Re: ווידיאו ביים היימישן ציבור
אויף טעקסט איז נישטא קיין בראשורן לאיסור, ס'זענען דא בראשורן וואס דערציילן אויף וואס בחורים נוצן עס, און בראשורן וואס מוטיגן עס אויפצוגעבן - און בעיקר נישט אנצוהייבן.
זיי ברענגען ארויס אז סאציאלע מידיע פארט זייער שנעל אריבער צו די בחורים טעקסט גרופעס - דאס איז נישט קיין איסור, נאר זיי צילן אויפצוקלערן די עלטערן זיי זאלן וויסן וואס מיינט טעקסט פאר א בחור.
בנוגע כשרות הוואטסעפפ, ניין, ס'עקזיסטירט נישט קיין פילטער אויף וואטסעפפ, און מ'קען זיך אנשליסן אין סיי וועלכע פלעינע נייעס גרופע וכדו' מיט בילדער פון נשים וכדו'.
עס איז א שטאפל בעסער ווי סטאטוס וואס מען זעט אלעס פון עני קאנטאקט, אבער נאכאלץ איז עס נישט 'כשר'.
ביזט גערעכט מען קען טון די זעלבע זאך מיט טעקסט, אבער על פי רוב עקזיסטירן נישט אזעלכע גרופעס אויף טעקסט און טעקסט איז נישט אויסגעשטעלט פאר דעם, - אויסער ביי בחורים.
אימעיל ווערט געהעריג גע'כשר'ט, בילדער ווערן פארשווארצט, און מען קען זיך נישט אנשליסן אין קיין פראבלעמאטישע זאכן.
מיר רעדן דא א גאנצן צייט פון דאס וואס דו רופסט אן 'נארמאלע מענטשן' וואס זוכן נישט פראבלעמען, ווייל קען טאקע זיין אז אויב איינער וויל קען ער זיך אויפסיינען אויף פראבלעמאטישע אימעילס - כ'רעד וואס די ווערטער זענען פראבלעמאטיש, די בילדער ווערן פארדעקט.