◄ ווייז ספוילער
יו״ט שבעות תשפ״ד בצל הקודש של כ״ק מרן רבינו שליט״א
דינסטאג פרשת נשא - ערב יו״ט שבועות
אום 9:15 איז דער רבי אריינגעקומען צו תפילת שחרית אין ביהמ״ד הגדול,
בעל תפילה: מו״ה יעקב פריעדמאן הי״ו.
נאכן דאווענען זענען די בר מצוה בחורים אריין אל הקודש פנימה, דער רבי האט אנגעוואונטשען ברכת קדשו און געגעבן במתנה ספה״ק ויואל משה בחתימת יד קדשו,
דערנאך זענען אריין פילצאליגע געסט מעבר לים וואס זענען געקומען וויילן בצל הקודש און שלום גענומען פון רבינו שליט״א
ליל א' דשבועות
ערב יו''ט פארן זמן האט דער רבי אנגעצינדן א יזכור ליכט בחדרו הפרטי.
ארום 8:55 איז רבינו שליט"א אריינגעקומען אין ביהמ״ד הגדול מעוטף בטליתו און צוגעגאנגען צו תפילת מנחה,
מערבית: הרה״ח ר׳ אברהם וואלף לויפער הי״ו פון קרית יואל.
מען האט געענדיגט ארום 10:15 און דער ציבור איז אריבער זאגן גוט יו''ט און די געסט האבן שלום גענומען פאר א לענגערע צייט. דער רבי איז אהיים לביתו נאוה קודש ווי דער רבי האט געזאגט די תיקון ליל שבועות כנהוג, ביז צום טיש.
ארום 1:30 איז דער רבינו שליט''א אריינגעקומען צום שלחן הטהור אין ביהמ"ד הגדול.
הגבהת הכוס לקידוש: הרב שמואל ישעי פריעדמאן שליט״א פון מאנסי.
במשך דעם טיש האט מען געזינגען ניגוני התעוררות וניגוני יו״ט,
מיטן ‘אהבה רבה׳ ניגון האט דער רבי מכבד געווען הרה״ח הישיש ר׳ אלטר יחזקאל גליק הי״ו פון קרית יואל, און מען האט געזינגען דעם והאר עינינו ניגון פאר א לענגערע צייט,
דער רבי האט געזאגט תורה אויפן פסוק 'ומשה עלה אל אלוקים' און געטייטשט אז עס איז דא צוויי וועגן אין עבודת השם מתוך יראה ומתוך אהבה, און די אמת׳ע דרך אין עבודת השם איז דינען דעם אויבערשטן מיט אהבה און השתוקקות צום בוכ״ע, און דאס האבן די אידן זוכה געווען בשעת מתן תורה, און עד היום הזה ווען אידן קומען זיך צוזאם אויף יו''ט שבועות קומט מיט דעם כח און אויף דעם איז מען מתפלל והערב נא ה' אלוקינו.
ביים טיש איז אויך פארגעקומען די שמחת הוואך נאכט פאר נכד רבינו בן הנולד אצל הרב חיים מאיר האלבערשטאם שליט״א חתן הגה״צ אב״ד ור״מ דקהלתינו ירושלים - קרית יואל שליט״א, דער רבי האט געטרינקען לחיים און אנגעוואונטשען פאר׳ן בעל שמחה און די מחותנים,
ברכת המזון: הגה״צ אב״ד ור״מ דקהלתינו ירושלים - קרית יואל שליט״א,
מען האט געענדיגט דעם טיש אום 3:40 פארן עלות איז דער רבי געגאנגען אין מקוה, און דערנאך אהיים לביתו נאוה קודש.
יום ראשון של שבועות
אום 10:45 איז רבינו שליט״א אריינגעקומען אין ביהמ"ד הגדול צו תפילת שחרית,
פסוקי דזמרה: הרה״ג ר׳ יוסף לייב עסטרייכער שליט״א ר״מ בישיבתינו הק׳.
צו שחרית יוצר והלל איז דער רבי צוגעגאנגען מעוטף בטליתו של רביה״ק זי״ע,
ביי אהבה רבה האט מען כנהוג געזינגען דעם ניגון פון הרה"ק רבי ר' הערש מרימונוב זי"ע בהתעוררות רב פאר א לענגערע צייט, און דער רבי האט אויסגעלאזט פון ומהר והבא עלינו בקול בוכים,
נאך א קורצע הפסקה איז דער רבי אריינגעקומען צום ליינען, מען האט אויסגערופן כהן און דערנאך האט דער רבי פארגעזאגט די אקדמות חזן וקהל,
עס זענען נתכבד געווארן,
הוצאה והכנסה ספר א׳: הרה״ח ר׳ ישראל דוב גאלדבערגער הי״ו פון קרית יואל.
