תורת הנגינה // הערות והארות
א גרופע חברים זיצן ביים ליל שישי און פארברענגען צוזאמען מיט א געשמאק. איין ניגון נאכן צווייטן זינגען זיי אינאיינעם ווען אלע קלאפן צום טאקט פונעם געזאנג.
יענקל ציעט העכער, און משה ברומט אינטער, יחזקאל זינגט פאר, און ברוך זינגט נאך. איינער גייט ארויף, איינער גייט אראפ, איינער פאטשט, און איינער פויקט.
יעדער זינגט אנדערש, אבער אלע זינגען אינאיינעם!
א רייכער ווידערקול קלינגט אפ אינעם ארום, און א מתיקות צושפרייט זיך אין אלעמענ'ס גלידער...
| | | | | |
נישט יעדנ'ס שטימע איז אייניג, און נישט יעדנ'ס קול איז די זעלבע. אבער דוקא מיט דעם אז יעדער האט זיינע אייגנארטיגקייטן, דוקא מיט דעם וואס יעדער געבט צו מיט זיינע טאלאנטן, נאר אזוי ברענגט מען ארויס רייכע הארמאניעס, און נאר פון דעם קומט ארויס די שענסטע קלאנגען!
| | | | | |
מיר פארמאגן אן עולם קטן פון אלע סארטן שרייבער און לייענער. יעדנ'ס פעדער האט אן אנדערע קאליר, און יעדנ'ס געדאנקענגאנג האט אן אנדערע שניט. אבער מיר זענען אלע דא כאיש אחד בלב אחד, פארן זעלבן ציל און מיט די זעלבע מטרה. מיר זענען אלע דא צו פארברענגען אינאיינעם, צו הנאה האבן און מהנה זיין אנדערע.
דאס איז די שיינקייט פון אונזער וועלטל, און דאס איז דער שליסל צו אונזער הצלחה!
| | | | | |
היכל הנגינה וואקסט אויף הייוון. טאג טעגליך קומען צו פון אלע סארטן אפשאצונגען, אנאליזן, און דעבאטעס ארום נגינה. יעדער לייגט צו א בליק פון זיין קוק-ווינקל, א מיינונג פון זיין פערספעקטיוו, און אינפארמאציע פון זיין אוצר.
צוביסלעך צוביסלעך האבן זיך פארמירט א צאל אשכולות מיט רייכע ביאורים און אינפארמאטיווע אפהאנדלונגען אין תורת הנגינה, וואס געבן צו פארשטיין די מוזיק טעאריע אויף א לייכטע אופן.
אלעמענס כוחות, אלעמענס טאלאנטן, און אלעמענס שרייבווערק, האבן מיר יעצט צאמגעקליבן לפונדק אחד, און צוזאמגעשטעלט פון זיי א ברייטע ביאור אין תורת הנגינה וואו איר וועט קענען באקומען א פולקאמע באגריף אינערהאלב די שווערע מוזיקאלישע מושגים, און א טיפע פארשטאנד אין די קאמפליצירטע מאטעמאטישע חשבונות אויף וואס די מוזיק טעאריע איז געבויט.
איר האט זיך אלס געוואונדערט:
וויאזוי הערן מיר א קול?
וואס איז דער חילוק צווישן פיטש און וואליום?
וואס באדייט אן אקטאווע?
וויפיל טענער זענען פארהאן?
פארוואס האבן מיר בלויז זיבן נאטן?
וואס איז דאס א סקעיל?
וויאזוי מאכט מען הארמאני?
וויאזוי מאכט מען קארדס?
וואס איז דער ריטעם?
און וויאזוי ליינט מען די מאנדע מוזיקאלישע נאטן?...
