איך האב געווארט און געווארט, ביים תהלים אין א ווינקל, מיינע צוויי שבת לעכט, געטאנצט דעם איינזאם טאנץ...! ס'האט אויסגעזעהן פארלאשן, געווען פינסטער און טינקל..... אט האט זיך עס צופלאקערט מיט א נייעם רעוועלוציענערישן טאנץ!!
איך האב געווארט און געווארט, אזויפיל טרערן פארגאסן!! אזוי געוואלט קינדער זעהן, דאס הארץ געווען צושאסן!!!! איך האב געווארט און געווארט, אזויפיל יאר נאכאנאנד, יעצט מיין האפענונג אויפגעשיינט, איך שפיר ענקער ליבליך האנט!!
מזל טוב אייוועלט! פארן זיין דער פלאטפארמע אויף וועמען די געדאנק האט זיך געבויעט, געקומען לכלל מעשה, און צוליב וועמען אזויפיל אידן האבן געשאנקן זייער הארץ פאר אונזערע ברודער און שוועסטער המצפים! וואס קוקן ארויס! וואס גארן, וואס האפן, וואס בעטן, וואס לעכצן, וואס שטרעבן, צו האלזן א רבקה'לע! א משה'לע! אן אייגענע!!! און א באזונדערע מזל טוב פארן האבן אזא הארץ סייט אדמין ווי אונזער וויכי! וואט עי האנער צו שעירן איין פלאטפארם!
מזל טוב@וויכטיג מאכערפארן סוקסעספול פירן אזא מעכטיגן קאמפיין! פארן אהערשטעלן אזעלכע מאסיווע סכומים!! פארן צונויפברענגען כלל ישראל כאיש אחד בלב אחד אויף אזא פארנעם!!!
איך זיץ מיר דא שפעט אויף דער נאכט, ביים קאלטן קאמפיוטער סקרין. און מיינע אויגן רירן הייסע טרערן. איך זיך פאר ווען אויסצוגעבן מיינע עמאשונס, און מיינע געפילן, אבער איך זע נישט קיינעם דא נעבן מיר, וועל איך עס טון דאהי אויף אונזער וועלטל.
אשריך ישראל, מי כמוך!!
ווי איז נאך דא אזא פאלק ווי כלל ישראל, ווי איין הארץ שפירט א צווייטן! ווי עס איז נישט א זאך ווי אן איינזאמער צער!
איך גלייב אז אונזערע ברידער המצפים לישועה, האבן ארויסגענומען דאזעס חיזוק פון דעם היינטיגן נאכט! כלל ישראל איז מיט ענק! כלל ישראל זארגט זיך פאר ענק! כלל ישראל איז מתפלל פאר ענק! כלל ישראל שוויצט פאר ענק! כלל ישראל לאז ט זיך קאסטן פאר ענק!
ובשם ה' נעשה ונצליח! לאמיר וואונטשן פאר ר' משה און אלע עסקנים, א ברכת צלח ורכב על דבר אמת. אלעס פון דא אין ווייטער זאל פארן געשמירט. מען זאל קענען אריינברענגען שמחה און ליכטיגקייט אין אלע אידישע שטיבער. און מיר זאלן שוין אלע אויפגעראכטן ווערן בקרוב. אמן.
יעדע גוטע זאך קומט אמאל צו אן ענדע, אבער נאכדעם קומט אן א בעסערס.
וויפיל זאכן? האסטו געזעהן א פערטל די מארקעטינג פון וואס בני עולם האט געמאכט? איך בין געווען ביי אפאר פרי-קאמפיין איווענטס.. ס׳איז געווען ביי -לכה״פ 2- בושות…
און די גרעסטע חידוש איז נאך געווען אז די אייוועלט פאליטישע ליבהאבער און זאך קענער וועלכע זענען גענויט צו רעכטס און ווילן וואס ווייניגער דאס אריינמישונג פונעם פעדעראלע רעגירונג צו פריוואטע ביזנעסער ווי גרויס ס'זאל נישט זיין, זיכער אזוי ווילן זיי נישט דאס עקספענדן פון מעדיקעיד/מעדיקער ווען דאס לאנדס חובות לעכערט דורך דעם דאך איינמאל און ווידעראמאל.
זיי קענען ביישטיין אז מ'דיפאלט די אבליגאציעס אבי צו לערנען די דעמאקראטן בלק אז ס'איז צייט זיך איינציען דעם פאסיק, צייט צוריקשטעלן דעם יוגנט צום ארבעטס קראפט, צייט צו וויסן אז נישט אלעס קען מען האבן און נישט אלעס איז א "רעכט", טייל זאכן אין לעבן זענען א פריוויליגיע, מ'דארף שוויצן דערויף און דאס פארדינען.
