Die grootste deel van 'n skrywer se lewe word in beslag geneem deur navorsing. Sonder navorsing kan jy nie 'n geloofwaardige artikel of boek skryf nie. Maar ongelukkig is navorsing een van die moeilikste aspekte van skryfwerk.

• Waar en hoe begin jy?

• Waar moet jy soek?

• Waarna moet jy soek?

• Hoe gaan navorsing jou teks help?

Soveel aspekte, soveel moontlikhede. Geen wonder baie voornemende skrywers gooi sommer handdoek in wanneer hulle voor die navorsingaspek te staan kom. Dit lyk soms algeheel onmoontlik om te doen.

Dit is nie. Met ons beproefde navorsingsmetodes kan jy lag-lag jou navorsing afhandel én dit geniet. Om die waarheid te sê kan jy selfs op verskeie nuwe idees afkom terwyl jy besig is om 'n spesifieke onderwerp na te vors. Die moontlikhede lyk oneindig... as jy weet hoe.