’n Goeie toespraak kan die emosies prikkel, mense bymekaar bring, broodnodige gerusstelling verskaf of individue se sienings oortuigend beïnvloed. Om die waarheid te sê: Die beste toesprake het selfs die verloop van die geskiedenis verander! Daarom moet die mag verbonde aan openbare redevoering nooit onderskat word nie. Ongelukkig kan hierdie wete groot druk op die skouers van 'n toespraakskrywer plaas.

So dalk is jy ‘n ma wat graag jou spruit wil help met die skryf van ‘n puik redenaarstoespraak – of sommer net ‘n klastoespraak. Of – en hierdie idee is nóg beter – jy’s ‘n aspirant-redenaar wat graag jou eie toespraak wil skryf om daarmee te WEN!

Dalk moet jy ‘n toespraak vir ‘n opkomende bruilof skryf of sommer net ‘n gewone toespraak wat voor ‘n klomp ingeligte mense gelewer moet word.

Hierdie kursus is ideaal om enige toespraakskrywer die fynere kunsies van navorsing, bronne en die uiteindelike skryfwerk te leer. Ons is half lus om te waarborg dat jou toespraak aandag sal trek, punte sal wen of sommer net mense lekker laat saamkuier.

Kom... waag dit en skryf in!