בכלל - האלטן די מער דורכדריגענדליכע דענקער שבעולמינו - אז ווי מער די רעגירונג מישט זיך אריין אין העלט קעיר (אדער סיי וואס) אפילו ווען די צילן זענען נאבל און הארציג וועט דאס סוכ"ס האבן א שלעכטע ווירקונג אויף די קוואליטעט פון העלט קעיר און ציטריט צו די סערוויסעס.
וראיה לדבר איז טאקע די א. ג. אנדערע דעמאקראטישע מערב-לענדער ווי די העלט קעיר סיסטעם איז ווינציגער פריוואטיזירט, ווי אויבנאויף קוקט דאס אויס מער צוגענגלעך פאר זייערע בירגער אבער קוק גוט וועסטו זעהן וואספארא צעבראכענע העלט קעיר סיסטעם די לענדער פארמאגן, וואס דארפסטו מער פון דעם אז פון די גאנצע וועלט קומט מען צו פארן צו די גאלדענע אמעריקע זיך צו היילן.
און פלוצלינג דזומעט אריין פון כלל ישראל און פון די סאמע אמת'ע רעכטע אגיטירער אונזערע, אריינגערעכנט אנערקענטע אייוועלט שרייבער סכומים אדירים, מעכטיגע קאמפיינס, צוטריט צו גרויסע פאליטיקאנטן און לאביאיסטן, צאללאזע אשכולות און פיעטשערס, אנע שיעור קהילות און ארגאניזאציעס האבן זיך אנגעשלאסן אין איין גרויסע געשריי: "ווען מיין ברידער איז אין נויט טוט מיר וויי, און ווען ס'טוט וויי פאלן אוועק אלע כללים".
אין אלע אנדערע לענדער איז די סארט פראצעדורן אין די מעדיקל קאטעגאריע, נאר נישט אין אמעריקע. נאו מאר גייט אמעריקע זיין צוריקגעבליבן, מ'גייט מיר צוזאמעננעמען "פראקטישע" פאליטיקאנטן פון ביידע זייטן, לייגן די פרינציפן און שיטות אין א זייט און דאס בעזר הבורא ברוך הוא דורכברעכן!
ווי איז נאך דא א שענערע הכנה צו קבלת התורה, ויחן שם ישראל נגד ההר, כאיש אחד בלב אחד אחד, איך בין דו און דו ביזט איך.
ואהבת לרעך כמוך זה כלל גדול בתורה, אלא אנדערע כללי החיים איז גוט פאר שמועסן און פארברענגען. ווען ס'קומט צו העלפן אונזערע ברודער און שוועסטער נעמט מען דעם כלל גדול בתורה און מ'לאזט דעם אויבערשטען פירן זיין וועלט כרצונו הפשוט אויך אין די פארשמייליגטע אמעריקע.
איך וויל רעאגירן צו די ווערטער פון ידידינו הרב@פראקטיש אין אט די מינוטן און טאקע די נקודות וואס דו האסט ארויסגעברענגט קען מען זעהן דעם "אשרי העם שככה לו, אשרי העם שהשם אלוקיו" גאר אסאך מאל אראפארנדיג די פאליטישע בלעטער און די אייגענע תגובות קען זיך שפירן א מוראדיגע פרעמדקייט און אסאך מאל אפילו א עקל, וואו קומט צו אידישע קינדער אזא סימפאטיע צום גוי, און אזוי אפקויפן די שיטות און מיינונגען פונעם פראסטן אמעריקאנער, דער נקודה דארף נאך ברייט און שיין באהאנדלט ווערן, ס'איז עפעס וואס דער שרייבער פון די שורות ברויך אויך א גרויסן תיקון דערין ועוד חזון למועד בעז''ה אבער דא האט זיך ארויסגעוויזן מיט די גאנצע פעסטקייט איך בין נישט קיין רעכטער איך בין נישט קיין אמעריקאנער איך בין נישט קיין טראמפיסט איך בין נישט קיין קאנסערוואטיוו איך בין א אידיש קינד, מיט א אידיש הארץ און אידישע בלוט, איך בין דא פאר איין ציהל: דינען דעם באשעפער מיט'ן גאנצן כח און מח און איך וועל גיין אין פייער צו ראטעווען און העלפן זיינס א קינד, מיינס א ברודער! אשרינו מה טוב חלקנו!
