אידישע וועלט פארומס

אומ-באשרייבליך

גיי פאפיר
גיי.
בלייב ווייס. בלאס.
טוסט מיר וויי
זייער וויי
ביסט אין כעס?
מאכסט סתם שפאס?

דו אויך, טינט
שווארץ. בלינד
פארעיפוש׳ט. אלט
פארגליווערט. קאלט
טריפסט זאלץ
אויף אפענע וואונד

מיינע טרוימען
בלעזלעך. שוימען
דער ענדלאזע אלעס
פון רייך צו דלות
טוסטו,
פארצוימען
אין דיינע זוימען

רעגנבויגן רייך
הערן. שפירן
אסאך.
צו וואלקענעס גרוי
ארימע טוי
מאכן פלאך
טוסטו, ׳שפראך׳

פאנאראמעס געמאלן
פעלזן. טאלן
א רגש געפילדער
פון שענסטע בילדער
פארשוועמט
אין כוואליעס ברויזנד
פון ווערטער טויזנט

אדרבה. פרוביר.
אינפארמיר
וואס קאלירן
טוט פרעזענטירן.
טראץ אויף דיר
שטייט ׳קאליר׳
מיין אויג זעהט
צומאלענע ברעט

כ׳האב די שורות
זעה און שפיר עס
ריין. קריסטאל
בילדער קלארע
אבער הסברה
פעלט. דערווייל

מיינע סטרונעס
געדאנקען שינעס
טינט׳יגע פלעקן
קען שרייבן און דעקן
אבער,
די שענסטע קינות
האט. פארט
עקן

א שוימיגע טייך
נאס. רייך
צום זאך
באשריבן
מדבר. טרוקן
זאמד׳יג, צום שטיקן
אךךך. דאך
געבליבן

מחשבה אקעאנען
הארץ וואולקאנען
תהומות. חלומות.
פאנטאזן אין סוף׳יגע
צי קען דען
בליי
אליין פארשטיין
צו זיי?

איך וויל זוכן
אין ווערטער-בוך
נישטא.
נישטא די פראזן
צי באווייזן
אריינצוקריכן
אין מיינע
שיך

פארוואס
אנהייבן. שרייבן
בכלל,
ווען דאס, פלוס
איז א
אומ-אויפהערליך
קוואל

באגריפן פרייע
זכרונות. דמיונות.
אין מעמוארן
מיט שווארצע לאטעס
אין א רייע
אונטער אותיות גראטעס
פארשפארן?

אומ-באשרייבליך
א ווארט
באנוצט
ווען דארט
איר פאראדאקס
זי אליין
באזיצט

אוי.
איך שרייב?
אומגלויבליך.
נו, פרוביר
קאלטע פאפיר
כאטש פארבלייב
זאמלען,
שטויבלעך

איך וועל,
דיר ליינען
נישט יעצט
יארן פון יעצט
און וויינען
באוויינען אז,
דו פארשטייסט
און ווייסט
נישט וואס דו רעדסט!



איז דער ארטיקל געשריבן אין 'גראמען' ? דאן רעיט אינעם ערשטן אפציע לויט'ן שטאפל איר האלט אז עס איז. איז דער ארטיקל 'פאעטיש' געשריבן? דאן רעיט אינעם צווייטן אפציע לויט'ן שטאפל איר האלט אז עס איז. אויב פעלט פון דעם ארטיקל איינס פון די צוויי אויבנדערמאנטע, דאן מאכט א טשעק ביי "נישט נוגע".

פשיהא דאס איז א גוטס....

אויף אזא פאעזיע קען איך נישט קאמענטירן אויף "טינט"

קלאר ר' פנחס אדער א תלמיד מובהק...

די קונץ פון אזא לעוויל פאום איז, חוץ אלע מעלות פונעם תוכן און ריטם, וכו', מאכט ער נאך א "פול סוירקל" ודוק.

פאטעיטא טשיפס האט געשריבן: די קונץ פון אזא לעוויל פאום איז, חוץ אלע מעלות פונעם תוכן און ריטם, וכו', מאכט ער נאך א "פול סוירקל" ודוק.

דהיינו?

ס'איז זייער שווער צו כאפן די אופן וויאזוי די גראמען לויפן. ס'האט אסאך קונצליכע גראמען. אבער צומאל גראמט ער אינגאנצן נישט. איך וועל מוזן רעיטן 'זייער גוט' אויף גראמען.

פעיק ניוז האט געשריבן:

פאטעיטא טשיפס האט געשריבן: די קונץ פון אזא לעוויל פאום איז, חוץ אלע מעלות פונעם תוכן און ריטם, וכו', מאכט ער נאך א "פול סוירקל" ודוק.

דהיינו?

ס'איז נישט סתם א פאום, נאר א לעיער און נאך א לעיער און נאך א לעיער, זייער טיף, ביז ס'איז שוין ממש נישטא וואס צוצולייגן, ער האט געגעבן פון א' ביז ת' וואס איז שייך מיט דעם פאום, א גאנצע סירקל.
אז ער שטעלט זיך אפ צוויי שטיקלעך פאר'ן סוף איז שוין אויך הערליך, איין שטיקל פאר'ן סוף אויך הערליך, און יעצט די סוף איז עמוק עמוק.

טיף ביז'ן נשמה אריין. הערליך

נאר מיט שמחה האט געשריבן: ;l;p-

wow !! wow!! און ווידעראמאל: woooow!

בלאט בלאט,
דו,
יא, דו!
שטייסט פונדערווייט,
קיין צייט
יא, צייט!
צו באשרייבן
שרייבן?
יא, שרייבן!
מיין, מיין?
יא, מיין!
געפילן!

שרעקליך גוט, פאעטיש, גוטע אויסגעהאלטענע גראמען אויך, די אומ'סדר' אין די שורות איז דאך אזוי מסודר... הערליך שבגעפערליך!!

דו ביזט גוט...

.

נאר מיט שמחה האט געשריבן: געליינט די תגובות, כ'האלט יא אז די גראמען איז זייער שטארק, כאטש וואס עטליכע שורות גראמט נישט בכלל,
ער וואלט עס דאך געקענט אריינשטעלן אין איין שורה, מ'רעדטעך פון קורצע שורה'לעך. און אלע גראמען ווי ס'גראמט יא זענען אויסגעהאלטן הונדערט פראצענט, אן קיין בדיעבד'יגע ווערטער, און עטליכע חידושים איז אויך געווען, צום ביישפיל אומגלויבליך מיט שטויבלעך וכדו'.
סאו די צוטיילן אפאר ווערטער פון שורה מאכט עס נאר מער רייך, ולענ"ד נעמט נישט אראפ פון גראמען.

איך האלט אויך אזוי

געוואלד-יג

שיינע גראמען, די מעסעדזש איז טיף באהאלטן.