הוצאה והכנסה ב׳: הרה״ח ר׳ שמואל זאנוויל כהנא הי״ו.
כהן: הרה״ח ר׳ מאיר ראטה הי״ו.
לוי: הרה״ח ר׳ אלי היימליך הי״ו חבר הנהלת מוסדותינו הק׳ אין לעיקוואד.
שלישי: הרב חיים מאיר האלבערשטאם שליט״א נכד רבינו.
רביעי: הרה״ח ר׳ חיים הערש גאלדבערגער הי״ו.
דער רבי האט עולה געווען חמישי.
הגבה: הרה״ג ר׳ יואל יושע העשיל האלבערשטאם שליט״א פון בארא פארק,
גלילה: הרה״ח ר׳ עוזיאל גאדינגער הי״ו.
מפטיר: הרב שמואל ישעי פריעדמאן שליט״א פון מאנסי.
הגבה: הרה״ח ר׳ יושע מתתי מערץ הי״ו.
גלילה: הרה״ח ר׳ יוסף שמואל פאזען הי״ו פון מאנטריאל.
צו תפילת מוסף איז צוגעגאנגען הגה״צ אב״ד ור״מ ירושלים - קרית יואל שליט״א.
פתיחה לאנעים זמירות: הרה״ח ר׳ זלמן לייב פעלדמאן הי״ו משמש.
נאך עטליכע מינוט איז רבינו שליט''א אריינגעקומען אין ביהמ"ד אויפן ארון הקודש צום שמחת הברית מילה פון נכד רבינו בן הנולד אצל הרב חיים מאיר האלבערשטאם שליט"א חתן הגה"צ אב״ד ור״מ דקהילתינו ירושלים - קרית יואל שליט"א,
ווי דער רבי איז מכובד געווארן מיט סנדקאות וקריאת השם, ויקרא שמו בישראל: ישראל אפרים, נאכן הייליגן בעל שם טוב זי״ע און נאכן זיידן הגה״צ אבד״ק מאקאווא זצ״ל. סנדק מעומד: הרה״ג ר׳ יואל יושע העשיל האלבערשטאם שליט״א,
נאכן ברית האט מען געזינגען ניגוני שמחה, און דער גאנצע ציבור איז אריבער וואונטשן מזל טוב פאר רבינו שליט"א,
דער רבי האט געמאכט קידוש און טועם געווען פון די מזונות און דערנאך פון די מילכיגע קרעפלעך כנהוג, דאן האט דער רבי געזאגט דעם פשעטיל בריתחא דאורייתא אין די סוגיא פון ספק מוכן במס׳ ביצה,
מען האט געענדיגט ארום 4:20 און דער רבי איז אהיים לביתו נאוה קודש, אויפן וועג אהיים האט דער רבי זיך מפלפל געווען אינעם סוגיא.
אום 7:40 איז רבינו שליט״א אריינגעקומען צום תנאים טיש אינעם גרויסן שאטער פארענט פון ביהמ״ד הגדול, ביים טיש האט מען אויך ממשיך געווען מיט׳ן סעודת ברית לנכד רבינו שליט״א,
דער רבי האט זיך געוואשן צום מיטאג סעודה, מען האט געזינגען ניגוני יו״ט, און דער רבי האט פארגעליינט די תנאים בין ישראל לאביהם שבשמים, און מען האט געזינגען ניגוני שמחה,
מיטן פיוט האט דער רבי מכבד געווען הרה״ג ר׳ חיים קלמן גוטמאן שליט״א דומ״ץ ביהמ״ד דקהלתינו הק׳ אוהל פיגא,
יום ליבשה: הרה״ח ר׳ משה אלי עסטרייכער הי״ו מנכ״ל מוסדותינו הק׳ אין קרית יואל,
דער רבי האט האט געזאגט תורה אויפן פסוק 'ועתה אם שמוע תשמעו בקולי׳ און געטייטשט אז פאר קבלת התורה האט דער אויבערשטער מגלה געווען פאר משה רבינו די גרויסע אהבה וואס ער האט צו אידשע קינדער, און דאס איז געקומען דורך מצות מילה, און מיט דעם כח האבן די אידן געקענט מקבל זיין די תורה.