דאס און פיל מער וועט אייך ברייט ערקלערט ווערן
אינעם קומענדיגן סעריע
'תורת הנגינה'
די לעקציעס זענען צוזאמגעשטעלט געווארן פון אינהאלטסרייכע תגובות פון מערערע חשוב'ע ניקים, צווישן זיי @יאפין, @לאדיךארויס, @לדעתי, @למדן וצדיק, @מאנ_יימער, @ממוצע, @ספרעי, @פעניאק, @ציגאנער, @ראבערט געיטס, @רואיג, @שלג כצמר, @תו השמיני,
און אחרון אחרון חביב @כינור, וועלכער איז ארויס פון זיין וועג און אונז געשאנקען זיינע רייכע 'מוזיקפידיע' שיעורים מיטן בלויזן ציל צוצוענדיגן די לעצטע פאר סוגיות וואס האט זיך אויסגעפעלט פארן שלימות פונעם פראיעקט. תשוחח"ל.
אלעס איז אהערגעשטעלט געווארן אויף א זעלטן לייכטע שפראך, מיט קלארע בילדער און פאקטישע ביישפילן.
און באזונדער איז די סדר הדברים און דער אופן ההסברה ספעציעל אוועקגעשטעלט געווארן אויף א פארנעם השוה לכל נפש, און דער סאמע הויפט ציל פונעם פראיעקט איז טאקע דאס, צו ערמעגליכן די איינפאכע ליינער און די פשוטי עם צו פארשטיין מיט א קלארקייט די פארבארגענעם טייל פון נגינה און מוזיק.
די סעריע וועט לויפן אין וועכנטליכע פארזעצונגען
אין די ראמען פון א פרישע קאלום אינערהאלב די שרייבער אויסגאבע, און ביים ענדע וועלן די אלע קאפיטלען בעז"ה ווערן צאמגענומען און אהערגעשטעלט אין א פראכטפולע פי.די.עף. פארמאט!
= = = = = =
אסאך הארעוואניע איז אריינגעגאנגען אויסצוארבעטן די אלע אינפארמאציע אז עס זאל זיין ראוי לעלות על שלחן מלכים, און מיר דארפן זיך באדאנקען פאר די אלע וואס האבן אריינגעלייגט כוחות להצלחת הענין.
צוערשט א יישר כח פאר @יאפין פארן ארויסהעלפן און צוגעבן גאר אסאך נוצליכע אינפארמאציע, און באזונדער פאר זיין פראפעסיאנאלע ארבעט וואס ער האט געמאכט צום שלוס פונעם סעריע.
א דאנק פאר @למדן וצדיק סיי פאר זיינע העכסט אינפארמאטיווע הוספות, און ספעציעל פארן אריינלייגן שווערע כוחות ארויפצוארבעטן דעם וואקאבולאר אז עס זאל זיין לייכט צו לייענען און גרינג צו פארשטיין.
א דאנק פאר @איצל פיצל פארן אינוועסטירן גאר אסאך כח און צייט אז עס זאל ארויסקומען א דבר השלם, געשריבן אויפן קלארסטן פארנעם, און פארשטענדליך פאר יעדן צוגלייך.
ווי אויך דארף אפגעגעבן ווערן א ייש"כ פאר @גרויסער עם הארץ, @רוהיג!, און @סטאוו יא פיטא וועלכע האבן צוגעלייגט א ווארעמע און הילפבארע פלייצע אינערהאלב דעם פראיעקט.
און צום לעצט א הארציגן ייש"כ פאר די רעדאקציע פונעם 'שרייבער אויסגאבע' פארן אהערשטעלן די סעריע ארטיקלען אויף א מייסטערהאפטיגן פארנעם!
ליינט און האט הנאה!!!
[spoil]
יאפין האט געשריבן:
לאדיךארויס האט געשריבן:
לדעתי האט געשריבן:
למדן וצדיק האט געשריבן:
מאנ_יימער האט געשריבן:
ממוצע האט געשריבן:
ספרעי האט געשריבן:
פעניאק האט געשריבן:
ציגאנער האט געשריבן:
ראבערט געיטס האט געשריבן:
רואיג! האט געשריבן:
שלג כצמר האט געשריבן:
תו השמיני האט געשריבן:
כינור האט געשריבן:
יאפין האט געשריבן:
איצל פיצל האט געשריבן:
גרויסער עם הארץ האט געשריבן:
סטאוו יא פיטא האט געשריבן:
[/spoil]איינס האט געשריבן:
