרס פון די דינער פאר די מוסדות אין קרית יואל שנת תשמ"ג, עס פארמאגט עטליכע בילדער וואס איך האב נאכנישט געזעהן דא, וועל איך עס אהערשטעלן להנאת הציבור.
משא"כ אייוועלט, ווי עס זיצט א ניק און לייגט אריין כוחות צו ברענגען אינטערסאנטע זאכן פארן עולם, איך רעדט נישט פון די אינטערסאנטע בילדער אשכולות, סתם בילדער וואס יעדע פרישע טעלעפאון באנוצער פילט פאר א נויט עס צו שיקן פאר אלע זיינע קאנטאקטן.
איך רעדט פון היסטאריע אשכולות, אייגן געכאפטע בילדער, געסקענטע בילדער, מפענח זיין אלטע בילדער, און וואס נישט, דאס קאסט כוחות, שעות על גבי שעות, זיצט א שרייבער פון אן אויסגאבע אנגעלאנט אויפן בענקעל און אנשטאט גיין טוהן זיין ארבעט מאכט ער קאפי פעיסט פון אייוועלט, איין בילד נאכן צווייטן, פאר א נויט שרייבט די אויסגאבע צו כל הזכויות שמורות כולל הצילומים... ווער רעדט נאך ווען בחצרות וכדומה נעמט יענעמס בילדער און שמירט ארויף זייער וואסערמארקס און לאזט עס נישט דאונלאודן פון זייער זייטל...
עס איז נישט מער ווי מענטשליכקייט צו פרעגן רשות פון די ניק וואס האט עס אהערגעשטעלט עכ"פ זיך צו באדאנקן פאר אייוועלט בכלליות.
איי וועסטו זאגן הער אויף צו שטעלן און האב נישט קיין טענות, זייער א גוטע טענה, אבער קוקט אויס ווי איר האט נישט ארויס די סארט מענטש, די זעלבע סיבה פארוואס ער זיצט און נישטערט, האט ער א הנאה צו מיטיילן פארן עולם זיינע געפינסן, עס שטיפט דעם מענטש צו גיין ווייטער, עס צו מיטיילן פארן עולם העלפט ארויס מיט נאך אינפערמאציע, אנדערע שרייבן וואס זיי ווייסן, וכו' וכו'.
רוב פון די וואס שרייבן אז עס שטערט זיי נישט ווען מען נעמט זאכן פון זיי איז אזעלעכע וואס לייגן כמעט נישט קיין בילדער, אדער בילדער ווי פריער דערמאנט זאכן וואס זיי האבן נישט געארבעט פאר דעם גארנישט.
וואגן זאל זיך איינער דא צו ברענגען ארטיקלען פון אן אויסגאבע אן רשות, פארוואס פארקערט מעג ער יא?
איך וואלט שטארק הנאה געהאט אויב א פאפאלערע צייטונג לייגט א בילד וואס איך האב געשטעלט אויף אייוועלט.און איך גלייב אסאך וואלטען אויך.
און נאכאמאל די איד און דער בלאט מאכען געלט פון יעדע שטיקל וואס ווערט פארקויפט ממילא אז מען לייגט דא ארויף זייערע ארטיקלען קענען זיי פארמאכן זייער ביזנעס. אייוועלט איז א פרייע פלאץ וואס יעדער קען ארויף קומען און אלעס טרעפען. ווען א ניק לייגט א בילד אויפן וועלטעל לייגט ער עס ארויס ברשות הרבים און ער איז מער נישט בעל הבית אויף די בילד.
ערשטענס זיי מאכן געלט פון מיין ארבעט? פארוואס צאלט מען מיר נישט פאר די ארבעט וואס איך האב אריינגעלייגט דערינען?
מעקן וואסערמארקס פון יענעמס אייגענע בילדער מעג מען אויך?
איר פארשטייט אז ווען איינער לייגט עפעס אויף יוטוב וכדו' איז עס אויף א פובליק פלאץ, און מיט דעם אלעם פראביר נאר עס צו לייגן אויף דיין נאמען, ניצן אין א וועבזייטל אן רשות, מען וועט עס פארמעקן.
סך הכל ווייל דא איז א אידישע פלאץ מעגסטו יענעם אויסניצען?
חוץ א מעשה הייבט אן אביסל ארבעטען אויף סחורה, נישט קאפי פעיסט, גיי סקען בילדער, גיי זיך אינפערמאציע אויף זאכן, און נאכדעם וועל מיר זעהן צו דו וועסט הנאה האבן אז יענער באניצט זיך דערמיט אן עכ"פ געבן קרעדיט פאר דיר, איך רעדט אפילו נישט פון פרעגן רשות.
