שכוח טאטי! - פאעזיע און גראמען פארמעסט תשפ"א #27
שכוח טאטי!
עס געדענקט זיך גוט
פון יענע מינוט
פארן שטעלן די טריט
אונטער די שטאנגען פיר
אן ערנסקייט מ'האט דערקענט
געשוועבט אין א קאנטינענט
האסט געלייגט דיינע הענט
ארויף אויף מיר
ווי דעם פידל'ס קול
מיט אויגן צום שמי מעל
אל תמצא בך פסל
האסטו געבעטן מיט טרערן טייכן
ישימך אלוקים
געשריגן שטום
קוק דיר אביסל אים
אויף די וועלט מ'טוהט מיטמאכן
פון נעסט גייסט ארויס
בויעסט אן אייגן הויז
געדענק אין וועם דו גלויבסט
האסטו אין הארץ געשריגען
נאס ארום ווי איך שטיי
פון טרערן איך צעגיי
היינט א לעבן פונדאסניי
ווי אן אינטרא צו א ניגון
מיט א קוש אין האנט
מיינע אויגן צו דיין אנגעשפאנט
דאן האב איך זיך דערמאנט
איך דארף דיר עפעס זאגן
די גאנצע צוואנציג יארן
פון ווען געבארן
מים ומזון ללא חסרון
געזען איך זאל פארמאגן
געשריבן מיין מצוה צעטל
געהערט מיין תורה בלעטל
געחזרט מיין פשעטל
זיך אינגאנצען איבערגעגעבן
אויף די פיס מיר געשטעלט
אנגעגרייט פאר די וועלט
ווי א מאנטל פאר קעלט
האסטו מיר געטון וועבן
דיין אהבה דיין ליבע
אייביג געווען די סיבה
אנצוגיין אין יעדע סביבה
אין וועט אוודאי העלפן בחיים
ווי שטארק די געדראנג
זאל איך זאגן א דאנק
צו דען שענקן א געשאנק
ס'דאך ווי א טראפעלע מים
שכוח דען א ווארט
אדער עפעס אויסגעשנארט
דאך עפעס זאגן פארט
איז שכוח טאטי!
איז דער ארטיקל געשריבן אין 'גראמען' ? דאן רעיט אינעם ערשטן אפציע לויט'ן שטאפל איר האלט אז עס איז. איז דער ארטיקל 'פאעטיש' געשריבן? דאן רעיט אינעם צווייטן אפציע לויט'ן שטאפל איר האלט אז עס איז. אויב פעלט פון דעם ארטיקל איינס פון די צוויי אויבנדערמאנטע, דאן מאכט א טשעק ביי "נישט נוגע".
מיין חלק אינעם שמועס...