דער משמש הרה״ח ר׳ זלמן לייב פעלדמאן הי״ו האט געמאכט די מי שברך,
מיטן בענטשן האט דער רבי מכבד געווען דער מחותן הרה״ג ר׳ יואל יושע העשיל האלבערשטאם שליט״א, און די הרחמן'ס הגה״צ ר׳ אהרן שליט״א,
מען האט געענדיגט אום 9:15.
ליל ב' דשבועות
אום 9:20 איז רבינו שליט''א אריינגעקומען אין ביהמ"ד הג׳ צו תפילת מנחה, בעל תפילה איז געווען הרב חיים אלי ראזענבערגער שליט''א נכד רבינו.
נאך מנחה איז אריין בקו״פ הנהלת חברת תהילים דקהילתינו הק׳ מקבל זיין ברכת הקודש און אנצולאדענען דעם רבין צום מעמד ׳בני חבובי׳ וואס איז פארגעקומען דעם צווייטן טאג יו״ט בהשתתפות פון טויזענטער תשב״ר בליע״ה.
מערבית: הרה״ג ר׳ יעקב יצחק אשכנזי שליט׳א.
מען האט געענדיגט דאווענען ארום 10:10 דער ציבור איז אריבער זאגן גוט יום טוב, און דער רבי איז אהיים לביתו נאוה קודש.
יום שני של שבועות
אינדערפרי אום 9:15 איז רבינו שליט''א אנגעקומען צום מעמד בני חבובי שע״י חברת תהילים דקהלתינו הק׳ אין די עטרת אברהם זאלן,
עס האט אויפגעטרעטן הרה״ח ר׳ יואל הערש לאנדא הי״ו סגן מנהל במוסדותינו אין לעיקוואד, און דערנאך פארגעזאגט תהילים, דער רבי האט מיט געזאגט עטליכע קאפיטלעך און אויפן וועג ארויס ווארעם אנגעוואונטשען די עסקנים.
פון דארט איז דער רבי אריבער אין ביהמ"ד הגדול זיך משתתף זיין ביים מעמד המרומם 'קבלת התורה' לימוד התורה ברוב עם, דער רבי איז אריין בחדרו הפרטי עוסק זיין בתורה און פאר׳ן דאווענען ארויסגעקומען אינעם היכל ביהמ"ד און זיך אומגעקוקט א לענגערע צייט אויף די טויזענטער לומדים זקנים עם נערים,
מען האט אנגעהויבן דאווענען ארום 10:30,
פסוקי דזמרה: הרב יואל ראזענבערגער שליט״א נכד רבינו.
דער רבי איז צוגעגאנגען צו שחרית הלל ומוסף און א לענגערע צייט מאריך געווען ביי אהבה רבה בבכיות נוראות,
נאך שחרית האט מען געזאגט מגילת רות.
דער רבי איז אריין בחדרו הפרטי און מען האט פארקויפט די עליות,
ביים ליינען זענען נתכבד געווארן,
הוצאה והכנסה ספר א׳: הרה״ח ר׳ יואל ישראל זופניק הי״ו.
הוצאה והכנסה ספר ב׳: הרה״ח ר׳ יעקב יוסף לעפקאוויטש הי״ו פון אנטווערפן.
כהן: הרה״ח ר׳ שמואל זאנוויל כהנא הי״ו פון קרית יואל.
לוי: החתן ב״ר רפאל ארי קרויס הי״ו.
שלישי: הרב יושע באנדא שליט״א
רביעי: הרה״ח ר׳ שרגא פאזען הי״ו פון קרית יואל.
דער רבי האט עולה חמישי.
הגבה: הרה״ח ר׳ שלמה הערש קארפען הי״ו.
גלילה: הרה״ח ר׳ זיידא ישראל חיים בערקאוויטש הי״ו פון קרית ייטב לב.
מפטיר: הרה״ח ר׳ מענדל מאיר יאקאבאוויטש הי״ו.
הגבה: הרה״ח ר׳ אברהם מייזעלס הי״ו פון מאנטריאל.
גלילה: הרה״ח ר׳ נפתלי שמואל פריעדמאן הי״ו פון מאנטריאל.
נאכן ליינען האט מען געזאגט יזכור.
מוסף: הרה״ח הישיש ר׳ אלטר יחזקאל גליק הי״ו פון קרית יואל.
פתיחה לאנעים זמירות: הר״ר מרדכי בר״מ פריעדמאן שליט״א פון קרית יואל.
מען האט געענדיגט ארום 2:45 און דער רבי איז אהיים לביתו נאוה קודש.
ארום 7:55 איז רבינו שליט''א אריינגעקומען אין ביהמ"ד ברך משה צו תפילת מנחה,
בעל תפילה: הרה״ח ר׳ ברוך יודא רייך הי״ו.
נאך מנחה איז דער רבי אריבער אין עטרת אברהם זאלן צום נעילת החג טיש,
מען האט געזינגען ניגוני יו״ט, מען האט אריינגעברענגט קוגל און דער רבי האט טועם געווען,
דער משמש הרה"ח ר' זלמן לייב פעלדמאן הי"ו האט אנגעגאסן פארן רבי'ן לחיים און דער רבי האט געוואונטשן לחיים פאר די חברה קדישא, און פארן גאנצן ציבור,
דערנאך משמיע געווען דברות קודש, דער רבי האט זיך געשטעלט אויפן פסוק ׳כה תאמר לבית יעקב ותגיד לבני ישראל׳ און אויסגעפירט מיט ברכות לרוב מהשפעות החג,
נאך די דברות קודש האט דער רבי געליינט די כתובה און דערנאך טועם געווען פון די פריטלעך כנהוג און פארטיילט שריים,
מען האט געזינגען דעם פיוט ׳אזי בשלישי׳ בניגון המקובל פונעם הייליגן ישמח משה זי״ע, מיטן פיוט ׳מלך רחמן׳ האט דער רבי מכבד געווען הרה״ח ר׳ אלימלך ווצ״ב הי״ו, און מען ממשיך געווען בשירה וזמרה ניגוני יו"ט שבועות און ניגוני קבלת התורה,
אום 10:20 האט דער רבי געדאווענט מעריב, בעל תפילה איז געווען הרה״ח ר׳ יחזקאל שרגא רייזמאן הי״ו.
נאך מעריב האט דער רבי געמאכט הבדלה, און געוואונטשן א גוטע וואך און א געזינטן זימער,
פון זאל האט מען אהיימבאגלייט רבינו שליט״א בשירה ובזמרה,
נאך א קורצע צייט איז רבינו שליט''א ארויסגעקומען אויפן פארטש פון ביתו נאוה קודש צום מעמד ברכת הקודש במקהלות רבבות אלפי ישראל אנשים נשים וטף,
מען האט געזינגן ניגוני התעוררות, רבינו שליט''א האט משמיע געווען ברכת הקודש והדרכת השנה, און ארויסגעברענגט אז נאך מתן תורה האט דער אויבערשטער געזאגט שובי לכם לאהליכם און דאס דארף זיין מיט מה טוב אהליך יעקב, דער רבי האט מעורר געווען אז מען דארף האלטן די שטיבער אפגעהיטן פון אלע כלים און גיין מיט ערליכע לבושים און בעיקר זיך קובע זיין עתים לתורה, ובקול חינק בדמעות האט דער רבי דערמאנט די ביטערע גזירות וואס איז דא אויף כלל ישראל ובפרט מיטן גזירות הגיוס בארה״ק וואס איז מיט די הסכמה פון די פרומע פארטייען רח״ל, דער רבי האט אנגעוואונטשען אז בזכות קבלת התורה זאל מען זוכה זיין צו השפעות טובות ברוחניות ובגשמיות.
מען האט געזינגען ניגוני שמחה און דער ציבור לאלפים האבן געטאנצן בהתרוממות הנפש,
מען האט געענדיגט ארום 11:30.
בביתו נאווה קודש זענען אריין בקודש פנימה די הונדערטער געסט פון אויסלאנד אזוי אויך תלמידי ישיבתינו הק׳ פון מאנטריאל, ווי דער רבי האט געזעגענט ביז שפעט אויפדערנאכט, אויך האט זיך דער רבי באדאנקט און אנגעוואונטשען פאר עטליכע הויכראנגיגע פאליציי באאמטע,
אינמיטן געזעגענען איז דער רבי געקומען צום פענסטער און זיך אומגעקוקט בשעת דער ציבור האט ממשיך געווען א לענגערע צייט מיט רקודין של שמחה.
״ויו''ט היה עושה בצאתו בשלום מן הקודש״
אשרי עין ראתה כל אלה, אשרי העם שככה לו אשרי העם שה' אלוקיו!
